ತಿಮ್ಮಕ್ಕನ ನೆನಪಲ್ಲಿ ವೃಕ್ಷ ಉದ್ಯಾನ

ಅಳ್ನಾವರ : ಸಾಲು ಮರದ ತಿಮ್ಮಕ್ಕನ ನೆನಪಿನಲ್ಲಿ ಪಟ್ಟಣದ ಹೊರವಲಯದ ಡೌಗಿನಾಲಾ ಹಳ್ಳದ ದಂಡೆಯ ಮೇಲೆ ಸುಂದರವಾದ ವೃಕ್ಷ ಉದ್ಯಾನ ತಲೆ ಎತ್ತಿದೆ.

. ಅರಣ್ಯ ಇಲಾಖೆ ನಿರ್ಮಿಸಿರುವ ಈ ಉದ್ಯಾನ ಸೋಮವಾರ (ಏ. 11)ರಂದು ಲೋಕಾರ್ಪಣೆಗೊಳ್ಳಲಿದೆ.

. ಹಿಂದೆ ಕಟ್ಟಿಗೆ ಡಿಪೊ ಆಗಿದ್ದ ಈ ತಾಣ ಇದೀಗ ಉದ್ಯಾನವಾಗಿ ಬದಲಾಗಿದೆ. ಅಳ್ನಾವರ ಭಾಗದ ಮರಗಳನ್ನು ಸಾಗಿಸಲು ರೈಲು ಹಳಿಯ ಬಳಿಯೇ ಈ ಡಿಪೊ ಇತ್ತು. ಆದರೆ ಅರಣ್ಯ ಇಲಾಖೆಯು ಡಿಪೊವನ್ನು ಸರ್ಕಾರ ರದ್ದು ಮಾಡಿದ ನಂತರ, ಈ ಜಾಗ ಪಾಳು ಬಿದ್ದಿತ್ತು. ಹಳಿಯಾಳ ವಿಭಾಗದ ಅರಣ್ಯ ಇಲಾಖೆ ಸಿಬ್ಬಂದಿ ಇದಕ್ಕೆ ಹಸಿರು ಸ್ಪರ್ಶ ನೀಡಿದ್ದಾರೆ.

. ಉದ್ಯಾನದಲ್ಲಿ ಏನಿದೆ?: 10 ಎಕರೆ ವಿಸ್ತಾರದ ಈ ಜಾಗದಲ್ಲಿ ನೈಸರ್ಗಿಕವಾಗಿ ಬೆಳೆದು ನಿಂತ ಮರಗಳೇ ಪ್ರಮುಖ ಆಕರ್ಷಣೆಯಾಗಿವೆ. ಜತೆಗೆ ಮಕ್ಕಳಿಗಾಗಿ ಸುಮಾರು 12 ವಿವಿಧ ಬಗೆ ಆಟಿಕೆಗಳನ್ನು ಅಳವಡಿಸಲಾಗಿದೆ. ವಯಸ್ಕರ ಶಾರೀರಿಕ ಕಸರತ್ತಿಗೆ ಹನ್ನೊಂದು ವಿವಿಧ ಬಗೆಯ ಜಿಮ್ ಸಲಕರಣೆಗಳು ಇಲ್ಲಿವೆ.

. ಹಸಿರು ಉದ್ಯಾನದ ನಡುವೆ ಸಾಲು ಮರದ ತಿಮ್ಮಕ್ಕನ ಪ್ರತಿಮೆ ಇಡಲಾಗಿದೆ. ಜತೆಗೆ ಹಾರ್ನ್ಬಿಲ್ನ ನಾಲ್ಕು ಪ್ರಭೇದದ ಪಕ್ಷಿಗಳ ಪ್ರತಿಮೆಗಳೂ ಇವೆ.

. ‘ಔಷಧೀಯ ಸಸ್ಯಗಳನ್ನು ಬೆಳೆಸಲು ಆದ್ಯತೆ ನೀಡಲಾಗಿದೆ. ಆಯುಷ್ ಇಲಾಖೆ ಅಧಿಕಾರಿಗಳ ಮಾರ್ಗದರ್ಶನದಲ್ಲಿ ಈ ಸಸ್ಯಗಳನ್ನು ನೆಡಲಾಗಿದೆ. ಉದ್ಯಾನದಲ್ಲಿ ಸ್ವಚ್ಛತೆ ಕಾಪಾಡಲು ಒತ್ತು ನೀಡಲಾಗಿದೆ. 14 ಕಡೆ ಕಸದ ತೊಟ್ಟಿಗಳನ್ನು ಇಡಲಾಗಿದೆ’ ಎಂದು ಉಪ ವಲಯ ಅರಣ್ಯಾಧಿಕಾರಿ ಪ್ರಕಾಶ ಕಂಬಾರ ತಿಳಿಸಿದರು.

. ಈ ಹಿಂದೆ ಡಿಪೊ ಇದ್ದ ಸಂದರ್ಭದಲ್ಲಿ ಗಣೇಶ ಹಬ್ಬದ ಸಂದರ್ಭದಲ್ಲಿ ಗಣಪತಿ ಮೂರ್ತಿ ಪ್ರತಿಷ್ಠಾಪನೆಗೆ ಕಟ್ಟೆ ಕಟ್ಟಲಾಗಿದೆ. ಸ್ಥಳೀಯರು ವಂತಿಗೆ ಸಂಗ್ರಹಿಸಿ ಗುಡಿ ನಿರ್ಮಿಸಿದ್ದಾರೆ. ಉದ್ಯಾನದಲ್ಲಿ ಈ ದೇವಸ್ಥಾನವೂ ಆಕರ್ಷಣೆಯಾಗಿದೆ’ ಎಂದು ಪುಂಡಲಿಕ ಪಾರ್ದಿ ಹೇಳಿದರು.

. ‘ಅರಣ್ಯ ಇಲಾಖೆ ಜತೆಗೆ ಸಾರ್ವಜನಿಕರೂ ಉದ್ಯಾನದ ಅಂದ ಹೆಚ್ಚಿಸಲು ಕೈಜೋಡಿಸಿದ್ದಾರೆ. ಪ್ರವೇಶ ದ್ವಾರಕ್ಕೆ ಸಾಲು ಮರದ ತಿಮ್ಮಕ್ಕ ವೃಕ್ಷ ಉದ್ಯಾನ ಎಂಬ ನಾಮ ಫಲಕ ಅಳವಡಿಸಿರುವುದು ಅರ್ಥಪೂರ್ಣವಾಗಿದೆ’ ಎಂದು ಹಿರಿಯರಾದ ಎಂ.ಸಿ. ಹಿರೇಮಠ ಹೇಳಿದರು.

. ಇದರೊಂದಿಗೆ ಪ್ರತ್ಯೇಕವಾದ ಈಜುಕೊಳ, ರೇನ್ ಡ್ಯಾನ್ಸ್ ಮತ್ತು ಹಳ್ಳದಲ್ಲಿ ಬೋಟಿಂಗ್ ವ್ಯವಸ್ಥೆಯೂ ಇರಬೇಕು ಎಂಬ ಬೇಡಿಕೆಯೂ ಜನರದ್ದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತಿಮ್ಮಕ್ಕನ ನೆನಪಲ್ಲಿ ವೃಕ್ಷ ಉದ್ಯಾನ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಹೀನಾಯ ಬ್ಯಾಟಿಂಗ್ ಬಳಿಕ ಪುಟಿದೆದ್ದ ಭಾರತ; ಆತಿಥೇಯ ಆಸಿಸ್‌ಗೆ ವೇಗಿಗಳ ತಿರುಗೇಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ