ಹೊಯ್ಸಳರ ಕಾಲದ ಪರಂಪರೆ: ದ್ವಾರಸಮುದ್ರಕ್ಕೆ ಸುರಂಗ ನಾಲೆ

‘ಯಂತ್ರ ಬಳಕೆ ಮಾತ್ರವಲ್ಲದೇ ಕಾರ್ಮಿಕರ ಶ್ರಮದಿಂದಲೂ ಗಟ್ಟಿಯಾದ ಹೆಬ್ಬಂಡೆಗಳನ್ನು ಕೊರೆದು ಸುರಂಗ ನಾಲೆ ನಿರ್ಮಿಸಲಾಗುತ್ತಿದೆ. ಸಡಿಲವಾದ ಮಣ್ಣು ಸಿಕ್ಕಿದ ಜಾಗದಲ್ಲಿಯೂ ಕೆಲಸ ಸುಲಭವಾಗಿಲ್ಲ. ಮಣ್ಣು ಕುಸಿಯದಂತೆ ಎಚ್ಚರಿಕೆಯಿಂದ ಕೆಲಸ ನಿರ್ವಹಿಸಲಾಗುತ್ತಿದೆ’ ಎನ್ನುತ್ತಾರೆ ಎಂಜಿನಿಯರ್‌ಗಳು. ‘120 ಅಡಿ ಆಳದಲ್ಲಿ 5.16 ಕಿ.ಮೀ. ಸುರಂಗ ನಾಲೆ ನಿರ್ಮಾಣ ಮಾಡಲಾಗುತ್ತಿದೆ. 3.5 ಕಿ.ಮೀ. ಸುರಂಗ ನಾಲೆ ಕೆಲಸ ಮುಗಿದಿದ್ದು 1.52 ಕಿ.ಮೀ. ಕೆಲಸ ಆಗಬೇಕಾಗಿದೆ. 100 ಕ್ಯುಸೆಕ್‌ ನೀರು ಹರಿಸುವ ಸಾಮರ್ಥ್ಯದ ಸುರಂಗ ನಿರ್ಮಾಣವಾಗುತ್ತಿದೆ. ತೆರೆದ ನಾಲೆ ಹಾಗೂ ಸುರಂಗದಲ್ಲಿ ನೀರು ಹರಿಸಿದರೆ 120 ದಿನದಲ್ಲಿ ದ್ವಾರಸಮುದ್ರ ಹಾಗೂ ಬೆಳವಾಡಿ ಸೇರಿದಂತೆ 8 ಕೆರೆಗಳಿಗೆ ನೀರು ತುಂಬಿಸಬಹುದು’ ಎನ್ನುತ್ತಾರೆ ಎಂಜಿನಿಯರ್‌ಗಳು.