<p><strong>ಹುಬ್ಬಳ್ಳಿ</strong>: ಅಲ್ಪಸಂಖ್ಯಾತ ಸಮುದಾಯದ ಪಿಎಚ್.ಡಿ ಸಂಶೋಧನಾರ್ಥಿಗಳಿಗೆ ಜೆಆರ್ಎಫ್ ಮಾದರಿ ನೀಡಲಾಗುತ್ತಿದ್ದ ತಿಂಗಳ ₹25 ಸಾವಿರ ಸಹಾಯಧನವನ್ನು ಸರ್ಕಾರ ₹10 ಸಾವಿರಕ್ಕೆ ಇಳಿಸಿದ್ದು, ಅಧ್ಯಯನಕ್ಕೆ ಸಮಸ್ಯೆಯಾಗಿದೆ.</p>.<p>‘2017ರಲ್ಲಿ ಕಾಂಗ್ರೆಸ್ ಸರ್ಕಾರವಿದ್ದಾಗ ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆಯಡಿ ಈ ಯೋಜನೆ ಜಾರಿಗೊಳಿಸಿ, ₹25 ಸಾವಿರ ಸಹಾಯಧನ ನೀಡಲಾಗುತಿತ್ತು. ನಂತರ ಅಧಿಕಾರಕ್ಕೆ ಬಂದ ಬಿಜೆಪಿ ಸರ್ಕಾರ, ಅದನ್ನು ₹10 ಸಾವಿರಕ್ಕೆ ಇಳಿಸಿತು. ಇದಕ್ಕೆ ವಿರೋಧ ವ್ಯಕ್ತವಾದ ಬಳಿಕ ಅದೇ ಅವಧಿಯಲ್ಲಿ ₹25 ಸಾವಿರ ಸಹಾಯಧನ ನೀಡುವುದು ಮುಂದುವರೆಯಿತು. ಆದರೆ, ಒಂದು ವರ್ಷದಿಂದ ಕಾಂಗ್ರೆಸ್ ಸರ್ಕಾರ ಯಾವುದೇ ಸುತ್ತೋಲೆ, ಆದೇಶ ಹೊರಡಿಸದೆ ₹ 10ಸಾವಿರ ಸಹಾಯಧನ ಮಾತ್ರ ನಮ್ಮ ಖಾತೆಗೆ ಜಮಾ ಮಾಡುತ್ತಿದೆ’ ಎಂದು ಸಂಶೋಧನಾರ್ಥಿಗಳು ತಿಳಿಸಿದರು.</p>.<p>‘ಸಹಾಯಧನ ಕಡಿತದ ಬಗ್ಗೆ ಸುತ್ತೋಲೆ ಅಥವಾ ಮಾಹಿತಿ ಇಲ್ಲ. ₹25 ಸಾವಿರ ಇದೆಯೆಂದು ಪಿಎಚ್.ಡಿ ಅಧ್ಯಯನಕ್ಕೆ ಮುಂದಾದೆವು. ಆದರೆ, ಈಗ ಪೂರ್ಣಪ್ರಮಾಣದ ಅಧ್ಯಯನ ಮಾಡಲು ಸಮಸ್ಯೆಯಾಗಿದೆ. ಸಹಾಯಧನ ಕಡಿತ ಮಾಡದಂತೆ ಕೋರಿ ಹಲವು ಬಾರಿ ಪ್ರತಿಭಟನೆ ನಡೆಸಿದರೂ ಪ್ರಯೋಜನವಾಗಿಲ್ಲ’ ಎಂದು ಅವರು ತಿಳಿಸಿದರು.</p>.<p>‘ವಿಜ್ಞಾನ ವಿಷಯದಲ್ಲಿ ಸಂಶೋಧನೆ ನಡೆಸುವವರಿಗೆ ಹೆಚ್ಚು ಖರ್ಚು ಇರುತ್ತದೆ. ಪ್ರಯೋಗಾಲಯಕ್ಕೆ ಸಂಬಂಧಿಸಿದ ಉಪಕರಣಗಳ ಖರೀದಿ, ಪ್ರಯೋಗದ ಫಲಿತಾಂಶಗಳ ಶೇಖರಣೆಗೆ ಹೆಚ್ಚು ಖರ್ಚು ಮಾಡಬೇಕಾಗುತ್ತದೆ’ ಎಂದು ದಾವಣಗೆರೆ ವಿಶ್ವವಿದ್ಯಾಲಯದ ರಸಾಯನ ವಿಜ್ಞಾನ ವಿಭಾಗದ ಸಂಶೋಧನಾರ್ಥಿ ಮಲ್ಲಿಕಾ ರಹೀಂ ತಿಳಿಸಿದರು.</p>.<p>ಸಂಶೋಧನಾರ್ಥಿಗಳ ಬೇಡಿಕೆ ಈಡೇರಿಸಲು ಒತ್ತಾಯಿಸಿ ಭಾರತ ವಿದ್ಯಾರ್ಥಿ ಒಕ್ಕೂಟ (ಎಸ್ಎಫ್ಐ) ಮಂಗಳವಾರ (ಜುಲೈ 23) ರಾಜ್ಯವ್ಯಾಪಿ ಪ್ರತಿಭಟನೆ ಹಮ್ಮಿಕೊಂಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹುಬ್ಬಳ್ಳಿ</strong>: ಅಲ್ಪಸಂಖ್ಯಾತ ಸಮುದಾಯದ ಪಿಎಚ್.ಡಿ ಸಂಶೋಧನಾರ್ಥಿಗಳಿಗೆ ಜೆಆರ್ಎಫ್ ಮಾದರಿ ನೀಡಲಾಗುತ್ತಿದ್ದ ತಿಂಗಳ ₹25 ಸಾವಿರ ಸಹಾಯಧನವನ್ನು ಸರ್ಕಾರ ₹10 ಸಾವಿರಕ್ಕೆ ಇಳಿಸಿದ್ದು, ಅಧ್ಯಯನಕ್ಕೆ ಸಮಸ್ಯೆಯಾಗಿದೆ.</p>.<p>‘2017ರಲ್ಲಿ ಕಾಂಗ್ರೆಸ್ ಸರ್ಕಾರವಿದ್ದಾಗ ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆಯಡಿ ಈ ಯೋಜನೆ ಜಾರಿಗೊಳಿಸಿ, ₹25 ಸಾವಿರ ಸಹಾಯಧನ ನೀಡಲಾಗುತಿತ್ತು. ನಂತರ ಅಧಿಕಾರಕ್ಕೆ ಬಂದ ಬಿಜೆಪಿ ಸರ್ಕಾರ, ಅದನ್ನು ₹10 ಸಾವಿರಕ್ಕೆ ಇಳಿಸಿತು. ಇದಕ್ಕೆ ವಿರೋಧ ವ್ಯಕ್ತವಾದ ಬಳಿಕ ಅದೇ ಅವಧಿಯಲ್ಲಿ ₹25 ಸಾವಿರ ಸಹಾಯಧನ ನೀಡುವುದು ಮುಂದುವರೆಯಿತು. ಆದರೆ, ಒಂದು ವರ್ಷದಿಂದ ಕಾಂಗ್ರೆಸ್ ಸರ್ಕಾರ ಯಾವುದೇ ಸುತ್ತೋಲೆ, ಆದೇಶ ಹೊರಡಿಸದೆ ₹ 10ಸಾವಿರ ಸಹಾಯಧನ ಮಾತ್ರ ನಮ್ಮ ಖಾತೆಗೆ ಜಮಾ ಮಾಡುತ್ತಿದೆ’ ಎಂದು ಸಂಶೋಧನಾರ್ಥಿಗಳು ತಿಳಿಸಿದರು.</p>.<p>‘ಸಹಾಯಧನ ಕಡಿತದ ಬಗ್ಗೆ ಸುತ್ತೋಲೆ ಅಥವಾ ಮಾಹಿತಿ ಇಲ್ಲ. ₹25 ಸಾವಿರ ಇದೆಯೆಂದು ಪಿಎಚ್.ಡಿ ಅಧ್ಯಯನಕ್ಕೆ ಮುಂದಾದೆವು. ಆದರೆ, ಈಗ ಪೂರ್ಣಪ್ರಮಾಣದ ಅಧ್ಯಯನ ಮಾಡಲು ಸಮಸ್ಯೆಯಾಗಿದೆ. ಸಹಾಯಧನ ಕಡಿತ ಮಾಡದಂತೆ ಕೋರಿ ಹಲವು ಬಾರಿ ಪ್ರತಿಭಟನೆ ನಡೆಸಿದರೂ ಪ್ರಯೋಜನವಾಗಿಲ್ಲ’ ಎಂದು ಅವರು ತಿಳಿಸಿದರು.</p>.<p>‘ವಿಜ್ಞಾನ ವಿಷಯದಲ್ಲಿ ಸಂಶೋಧನೆ ನಡೆಸುವವರಿಗೆ ಹೆಚ್ಚು ಖರ್ಚು ಇರುತ್ತದೆ. ಪ್ರಯೋಗಾಲಯಕ್ಕೆ ಸಂಬಂಧಿಸಿದ ಉಪಕರಣಗಳ ಖರೀದಿ, ಪ್ರಯೋಗದ ಫಲಿತಾಂಶಗಳ ಶೇಖರಣೆಗೆ ಹೆಚ್ಚು ಖರ್ಚು ಮಾಡಬೇಕಾಗುತ್ತದೆ’ ಎಂದು ದಾವಣಗೆರೆ ವಿಶ್ವವಿದ್ಯಾಲಯದ ರಸಾಯನ ವಿಜ್ಞಾನ ವಿಭಾಗದ ಸಂಶೋಧನಾರ್ಥಿ ಮಲ್ಲಿಕಾ ರಹೀಂ ತಿಳಿಸಿದರು.</p>.<p>ಸಂಶೋಧನಾರ್ಥಿಗಳ ಬೇಡಿಕೆ ಈಡೇರಿಸಲು ಒತ್ತಾಯಿಸಿ ಭಾರತ ವಿದ್ಯಾರ್ಥಿ ಒಕ್ಕೂಟ (ಎಸ್ಎಫ್ಐ) ಮಂಗಳವಾರ (ಜುಲೈ 23) ರಾಜ್ಯವ್ಯಾಪಿ ಪ್ರತಿಭಟನೆ ಹಮ್ಮಿಕೊಂಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
