ರಣಜಿ ಕ್ರಿಕೆಟ್: ಮತ್ತೊಂದು ಗೆಲುವಿಗೆ ಕರ್ನಾಟಕದ ತುಡಿತ

ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಕ್ರಿಕೆಟ್ ಟೂರ್ನಿಯ ಆಟಗಾರರ ಮೆಗಾ ಹರಾಜು ಇದೇ ತಿಂಗಳು ನಡೆಯಲಿದೆ. ಆದ್ದರಿಂದ ಫ್ರ್ಯಾಂಚೈಸಿ ಮಾಲೀಕರ ಗಮನ ಸೆಳೆಯಲು ಆಟಗಾರರಿಗೆ ರಣಜಿ ಟ್ರೋಫಿಯ ಪಂದ್ಯಗಳೂ ವೇದಿಕೆಯಾಗುವ ಸಾಧ್ಯತೆ ಇದೆ.  ಈಚೆಗಷ್ಟೇ ನಡೆಸ ರಿಟೆನ್ಷನ್ ಪ್ರಕ್ರಿಯೆಯಲ್ಲಿ ಐಪಿಎಲ್ ತಂಡಗಳು ತಮ್ಮ ಬಹಳಷ್ಟು ಆಟಗಾರರನ್ನು ಬಿಡುಗಡೆ ಮಾಡಿವೆ. ವಿವಿಧ ತಂಡಗಳಲ್ಲಿದ್ದ ಕರ್ನಾಟಕ ಎಲ್ಲ ಆಟಗಾರರೂ ಫ್ರ್ಯಾಂಚೈಸಿಗಳಿಂದ ಬಿಡುಗಡೆಗೊಂಡಿದ್ದಾರೆ. ಆದ್ದರಿಂದ ಬಿಡ್‌ನಲ್ಲಿ ಲಭ್ಯರಾಗಲಿದ್ದಾರೆ. ಇದೇ ತಿಂಗಳ ಕೊನೆಯ ವಾರದಲ್ಲಿ ಬಿಡ್ ನಡೆಯಲಿದೆ. ಅದಕ್ಕು ಮುನ್ನ ನಡೆಯುವ ಪಂದ್ಯಗಳಲ್ಲಿ ಗಮನ ಸೆಳೆಯುವ ಅವಕಾಶಗಳು ಆಟಗಾರರ ಮುಂದಿವೆ.  ಆದ್ದರಿಂದ ಈ ತಿಂಗಳು ನಡೆಯಲಿರುವ ದೇಶಿ ಪಂದ್ಯಗಳು ರೋಚಕವಾಗುವ ಸಾಧ್ಯತೆಗಳನ್ನು ಅಲ್ಲಗಳೆಯಲಾಗದು. ಸಹಾ–ಮಯಂಕ್ ಆಪ್ತ ಸಮಾಲೋಚನೆ ಈ ರಣಜಿ ಟೂರ್ನಿಯ ನಂತರ ಕ್ರಿಕೆಟ್‌ಗೆ ವಿದಾಯ ಹೇಳಿರುವುದಾಗಿ ಘೋಷಿಸಿರುವ ಬಂಗಾಳದ ವಿಕೆಟ್‌ಕೀಪರ್ ವೃದ್ಧಿಮಾನ್ ಸಹಾ ಅವರನ್ನು ಕರ್ನಾಟಕ ತಂಡದ ನಾಯಕ ಮಯಂಕ್ ಅಗರವಾಲ್ ಆಲಂಗಿಸಿ ಅಭಿನಂದಿಸಿದರು.  ಬಿ ಗ್ರೌಂಡ್‌ನಲ್ಲಿರುವ ನೆಟ್ಸ್‌ನಲ್ಲಿ ಉಭಯ ತಂಡಗಳ ಆಟಗಾರರ ಅಭ್ಯಾಸ ನಡೆಸಿದರು. ಈ ಸಂದರ್ಭದಲ್ಲಿ ಅಭ್ಯಾಸಕ್ಕೆ ಬಂದ ಸಹಾ ಅವರನ್ನು ಮಯಂಕ್ ಬಿಗಿದಪ್ಪಿ ಅಭಿನಂದಿಸಿದರು. ಉಳಿದ ಆಟಗಾರರೂ ಅವರ ಹಸ್ತಲಾಘವ ಮಾಡಿ ಶುಭ ಕೋರಿದರು. ಸಹಾ ಸ್ವಲ್ಪ ಹೊತ್ತು ಬ್ಯಾಟಿಂಗ್ ಅಭ್ಯಾಸ ನಡೆಸಿದರು.