ಹುಬ್ಬಳ್ಳಿ: ಮಣ್ಣಿನ ಗಣಪನ ನಾನಾ ರೂಪ ಸಿದ್ಧ

ಹುಬ್ಬಳ್ಳಿಯಲ್ಲಿ ಸಾರ್ವಜನಿಕ ಗಣೇಶೋತ್ಸವ ಖ್ಯಾತವಾಗಿರುವುದರಿಂದ ಬಡಾವಣೆಗಳಲ್ಲಿ ಅಂದಾಜು 900 ಗಣೇಶ ಮೂರ್ತಿಗಳು ಪ್ರತಿಷ್ಠಾನೆಯಾಗುತ್ತವೆ. ಮನೆಗಳಲ್ಲಿ ಕೂರಿಸುವ ಗಣಪಗಳ ಸಂಖ್ಯೆ 2 ಲಕ್ಷ ಮೀರುತ್ತದೆ. ಸ್ಥಳೀಯ ಕಲಾವಿದರು ತಯಾರಿಸುವ ಮಣ್ಣಿನ ಮೂರ್ತಿಗಳಷ್ಟೇ ಅಲ್ಲದೇ ಹೊರ ಜಿಲ್ಲೆಗಳಿಂದಲೂ ಪ್ರಮುಖವಾಗಿ ಬೆಳಗಾವಿ ಜಿಲ್ಲೆಯ  ಗೋಕಾಕದ ಕೊಣ್ಣೂರಿನಲ್ಲಿ ಸಿದ್ಧವಾದ ಗಣಪಗಳು ನಗರಕ್ಕೆ ಹೆಚ್ಚಾಗಿ ಬರುತ್ತಿವೆ ಎಂದು ಅಮರೇಶ ಹಿಪ್ಪರಗಿ ತಿಳಿಸಿದರು.