<p><strong>ಹುಬ್ಬಳ್ಳಿ</strong>: ಕರ್ನಾಟಕ ಲೋಕಸೇವಾ ಆಯೋಗದ ಪರೀಕ್ಷಾ ಸಿದ್ಧತೆಗೆಂದು ಯಾವುದೇ ಕೋಚಿಂಗ್ ತರಗತಿಗಳಿಗೆ ಹಾಜರಾಗದೆ, ಸತತ ಐದು ವರ್ಷಗಳ ಕಾಲ ಮ್ಯಾರಥಾನ್ ಅಧ್ಯಯನ ಮಾಡಿ, ಕೆಪಿಎಸ್ಸಿ ಪರೀಕ್ಷೆಯಲ್ಲಿ ಪಾಸಾಗಿ ತಹಶೀಲ್ದಾರ್ ಹುದ್ದೆಗೆ ಆಯ್ಕೆಯಾಗಿದ್ದಾರೆ ಇಲ್ಲಿನ ಕೇಶ್ವಾಪುರ ನಿವಾಸಿ ಸಂತೋಷ ಹಿರೇಮಠ.</p>.<p>ಅಜ್ಜನ ಪ್ರೇರಣೆಯ ಮಾತುಗಳು, ಕೃಷಿಕರಾಗಿದ್ದರೂ ತಂದೆ ಓದಿಗಾಗಿ ನೀಡಿದ ಪ್ರೋತ್ಸಾಹ ಅವರನ್ನು ಈ ಸಾಧನೆ ಮಾಡುವಂತೆ ಮಾಡಿವೆ. ಈಗಾಗಲೇ ಐಎಎಸ್, ಕೆಎಎಸ್ ಮಾಡಿದವರಿಂದ ಸಲಹೆ ಪಡೆದು, ತಾವೇ ಅಧ್ಯಯನ ಮಾಡುವ ಮೂಲಕ ಯಶಸ್ಸು ಸಾಧಿಸಿದ್ದಾರೆ.</p>.<p>ಇಲ್ಲಿನ ಎಂ.ಆರ್. ಸಾಖರೆ ಶಾಲೆಯಲ್ಲಿ ಪ್ರಾಥಮಿಕ, ಸೇಂಟ್ ಮೈಕಲ್ ಶಾಲೆಯಲ್ಲಿ ಹಿರಿಯ ಪ್ರಾಥಮಿಕ, ಚೇತನಾ ಕಾಲೇಜಿನಲ್ಲಿ ಪಿಯುಸಿ ಅಧ್ಯಯನ ಹಾಗೂ ಗೋಕುಲ ರಸ್ತೆಯಲ್ಲಿರುವ ಎಂಜಿನಿಯರಿಂಗ್ ಕಾಲೇಜಿನಲ್ಲಿ ಕಂಪ್ಯೂಟರ್ ಸೈನ್ಸ್ನಲ್ಲಿ ಪದವಿ ಪಡೆದಿದ್ದಾರೆ.</p>.<p>ಕೇಂದ್ರ ಲೋಕಸೇವಾ ಆಯೋಗದ ಪರೀಕ್ಷೆ ಸಿದ್ಧತೆಗೆಂದು ದೆಹಲಿ ತೆರಳಿದ್ದ ಅವರು, ರಾಜ್ಯದಲ್ಲಿ ಕೆಪಿಎಸ್ಸಿಯಿಂದ ಅರ್ಜಿ ಆಹ್ವಾನಿಸುತ್ತಲೇ ಮರಳಿ ಬೆಂಗಳೂರಿಗೆ ಬಂದು ಓದಲು ಆರಂಭಿಸಿದರು. ಐಚ್ಛಿಕ ವಿಷಯವನ್ನಾಗಿ ಪಿಯುಸಿ ಹಾಗೂ ಪದವಿಯಲ್ಲಿ ಓದದ ಭೂಗೋಳ ವಿಜ್ಞಾನವನ್ನು ಆಯ್ಕೆ ಮಾಡಿಕೊಂಡಿದ್ದರು.</p>.<p>‘ಪದವಿಯಲ್ಲಿ ಓದಿದ್ದ ಕಂಪ್ಯೂಟರ್ ಸೈನ್ಸ್ ಐಚ್ಛಿಕ ವಿಷಯ ಪಟ್ಟಿಯಲ್ಲಿ ಇರಲಿಲ್ಲ. ಹಾಗಾಗಿ, ಬೇರೆ ವಿಷಯ ಆಯ್ಕೆ ಮಾಡಿಕೊಳ್ಳಬೇಕಿತ್ತು. ವಿಜ್ಞಾನ ಹಿನ್ನೆಲೆಯುಳ್ಳವರಿಗೆ ಭೂಗೋಳ ವಿಜ್ಞಾನ ಅಧ್ಯಯನಕ್ಕೆ ಉತ್ತಮ ಎಂದು ತೆಗೆದುಕೊಂಡಿದ್ದೆ. ಅದರಲ್ಲಿ ಯಶಸ್ಸನ್ನೂ ಸಾಧಿಸಿದ್ದೇನೆ’ ಎಂದು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ನನ್ನ ಅಜ್ಜ ಕೆ.ಜಿ. ಹಿರೇಮಠ ಅವರು ಹುಡಾ ಅಧ್ಯಕ್ಷರಾಗಿದ್ದರು. ಅವರು ಜನರ ಸೇವೆ ಮಾಡಲು ಕೆಎಎಸ್ ಮಾಡು ಎನ್ನುತ್ತಿದ್ದರು. ಜೊತೆಗೆ ತಂದೆ ಸಂಗಯ್ಯ ಹಿರೇಮಠ ರೈತರಾಗಿದ್ದರೂ, ಮಕ್ಕಳ ಓದಿಗಾಗಿಯೇ ಹುಬ್ಬಳ್ಳಿಯಲ್ಲಿ ಮನೆ ಮಾಡಿದ್ದರು. ಅವರ ಕನಸು ನನಸು ಮಾಡಿದ್ದೇನೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹುಬ್ಬಳ್ಳಿ</strong>: ಕರ್ನಾಟಕ ಲೋಕಸೇವಾ ಆಯೋಗದ ಪರೀಕ್ಷಾ ಸಿದ್ಧತೆಗೆಂದು ಯಾವುದೇ ಕೋಚಿಂಗ್ ತರಗತಿಗಳಿಗೆ ಹಾಜರಾಗದೆ, ಸತತ ಐದು ವರ್ಷಗಳ ಕಾಲ ಮ್ಯಾರಥಾನ್ ಅಧ್ಯಯನ ಮಾಡಿ, ಕೆಪಿಎಸ್ಸಿ ಪರೀಕ್ಷೆಯಲ್ಲಿ ಪಾಸಾಗಿ ತಹಶೀಲ್ದಾರ್ ಹುದ್ದೆಗೆ ಆಯ್ಕೆಯಾಗಿದ್ದಾರೆ ಇಲ್ಲಿನ ಕೇಶ್ವಾಪುರ ನಿವಾಸಿ ಸಂತೋಷ ಹಿರೇಮಠ.</p>.<p>ಅಜ್ಜನ ಪ್ರೇರಣೆಯ ಮಾತುಗಳು, ಕೃಷಿಕರಾಗಿದ್ದರೂ ತಂದೆ ಓದಿಗಾಗಿ ನೀಡಿದ ಪ್ರೋತ್ಸಾಹ ಅವರನ್ನು ಈ ಸಾಧನೆ ಮಾಡುವಂತೆ ಮಾಡಿವೆ. ಈಗಾಗಲೇ ಐಎಎಸ್, ಕೆಎಎಸ್ ಮಾಡಿದವರಿಂದ ಸಲಹೆ ಪಡೆದು, ತಾವೇ ಅಧ್ಯಯನ ಮಾಡುವ ಮೂಲಕ ಯಶಸ್ಸು ಸಾಧಿಸಿದ್ದಾರೆ.</p>.<p>ಇಲ್ಲಿನ ಎಂ.ಆರ್. ಸಾಖರೆ ಶಾಲೆಯಲ್ಲಿ ಪ್ರಾಥಮಿಕ, ಸೇಂಟ್ ಮೈಕಲ್ ಶಾಲೆಯಲ್ಲಿ ಹಿರಿಯ ಪ್ರಾಥಮಿಕ, ಚೇತನಾ ಕಾಲೇಜಿನಲ್ಲಿ ಪಿಯುಸಿ ಅಧ್ಯಯನ ಹಾಗೂ ಗೋಕುಲ ರಸ್ತೆಯಲ್ಲಿರುವ ಎಂಜಿನಿಯರಿಂಗ್ ಕಾಲೇಜಿನಲ್ಲಿ ಕಂಪ್ಯೂಟರ್ ಸೈನ್ಸ್ನಲ್ಲಿ ಪದವಿ ಪಡೆದಿದ್ದಾರೆ.</p>.<p>ಕೇಂದ್ರ ಲೋಕಸೇವಾ ಆಯೋಗದ ಪರೀಕ್ಷೆ ಸಿದ್ಧತೆಗೆಂದು ದೆಹಲಿ ತೆರಳಿದ್ದ ಅವರು, ರಾಜ್ಯದಲ್ಲಿ ಕೆಪಿಎಸ್ಸಿಯಿಂದ ಅರ್ಜಿ ಆಹ್ವಾನಿಸುತ್ತಲೇ ಮರಳಿ ಬೆಂಗಳೂರಿಗೆ ಬಂದು ಓದಲು ಆರಂಭಿಸಿದರು. ಐಚ್ಛಿಕ ವಿಷಯವನ್ನಾಗಿ ಪಿಯುಸಿ ಹಾಗೂ ಪದವಿಯಲ್ಲಿ ಓದದ ಭೂಗೋಳ ವಿಜ್ಞಾನವನ್ನು ಆಯ್ಕೆ ಮಾಡಿಕೊಂಡಿದ್ದರು.</p>.<p>‘ಪದವಿಯಲ್ಲಿ ಓದಿದ್ದ ಕಂಪ್ಯೂಟರ್ ಸೈನ್ಸ್ ಐಚ್ಛಿಕ ವಿಷಯ ಪಟ್ಟಿಯಲ್ಲಿ ಇರಲಿಲ್ಲ. ಹಾಗಾಗಿ, ಬೇರೆ ವಿಷಯ ಆಯ್ಕೆ ಮಾಡಿಕೊಳ್ಳಬೇಕಿತ್ತು. ವಿಜ್ಞಾನ ಹಿನ್ನೆಲೆಯುಳ್ಳವರಿಗೆ ಭೂಗೋಳ ವಿಜ್ಞಾನ ಅಧ್ಯಯನಕ್ಕೆ ಉತ್ತಮ ಎಂದು ತೆಗೆದುಕೊಂಡಿದ್ದೆ. ಅದರಲ್ಲಿ ಯಶಸ್ಸನ್ನೂ ಸಾಧಿಸಿದ್ದೇನೆ’ ಎಂದು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ನನ್ನ ಅಜ್ಜ ಕೆ.ಜಿ. ಹಿರೇಮಠ ಅವರು ಹುಡಾ ಅಧ್ಯಕ್ಷರಾಗಿದ್ದರು. ಅವರು ಜನರ ಸೇವೆ ಮಾಡಲು ಕೆಎಎಸ್ ಮಾಡು ಎನ್ನುತ್ತಿದ್ದರು. ಜೊತೆಗೆ ತಂದೆ ಸಂಗಯ್ಯ ಹಿರೇಮಠ ರೈತರಾಗಿದ್ದರೂ, ಮಕ್ಕಳ ಓದಿಗಾಗಿಯೇ ಹುಬ್ಬಳ್ಳಿಯಲ್ಲಿ ಮನೆ ಮಾಡಿದ್ದರು. ಅವರ ಕನಸು ನನಸು ಮಾಡಿದ್ದೇನೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
