ಯುವಜನೋತ್ಸವದಲ್ಲಿ ಗೋಲಿ, ಚಿನ್ನಿ–ದಾಂಡು, ಬುಗುರಿ...

ಹುಬ್ಬಳ್ಳಿ: ಹೊಡಿ... ಹೊಡಿ... ಗುರಿ ಇಡು.. ಬಿಡಬೇಡ... ಅದಕ್ಕೆ ತಗುಲಿದರೆ ನೀನೆ ಗೆದ್ದಂತೆ... ಇರು.. ಇರು.. ಈಗಲೇ ಹೊಡಬೇಡ, ಆ ಕಡೆ ತಿರುಗಲಿ.. ಎಸಿ ಜೋರಾಗಿ ಎಸಿ..

. ರೆಡಿನಾ.. ರೆಡಿನಾ.. ಎನ್ನುತ್ತಲೇ ಕೋಲಿನಿಂದ ಚಿಣ್ಣಿಯನ್ನು ಚಿಮ್ಮಿಸಿದರೆ ಅಷ್ಟು ದೂರ ಹೋಗಿ ಬಿತ್ತದು..

. ಗೋಲಿಯಾಟ, ಲಗೋರಿಯಾಟ, ಬುಗುರಿ ಮುಂತಾದ ಗ್ರಾಮೀಣ ಆಟಗಳು ಮೈದಾನದಲ್ಲಿ ಆಡುತ್ತಿದ್ದರೆ ಹಿರಿಯರಿಗೆಲ್ಲ ಬಾಲ್ಯಕ್ಕೆ ಮರಳಿದಂತೆ.

. ಹುಬ್ಬಳ್ಳಿ–ಧಾರವಾಡ ಅವಳಿ ನಗರದಲ್ಲಿ ನಡೆಯುತ್ತಿರುವ 26ನೇ ರಾಷ್ಟ್ರೀಯ ಯುವಜನೋತ್ಸವದಲ್ಲಿ ಇದೇ ಮೊದಲ ಬಾರಿಗೆ ಸ್ಥಳೀಯ ದೇಶಿ ಕ್ರೀಡೆಗಳನ್ನು ಹಮ್ಮಿಕೊಳ್ಳಲಾಗಿದೆ.

. ಗ್ರಾಮೀಣ ಭಾಗದಲ್ಲೂ ಅಪರೂಪ ಎನಿಸುತ್ತಿರುವ ಲಗೋರಿ, ಚಿನ್ನಿ–ದಾಂಡು, ಬುಗರಿ, ಗೋಲಿ, ಸಂಗ್ರಾಣಿ ಕಲ್ಲೆತ್ತುವ ಆಟಗಳು ಯುವಜನೋತ್ಸವದಲ್ಲಿ ಸ್ಥಳೀಯ ಯುವ ಸಮೂಹವನ್ನು ಸೆಳೆಯುತ್ತಿವೆ. ಯುವಜನೋತ್ಸವದ ಎರಡನೇ ದಿನವಾದ ಶುಕ್ರವಾರ ಹಲವು ವಿದ್ಯಾರ್ಥಿಗಳು ಗೋಲಿ ಆಟವಾಡಿ ಖುಷಿಪಟ್ಟರು.

. ‘ಯುವಜನೋತ್ಸವದಲ್ಲಿ ಕ್ರೀಡಾ ಭಾರತಿ ಸಹಯೋಗದಲ್ಲಿ ಗ್ರಾಮೀಣ ದೇಶಿ ಕ್ರೀಡೆಗಳನ್ನು ಪ್ರದರ್ಶಿಸಲಾಗುತ್ತಿದೆ. ಆಸಕ್ತರಿಗೆ ಲಗೋರಿ, ಚಿನ್ನಿ–ದಾಂಡು, ಬುಗರಿ, ಗೋಲಿ ಆಟವನ್ನು ಹೇಳಿಕೊಟ್ಟು, ಅದನ್ನು ಆಡಲು ಹುರಿದುಂಬಿಸಲಾಗುತ್ತಿದೆ. ಇತ್ತೀಚೆಗೆ ಗ್ರಾಮೀಣ–ನಗರ ಪ್ರದೇಶಗಳೆಂಬ ಭೇದವಿಲ್ಲದೇ ಮೊಬೈಲ್, ಟಿ.ವಿಗಳಲ್ಲಿ ಮುಳುಗಿ ಹೋಗಿದ್ದಾರೆ. ಅವರನ್ನು ಅದರಿಂದ ಆಚೆ ತರಲು ಈ ಕ್ರೀಡೆಗಳು ನೆರವಾಗಬಲ್ಲವು. ಗೋಲಿ ಆಟದಿಂದ ದೃಷ್ಟಿ ತೀಕ್ಷ್ಣವಾಗುತ್ತದೆ, ನಿಖರ ಗುರಿ ಇಡಲು ಏಕಾಗ್ರತೆ ಬೇಕಾಗುತ್ತದೆ. ಇಂಥ ಆಟಗಳ ಮೂಲಕವೇ ಅವರನ್ನು ಸಮಸ್ಯೆಗಳಿಂದ ಹೊರಬರುವಂತೆ ಮಾಡಬಹುದು’ ಎನ್ನುತ್ತಾರೆ ದೇಶಿ ಕ್ರೀಡೆಗಳ ಆಟದ ಉಸ್ತುವಾರಿ ಮಂಜುನಾಥ ಹೆಬ್ಸೂರ.

. ‘ಚಂದ್ರಶೇಖರ ಜಹಗೀರದಾರ್ ಹಾಗೂ ಮಂಜುನಾಥ ಎಂ.ಆರ್. ಅವರ ನೇತೃತ್ವದಲ್ಲಿ 60 ಜನರ ತಂಡವು ಯುವ ಜನರಿಗೆ ದೇಸಿ ಕ್ರೀಡೆ ಗಳನ್ನು ಆಡಿಸಲು, ನಿಯಮಗಳನ್ನು ತಿಳಿಸಿಕೊಡಲು ಶ್ರಮಿಸುತ್ತಿದೆ’ ಎಂದೂ ಅವರು ಹೇಳಿದರು.

. ಕಿಟ್ ನೀಡಲು ಚಿಂತನೆ: ‘ಗ್ರಾಮೀಣ ಯುವಜನರು ಬರೀ ಯುವಜನೋತ್ಸವದಲ್ಲಿ ಈ ದೇಸಿ ಕ್ರೀಡೆಗಳನ್ನು ಆಡಿದರೆ ಸಾಲದು. ಅವರು ಮನೆಗಳಿಗೆ ಮರಳಿದ ಬಳಿಕವೂ ಅದನ್ನು ಆಡುವಂತಾಗಬೇಕು. ಹೀಗಾಗಿ ಆಸಕ್ತರಿಗೆ ದೇಶಿ ಕ್ರೀಡೋಪಕರಣ ಒಳಗೊಂಡ ಕಿಟ್ ನೀಡಲು ಚಿಂತನೆ ನಡೆದಿದೆ. ಈನಿಟ್ಟಿನಲ್ಲಿ ಒಂದು ಸಾವಿರ ಕಿಟ್ಗಳ ವಿತರಣೆಗೆ ಕ್ರಮವಹಿಸಲಾಗಿದೆ’ ಎಂದೂ ಮಂಜುನಾಥ ಹೆಬ್ಸೂರ ಮಾಹಿತಿ ನೀಡಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯುವಜನೋತ್ಸವದಲ್ಲಿ ಗೋಲಿ, ಚಿನ್ನಿ–ದಾಂಡು, ಬುಗುರಿ...

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ರಣಜಿ ಟ್ರೋಫಿ | ಅಭಿನವ್, ಮನೀಷ್ ಉತ್ತಮ ಬ್ಯಾಟಿಂಗ್; ಮಯಂಕ್ ಬಳಗಕ್ಕೆ ಮೂರು ಅಂಕ

ಬೆಂಗಳೂರು ಕೃಷಿ ಮೇಳ‌ | ಐವತ್ತು ರೂಪಾಯಿಗೆ 'ಫ್ರೂಟ್‌ ಫ್ಲೈ ಕ್ಯಾಚರ್‌’

IND vs AUS | ಆಸ್ಟ್ರೇಲಿಯಾಕ್ಕೆ ರೋಹಿತ್ ಜತೆ ಶಮಿ ಪ್ರಯಾಣ: ವರದಿ

‘ತೊಗರಿ ಕಣಜ’ದಲ್ಲಿ ಟೆನಿಸ್‌ ಹಬ್ಬ ಇಂದಿನಿಂದ

ರಾಜ್ಯಮಟ್ಟದ ಅಥ್ಲೆಟಿಕ್ಸ್‌: ದಕ್ಷಿಣ ಕನ್ನಡ ಜಿಲ್ಲೆಗೆ ಸಮಗ್ರ ಪ್ರಶಸ್ತಿ

ಪುರುಷರ ರಾಷ್ಟ್ರೀಯ ಹಾಕಿ ಟೂರ್ನಿ: ಒಡಿಶಾ ತಂಡಕ್ಕೆ ಕಿರೀಟ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ರಣಜಿ ಟ್ರೋಫಿ | ಅಭಿನವ್, ಮನೀಷ್ ಉತ್ತಮ ಬ್ಯಾಟಿಂಗ್; ಮಯಂಕ್ ಬಳಗಕ್ಕೆ ಮೂರು ಅಂಕ

ಬೆಂಗಳೂರು ಕೃಷಿ ಮೇಳ‌ | ಐವತ್ತು ರೂಪಾಯಿಗೆ 'ಫ್ರೂಟ್‌ ಫ್ಲೈ ಕ್ಯಾಚರ್‌’