ಎಣ್ಣೆಶಾಲೆ ಆಚರಣೆಯಿಂದ ಬರುವ ಭಸ್ಮವನ್ನು ಮನೆಗೆ ತೆಗೆದುಕೊಂಡ ಹೋಗಿ ಪೂಜಿಸುತ್ತಾರೆ. ಭರ್ತಿಯಾಗಿ ತುಳುಕುವಂತೆ ತುಂಬಿಸಿದ ಬಿಂದಿಗೆ ನೀರಿನಿಂದ ಕೈಕಾಲು, ಮುಖ ತೊಳೆದು ಹಣೆಯಲ್ಲಿ ಭಸ್ಮ ಧರಿಸಿದರೆ ರೋಗಗಳು ಸುಳಿಯುವುದಿಲ್ಲ ಎಂಬ ನಂಬಿಕೆ ಭಕ್ತರಲ್ಲಿದೆ. ಅದರಲ್ಲಿಯೂ ಸೋಂಕಿನ ರೋಗಗಳಿಗೆ ಭಸ್ಮ ಲೇಪನ ಒಳ್ಳೆಯದು ಎಂಬ ವಿಶ್ವಾಸ ಭಕ್ತರಲ್ಲಿದೆ. ಮಂತ್ರಘೋಷದೊಂದಿಗೆ ಎಣ್ಣೆಯ ಸಮ್ಮಿಲನದೊಂದಿಗೆ ಸೀರೆ ದಹಿಸಿದಾಗ ಕಾಣುವ ಜ್ವಾಲೆ ಭಕ್ತಿಯ ಪರಾಕಾಷ್ಠೆ ಹೆಚ್ಚಾಗಿರುತ್ತದೆ. ಅದೊಂದು ಅದ್ಬುತ ಕ್ಷಣ ಎಂಬ ಮಾತು ಭಕ್ತರಿಂದ ಕೇಳಿ ಬರುತ್ತದೆ.
