<p><strong>ಹಾವೇರಿ:</strong>ದೇಶದಾದ್ಯಂತ ಬೀಸಿದ ‘ಮೋದಿ ಅಲೆ’ಯಲ್ಲಿ ಹಾವೇರಿಯಿಂದ ಶಿವಕುಮಾರ ಉದಾಸಿ ಸಂಸತ್ ಸೇರಿದ್ದಾರೆ. ಕಾಂಗ್ರೆಸ್ನ ಡಿ.ಆರ್. ಪಾಟೀಲರನ್ನು 1,40,882 ಮತಗಳ ಅಂತರದಿಂದ ಮಣಿಸಿ, ಹ್ಯಾಟ್ರಿಕ್ ಸಾಧನೆ ಮಾಡಿದ್ದಾರೆ.</p>.<p>‘ರಾಷ್ಟ್ರೀಯ ಭದ್ರತೆ’ ಮೂಲಕ ಬಿಜೆಪಿ ಸೀಟು ಭದ್ರ ಮಾಡಿಕೊಂಡಿದ್ದರೆ, ಸತತ 14 ಚುನಾವಣೆಗಳ ಬಳಿಕ ಮುಸ್ಲಿಮೇತರ ಅಭ್ಯರ್ಥಿ ಕಣಕ್ಕಿಳಿಸಿದ ಕಾಂಗ್ರೆಸ್ಗೆ ‘ಮೃದು ಹಿಂದುತ್ವ’ ಕೈ ಹಿಡಿಯಲಿಲ್ಲ.</p>.<p>ಈ ಬಾರಿ ಬಿಜೆಪಿಯಿಂದ ಶಿವಕುಮಾರ ಉದಾಸಿ ಸ್ಪರ್ಧೆಯು ಖಚಿತವಾಗಿತ್ತು. 2009ರಲ್ಲಿ ಯಡಿಯೂರಪ್ಪ ಹಾಗೂ 2014ರಲ್ಲಿ ಮೋದಿ ಅಲೆಯಲ್ಲಿ ಗೆದ್ದಿದ್ದ ಅವರು, ಮತ್ತೆ ಮೋದಿ ಅಲೆಗೆ ಮೊರೆ ಹೋಗಿದ್ದರು. ಇನ್ನೊಂದೆಡೆ ಕ್ಷೇತ್ರದಲ್ಲಿ ಕಳೆದ ಬಾರಿಗಿಂತ (2014) ಈ ಬಾರಿ 1,49,102 ಮತದಾರರು ಹೆಚ್ಚಾಗಿದ್ದರೆ, 2004ರ ನಂತರದ ಹೊಸ ಮತದಾರರು (36 ವರ್ಷದೊಳಗಿನವರು) 5,02,564 ಹೆಚ್ಚಾಗಿದ್ದರು. ಪಕ್ಷದ ಸಾಂಪ್ರದಾಯಿಕ ಮತಗಳ ಜೊತೆಗೆ ಈ ಯುವ ಮತದಾರರ ಮೇಲೆಯೇ ಬಿಜೆಪಿ ಕಣ್ಣು ನೆಟ್ಟಿತ್ತು. ಕೇಂದ್ರ ಸರ್ಕಾರದ ಜನಪರ ಯೋಜನೆಗಳ ಮೂಲಕ ಗ್ರಾಮೀಣ ಭಾಗದಲ್ಲಿ ‘ಮೋದಿ’ ಛಾಪು ಉಂಟು ಮಾಡುವಲ್ಲಿ ಬಿಜೆಪಿ ಸಂಘಟನಾತ್ಮಕ ಕಾರ್ಯಗಳೂ ಬಲ ನೀಡಿದ್ದವು. ಸಂಸದರು ಕ್ಷೇತ್ರಕ್ಕೆ ನೀಡಿದ ಕೊಡುಗೆಗಳನ್ನು ಮುಂದಿಟ್ಟಿದ್ದರು.</p>.<p>‘ಅದೃಷ್ಟದ ಚಾಣಾಕ್ಷ’ ಎಂದೇ ಬಿಜೆಪಿಯವರಿಂದಲೇ ಗುರುತಿಸಿಕೊಳ್ಳುವ ಉದಾಸಿ ಲೆಕ್ಕಾಚಾರಗಳು ಪಕ್ಕಾ ಫಲ ನೀಡಿದವು. ಹೀಗಾಗಿ, ಪ್ರಚಾರದ ಕೊನೆ ರಾತ್ರಿಗಳಲ್ಲಿ ಬಿಜೆಪಿ ಭಾರಿ ಹೊಳೆ ಹರಿಸಿರಲಿಲ್ಲ.</p>.<p class="Subhead"><strong>‘ಕೈ’ ಸುಟ್ಟ ಬ್ಯಾಡಗಿ ಮಿರ್ಚಿ</strong></p>.<p class="Subhead">ಕಾಂಗ್ರೆಸ್ ಟಿಕೆಟ್ಗಾಗಿ ಬಸವರಾಜ ಶಿವಣ್ಣನವರ, ಸಲೀಂ ಅಹ್ಮದ್ ಹಾಗೂ ಡಿ.ಆರ್. ಪಾಟೀಲ ಮಧ್ಯೆ ಪೈಪೋಟಿ ಏರ್ಪಟ್ಟಿತ್ತು. ಬ್ಯಾಡಗಿಯ ಹಾಲಿ ಶಾಸಕರಾಗಿದ್ದ ಬಸವರಾಜ ಶಿವಣ್ಣನವರಿಗೆವಿಧಾನಸಭಾ ಚುನಾವಣೆಯಲ್ಲಿ ಟಿಕೆಟ್ ತಪ್ಪಿದ ಕಾರಣ, ಮೂರು ಕ್ಷೇತ್ರಗಳಲ್ಲಿ ಕೈ ಸೋಲುಂಡಿತ್ತು. ಈ ಬಾರಿಯೂ ಟಿಕೆಟ್ ತಪ್ಪಿರುವುದು ಚುನಾವಣೆಯಲ್ಲಿ ಹಿನ್ನಡೆಯಾಗಿದೆ ಎಂದೇ ವಿಶ್ಲೇಷಿಸಲಾಗಿದೆ. ಜಿಲ್ಲೆಯ ಕ್ಷೇತ್ರಗಳಲ್ಲೇ ಬಿಜೆಪಿ ಗರಿಷ್ಠ ಮುನ್ನಡೆ ಸಾಧಿಸಿದೆ.ಕಳೆದ ಬಾರಿ ಎರಡನೇ ಅತಿ ಕಡಿಮೆ ಮುನ್ನಡೆ ನೀಡಿದ್ದ ಬ್ಯಾಡಗಿಯಲ್ಲಿ, ಈ ಬಾರಿ ಎರಡನೇ ಅತಿ ಹೆಚ್ಚಿನ ಮುನ್ನಡೆಯಾಗಿದೆ.</p>.<p>‘ವಿಧಾನಸಭಾ ಚುನಾವಣೆಯಲ್ಲಿ ಮುಂದಾಳತ್ವ ವಹಿಸಿ ಸೋಲುಂಡವರೇ, ಲೋಕಸಭಾ ಚುನಾವಣೆಯಲ್ಲೂ ಜಿಲ್ಲೆಯ ಜವಾಬ್ದಾರಿ ವಹಿಸಿದ್ದರು. ಇದರಿಂದಾಗಿ, ಡಿ.ಆರ್. ಪಾಟೀಲರಂತಹ ಉತ್ತಮ ಅಭ್ಯರ್ಥಿಗೂ ಸೋಲಾಯಿತು.</p>.<p>ಅವರು ಜಿಲ್ಲೆಯ ಜವಾಬ್ದಾರಿಯನ್ನು ಬೇರೆಯವರಿಗೆ ನೀಡಬೇಕಿತ್ತು’ ಎಂದು ಕಾಂಗ್ರೆಸ್ ಕಾರ್ಯಕರ್ತರೊಬ್ಬರು ಅಭಿಪ್ರಾಯ ವ್ಯಕ್ತಪಡಿಸಿದರು. ‘ಇತ್ತ ಮುಸ್ಲಿಂ ಸಮುದಾಯಕ್ಕೆ ಟಿಕೆಟ್ ತಪ್ಪಿದ ಕಾರಣ, ಕೆಲವು ಪ್ರಮುಖರು ಸಕ್ರಿಯವಾಗಿ ಕಾಣಿಸಿಕೊಳ್ಳಲಿಲ್ಲ’ ಎಂದರು.</p>.<p class="Subhead"><strong>ಶಂಕರ ಮೌನ–ಶಿವಕುಮಾರ ಮುನ್ನಡೆ</strong></p>.<p class="Subhead">ರಾಣೆಬೆನ್ನೂರಿನಲ್ಲಿ ಕೆಪಿಜೆಪಿ ಶಾಸಕ ಆರ್. ಶಂಕರ ‘ಮೌನ’ವು ಬಿಜೆಪಿಗೆ ನೆರವಾಗಿದೆ. ಹಿರೇಕೆರೂರಿನಲ್ಲಿ ಕಳೆದ ಬಾರಿಯಂತೆ ಈ ಬಾರಿಯೂ ಜನಾದೇಶ ಪುನರಾವರ್ತನೆಯಾಗಿದೆ. ಬಿ.ಸಿ. ಪಾಟೀಲರ ವರ್ಚಸ್ಸು ವರ್ಕೌಟ್ ಆಗಿಲ್ಲ. ಬಿಜೆಪಿಯು ರಾಣೆಬೆನ್ನೂರು ಹಾಗೂ ಬ್ಯಾಡಗಿಯಲ್ಲಿ ಮುನ್ನಡೆ ಪಡೆಯುವಲ್ಲಿ ಯಶಸ್ವಿಯಾಗಿದೆ.</p>.<p class="Subhead"><strong>ಅಷ್ಟ ಕ್ಷೇತ್ರ:ಎ</strong>ಲ್ಲ ಎಂಟು ವಿಧಾನಸಭಾ ಕ್ಷೇತ್ರಗಳಲ್ಲಿ ಉದಾಸಿ ಈ ಬಾರಿಯೂ ಮುನ್ನಡೆ ಸಾಧಿಸಿದ್ದಾರೆ. ಈ ಪೈಕಿ ಗದಗ ವಿಧಾನಸಭಾ ಕ್ಷೇತ್ರದಲ್ಲಿ ಮಾತ್ರ ಬಿಜೆಪಿ ಮುನ್ನಡೆಯಲ್ಲಿ ಇಳಿಕೆಯಾಗಿದೆ. ಉಳಿದಂತೆ ಬೇರೆಡೆ ಮತಗಳ ಅಂತರವು ಹೆಚ್ಚಿದೆ.</p>.<p>ಲೋಕಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ಗದಗದ ಮೂರು ಹಾಗೂ ಹಾವೇರಿಯ ಐದು ವಿಧಾನಸಭಾ ಕ್ಷೇತ್ರಗಳಿದ್ದು, 2014ರಲ್ಲಿ ಬಿಜೆಪಿ 87,571 ಅಂತರದಲ್ಲಿ ಜಯಿಸಿತ್ತು.</p>.<p>ಈ ಪೈಕಿ ಬಿಜೆಪಿಗೆ ಗದಗ ಜಿಲ್ಲೆಯ ಮೂರು ಕ್ಷೇತ್ರಗಳಲ್ಲೇ 40,742 ಮುನ್ನಡೆ ಸಿಕ್ಕಿತ್ತು. ಈ ಬಾರಿ ಹಾವೇರಿ ಜಿಲ್ಲೆಯ ರಾಣೆಬೆನ್ನೂರು, ಬ್ಯಾಡಗಿ, ಹಿರೇಕೆರೂರಿನಲ್ಲೇ 74,894 ಮತಗಳ ಮುನ್ನಡೆ ಸಾಧಿಸಿದೆ.</p>.<p>ಕಣದಲ್ಲಿ ಒಟ್ಟಾರೆ 10 ಅಭ್ಯರ್ಥಿಗಳಿದ್ದರು. ಆದರೆ, ಕಾಂಗ್ರೆಸ್–ಬಿಜೆಪಿ ಹೊರತು ಪಡಿಸಿ, ಯಾರೂ ಛಾಪು ಬೀರಿಲ್ಲ. ಮೊದಲ ಸುತ್ತಿನಿಂದಲೇ ಉದಾಸಿ ಮುನ್ನಡೆ ಸಾಧಿಸಿದ್ದರು, ಕೊನೆಯ 20ನೇ ಸುತ್ತಿನವರೆಗೂ ಕಾಯ್ದುಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹಾವೇರಿ:</strong>ದೇಶದಾದ್ಯಂತ ಬೀಸಿದ ‘ಮೋದಿ ಅಲೆ’ಯಲ್ಲಿ ಹಾವೇರಿಯಿಂದ ಶಿವಕುಮಾರ ಉದಾಸಿ ಸಂಸತ್ ಸೇರಿದ್ದಾರೆ. ಕಾಂಗ್ರೆಸ್ನ ಡಿ.ಆರ್. ಪಾಟೀಲರನ್ನು 1,40,882 ಮತಗಳ ಅಂತರದಿಂದ ಮಣಿಸಿ, ಹ್ಯಾಟ್ರಿಕ್ ಸಾಧನೆ ಮಾಡಿದ್ದಾರೆ.</p>.<p>‘ರಾಷ್ಟ್ರೀಯ ಭದ್ರತೆ’ ಮೂಲಕ ಬಿಜೆಪಿ ಸೀಟು ಭದ್ರ ಮಾಡಿಕೊಂಡಿದ್ದರೆ, ಸತತ 14 ಚುನಾವಣೆಗಳ ಬಳಿಕ ಮುಸ್ಲಿಮೇತರ ಅಭ್ಯರ್ಥಿ ಕಣಕ್ಕಿಳಿಸಿದ ಕಾಂಗ್ರೆಸ್ಗೆ ‘ಮೃದು ಹಿಂದುತ್ವ’ ಕೈ ಹಿಡಿಯಲಿಲ್ಲ.</p>.<p>ಈ ಬಾರಿ ಬಿಜೆಪಿಯಿಂದ ಶಿವಕುಮಾರ ಉದಾಸಿ ಸ್ಪರ್ಧೆಯು ಖಚಿತವಾಗಿತ್ತು. 2009ರಲ್ಲಿ ಯಡಿಯೂರಪ್ಪ ಹಾಗೂ 2014ರಲ್ಲಿ ಮೋದಿ ಅಲೆಯಲ್ಲಿ ಗೆದ್ದಿದ್ದ ಅವರು, ಮತ್ತೆ ಮೋದಿ ಅಲೆಗೆ ಮೊರೆ ಹೋಗಿದ್ದರು. ಇನ್ನೊಂದೆಡೆ ಕ್ಷೇತ್ರದಲ್ಲಿ ಕಳೆದ ಬಾರಿಗಿಂತ (2014) ಈ ಬಾರಿ 1,49,102 ಮತದಾರರು ಹೆಚ್ಚಾಗಿದ್ದರೆ, 2004ರ ನಂತರದ ಹೊಸ ಮತದಾರರು (36 ವರ್ಷದೊಳಗಿನವರು) 5,02,564 ಹೆಚ್ಚಾಗಿದ್ದರು. ಪಕ್ಷದ ಸಾಂಪ್ರದಾಯಿಕ ಮತಗಳ ಜೊತೆಗೆ ಈ ಯುವ ಮತದಾರರ ಮೇಲೆಯೇ ಬಿಜೆಪಿ ಕಣ್ಣು ನೆಟ್ಟಿತ್ತು. ಕೇಂದ್ರ ಸರ್ಕಾರದ ಜನಪರ ಯೋಜನೆಗಳ ಮೂಲಕ ಗ್ರಾಮೀಣ ಭಾಗದಲ್ಲಿ ‘ಮೋದಿ’ ಛಾಪು ಉಂಟು ಮಾಡುವಲ್ಲಿ ಬಿಜೆಪಿ ಸಂಘಟನಾತ್ಮಕ ಕಾರ್ಯಗಳೂ ಬಲ ನೀಡಿದ್ದವು. ಸಂಸದರು ಕ್ಷೇತ್ರಕ್ಕೆ ನೀಡಿದ ಕೊಡುಗೆಗಳನ್ನು ಮುಂದಿಟ್ಟಿದ್ದರು.</p>.<p>‘ಅದೃಷ್ಟದ ಚಾಣಾಕ್ಷ’ ಎಂದೇ ಬಿಜೆಪಿಯವರಿಂದಲೇ ಗುರುತಿಸಿಕೊಳ್ಳುವ ಉದಾಸಿ ಲೆಕ್ಕಾಚಾರಗಳು ಪಕ್ಕಾ ಫಲ ನೀಡಿದವು. ಹೀಗಾಗಿ, ಪ್ರಚಾರದ ಕೊನೆ ರಾತ್ರಿಗಳಲ್ಲಿ ಬಿಜೆಪಿ ಭಾರಿ ಹೊಳೆ ಹರಿಸಿರಲಿಲ್ಲ.</p>.<p class="Subhead"><strong>‘ಕೈ’ ಸುಟ್ಟ ಬ್ಯಾಡಗಿ ಮಿರ್ಚಿ</strong></p>.<p class="Subhead">ಕಾಂಗ್ರೆಸ್ ಟಿಕೆಟ್ಗಾಗಿ ಬಸವರಾಜ ಶಿವಣ್ಣನವರ, ಸಲೀಂ ಅಹ್ಮದ್ ಹಾಗೂ ಡಿ.ಆರ್. ಪಾಟೀಲ ಮಧ್ಯೆ ಪೈಪೋಟಿ ಏರ್ಪಟ್ಟಿತ್ತು. ಬ್ಯಾಡಗಿಯ ಹಾಲಿ ಶಾಸಕರಾಗಿದ್ದ ಬಸವರಾಜ ಶಿವಣ್ಣನವರಿಗೆವಿಧಾನಸಭಾ ಚುನಾವಣೆಯಲ್ಲಿ ಟಿಕೆಟ್ ತಪ್ಪಿದ ಕಾರಣ, ಮೂರು ಕ್ಷೇತ್ರಗಳಲ್ಲಿ ಕೈ ಸೋಲುಂಡಿತ್ತು. ಈ ಬಾರಿಯೂ ಟಿಕೆಟ್ ತಪ್ಪಿರುವುದು ಚುನಾವಣೆಯಲ್ಲಿ ಹಿನ್ನಡೆಯಾಗಿದೆ ಎಂದೇ ವಿಶ್ಲೇಷಿಸಲಾಗಿದೆ. ಜಿಲ್ಲೆಯ ಕ್ಷೇತ್ರಗಳಲ್ಲೇ ಬಿಜೆಪಿ ಗರಿಷ್ಠ ಮುನ್ನಡೆ ಸಾಧಿಸಿದೆ.ಕಳೆದ ಬಾರಿ ಎರಡನೇ ಅತಿ ಕಡಿಮೆ ಮುನ್ನಡೆ ನೀಡಿದ್ದ ಬ್ಯಾಡಗಿಯಲ್ಲಿ, ಈ ಬಾರಿ ಎರಡನೇ ಅತಿ ಹೆಚ್ಚಿನ ಮುನ್ನಡೆಯಾಗಿದೆ.</p>.<p>‘ವಿಧಾನಸಭಾ ಚುನಾವಣೆಯಲ್ಲಿ ಮುಂದಾಳತ್ವ ವಹಿಸಿ ಸೋಲುಂಡವರೇ, ಲೋಕಸಭಾ ಚುನಾವಣೆಯಲ್ಲೂ ಜಿಲ್ಲೆಯ ಜವಾಬ್ದಾರಿ ವಹಿಸಿದ್ದರು. ಇದರಿಂದಾಗಿ, ಡಿ.ಆರ್. ಪಾಟೀಲರಂತಹ ಉತ್ತಮ ಅಭ್ಯರ್ಥಿಗೂ ಸೋಲಾಯಿತು.</p>.<p>ಅವರು ಜಿಲ್ಲೆಯ ಜವಾಬ್ದಾರಿಯನ್ನು ಬೇರೆಯವರಿಗೆ ನೀಡಬೇಕಿತ್ತು’ ಎಂದು ಕಾಂಗ್ರೆಸ್ ಕಾರ್ಯಕರ್ತರೊಬ್ಬರು ಅಭಿಪ್ರಾಯ ವ್ಯಕ್ತಪಡಿಸಿದರು. ‘ಇತ್ತ ಮುಸ್ಲಿಂ ಸಮುದಾಯಕ್ಕೆ ಟಿಕೆಟ್ ತಪ್ಪಿದ ಕಾರಣ, ಕೆಲವು ಪ್ರಮುಖರು ಸಕ್ರಿಯವಾಗಿ ಕಾಣಿಸಿಕೊಳ್ಳಲಿಲ್ಲ’ ಎಂದರು.</p>.<p class="Subhead"><strong>ಶಂಕರ ಮೌನ–ಶಿವಕುಮಾರ ಮುನ್ನಡೆ</strong></p>.<p class="Subhead">ರಾಣೆಬೆನ್ನೂರಿನಲ್ಲಿ ಕೆಪಿಜೆಪಿ ಶಾಸಕ ಆರ್. ಶಂಕರ ‘ಮೌನ’ವು ಬಿಜೆಪಿಗೆ ನೆರವಾಗಿದೆ. ಹಿರೇಕೆರೂರಿನಲ್ಲಿ ಕಳೆದ ಬಾರಿಯಂತೆ ಈ ಬಾರಿಯೂ ಜನಾದೇಶ ಪುನರಾವರ್ತನೆಯಾಗಿದೆ. ಬಿ.ಸಿ. ಪಾಟೀಲರ ವರ್ಚಸ್ಸು ವರ್ಕೌಟ್ ಆಗಿಲ್ಲ. ಬಿಜೆಪಿಯು ರಾಣೆಬೆನ್ನೂರು ಹಾಗೂ ಬ್ಯಾಡಗಿಯಲ್ಲಿ ಮುನ್ನಡೆ ಪಡೆಯುವಲ್ಲಿ ಯಶಸ್ವಿಯಾಗಿದೆ.</p>.<p class="Subhead"><strong>ಅಷ್ಟ ಕ್ಷೇತ್ರ:ಎ</strong>ಲ್ಲ ಎಂಟು ವಿಧಾನಸಭಾ ಕ್ಷೇತ್ರಗಳಲ್ಲಿ ಉದಾಸಿ ಈ ಬಾರಿಯೂ ಮುನ್ನಡೆ ಸಾಧಿಸಿದ್ದಾರೆ. ಈ ಪೈಕಿ ಗದಗ ವಿಧಾನಸಭಾ ಕ್ಷೇತ್ರದಲ್ಲಿ ಮಾತ್ರ ಬಿಜೆಪಿ ಮುನ್ನಡೆಯಲ್ಲಿ ಇಳಿಕೆಯಾಗಿದೆ. ಉಳಿದಂತೆ ಬೇರೆಡೆ ಮತಗಳ ಅಂತರವು ಹೆಚ್ಚಿದೆ.</p>.<p>ಲೋಕಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ಗದಗದ ಮೂರು ಹಾಗೂ ಹಾವೇರಿಯ ಐದು ವಿಧಾನಸಭಾ ಕ್ಷೇತ್ರಗಳಿದ್ದು, 2014ರಲ್ಲಿ ಬಿಜೆಪಿ 87,571 ಅಂತರದಲ್ಲಿ ಜಯಿಸಿತ್ತು.</p>.<p>ಈ ಪೈಕಿ ಬಿಜೆಪಿಗೆ ಗದಗ ಜಿಲ್ಲೆಯ ಮೂರು ಕ್ಷೇತ್ರಗಳಲ್ಲೇ 40,742 ಮುನ್ನಡೆ ಸಿಕ್ಕಿತ್ತು. ಈ ಬಾರಿ ಹಾವೇರಿ ಜಿಲ್ಲೆಯ ರಾಣೆಬೆನ್ನೂರು, ಬ್ಯಾಡಗಿ, ಹಿರೇಕೆರೂರಿನಲ್ಲೇ 74,894 ಮತಗಳ ಮುನ್ನಡೆ ಸಾಧಿಸಿದೆ.</p>.<p>ಕಣದಲ್ಲಿ ಒಟ್ಟಾರೆ 10 ಅಭ್ಯರ್ಥಿಗಳಿದ್ದರು. ಆದರೆ, ಕಾಂಗ್ರೆಸ್–ಬಿಜೆಪಿ ಹೊರತು ಪಡಿಸಿ, ಯಾರೂ ಛಾಪು ಬೀರಿಲ್ಲ. ಮೊದಲ ಸುತ್ತಿನಿಂದಲೇ ಉದಾಸಿ ಮುನ್ನಡೆ ಸಾಧಿಸಿದ್ದರು, ಕೊನೆಯ 20ನೇ ಸುತ್ತಿನವರೆಗೂ ಕಾಯ್ದುಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
