ದರ್ಶನೋತ್ಸವದ ಆರಂಭದ ದಿನದಿಂದಲೂ ಅವ್ಯವಸ್ಥೆ ಹೆಚ್ಚಾಗುತ್ತಿದ್ದು ಗುರುವಾರ ಬೆಂಗಳೂರಿನ ಚಂದ್ರಶೇಖರ್ ಎಂಬುವವರು ಏಕಾಂಗಿಯಾಗಿ ದೇಗುಲದ ಎದುರು ಪ್ರತಿಭಟನೆ ನಡೆಸಿದರು. ‘ಅವ್ಯವಸ್ಥೆಗೆ ಧಿಕ್ಕಾರ’ ಎಂದು ಕೂಗಿದರು. ಜನರ ಸಂಖ್ಯೆ ಹೆಚ್ಚಿದ್ದರಿಂದ ಕಳೆದ ವರ್ಷವೂ ಇದೇ ರೀತಿ ಅವ್ಯವಸ್ಥೆ ಉಂಟಾಗಿತ್ತು. ವಿದ್ಯುತ್ ಶಾಕ್ ಸುದ್ದಿ ಹರಡಿ ಕಾಲ್ತುಳಿತದ ಘಟನೆಯೂ ನಡೆದಿತ್ತು. ಅದಾಗ್ಯೂ ಎಚ್ಚೆತ್ತುಕೊಳ್ಳದ ಜಿಲ್ಲಾಡಳಿತದ ವಿರುದ್ಧ ಜನರು ಆಕ್ರೋಶ ವ್ಯಕ್ತಪಡಿಸಿದರು.
