ಹಂದಿ ಸ್ಥಳಾಂತರಕ್ಕೆ ಮುಂದಾದ ಮಾಲೀಕರು

ಹಾವೇರಿ : ನಗಸಭೆ ಗಡುವು ನೀಡಿದ ಪರಿಣಾಮ ಶುಕ್ರವಾರ ಹಂದಿ ಮಾಲೀಕರು ನಗರದ ವಿವಿಧೆಡೆ ಇದ್ದ ಸುಮಾರು 70 ಹಂದಿಗಳನ್ನು ಹಿಡಿದು ನಾಗೇಂದ್ರನಮಟ್ಟಿ ದೊಡ್ಡಿಗೆ ಸಾಗಿಸಿದರು.

. ಹಾಸನದಲ್ಲಿ ಸೋಮವಾರ ಹಂದಿ ಮಾರುಕಟ್ಟೆ ಇರುವುದರಿಂದ ಹಿಡಿದ ಹಂದಿಗಳನ್ನು ಮಾಲೀಕರು ಮಾರುಕಟ್ಟೆಗೆ ಸಾಗಿಸಿ, ಮಾರಾಟ ಮಾಡಲಿದ್ದಾರೆ ಎಂದು ನಗರಸಭೆ ಸಿಬ್ಬಂದಿ ತಿಳಿಸಿದರು.

. ನಗರದೊಳಗೆ ಇರುವ ಹಂದಿಗಳನ್ನು ಜುಲೈ 10ರೊಳಗೆ ಹಿಡಿದು ನಗರದ ಹೊರಗಡೆ ಸಾಗಿಸದಿದ್ದರೆ, ಜುಲೈ 11ರಿಂದ ಹಂದಿ ಕಾರ್ಯಾಚರಣೆಯನ್ನು ನಗರಸಭೆಯಿಂದಲೇ ಕೈಗೊಳ್ಳಲಾಗುವುದು ಎಂದು ನಗರಸಭೆ ಅಧ್ಯಕ್ಷ ಸಂಜೀವಕುಮಾರ ನೀರಲಗಿ ಮತ್ತು ಪೌರಾಯುಕ್ತ ವಿರೂಪಾಕ್ಷಪ್ಪ ಪೂಜಾರ ಎಚ್ಚರಿಕೆ ನೀಡಿದ್ದರು.

. ನಗರದಲ್ಲಿ ಹಂದಿಗಳ ಹಾವಳಿ ವಿಪರೀತವಾಗಿದೆ. ಚರಂಡಿ ತ್ಯಾಜ್ಯವನ್ನು ರಸ್ತೆಗೆ ಹರಡುತ್ತಾ, ಕಸವನ್ನು ಕೆದರುತ್ತಾ, ಅನೈರ್ಮಲ್ಯ ವಾತಾವರಣ ಸೃಷ್ಟಿಸುತ್ತಿರುವ ಹಂದಿಗಳಿಂದ ನಾಗರಿಕರು ರೋಸಿ ಹೋಗಿ ನಗರಸಭೆಗೆ ಹಿಡಿಶಾಪ ಹಾಕುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿಗುರುವಾರ ನಗರಸಭೆಯಲ್ಲಿ ಹಂದಿ ಮಾಲೀಕರ ಸಭೆ ನಡೆಸಿ, ಹಂದಿಗಳನ್ನು ಹೊರಗಡೆ ಸಾಗಿಸಲು ತಾಕೀತು ಮಾಡಲಾಗಿತ್ತು.

. ಜಾಗ ನೀಡಲು ಕೋರಿಕೆ:

. ‘ಯತ್ತಿನಹಳ್ಳಿ ಸಮೀಪ ಸರ್ಕಾರಿ ಜಾಗವಿದ್ದು, ಅಲ್ಲಿ ಹಂದಿಗಳ ಸಾಕಣೆಗೆ ಅನುಕೂಲ ಕಲ್ಪಿಸಲು 5ರಿಂದ 10 ಎಕರೆ ಜಾಗವನ್ನು ಕೊಡಲು ಜಿಲ್ಲಾಧಿಕಾರಿ ಅವರಲ್ಲಿ ಮನವಿ ಮಾಡುತ್ತೇವೆ. ಕಲ್ಯಾಣ ಮಂಟಪ ಮತ್ತು ಮನೆಗಳಲ್ಲಿ ದೊರಕುವ ಮುಸುರೆಯನ್ನು ಹಂದಿ ದೊಡ್ಡಿಗೆ ಸಾಗಿಸಲು ನಗರಸಭೆಯಿಂದ ಒಂದು ವಾಹನ ಮೀಸಲಿಡುವ ಚಿಂತನೆಯೂ ಇದೆ’ ಎಂದು ನಗರಸಭೆ ಅಧ್ಯಕ್ಷ ಸಂಜೀವಕುಮಾರ ನೀರಲಗಿ ತಿಳಿಸಿದರು.

. ಮಂಗಗಳ ಸೆರೆಗೆ ಮನವಿ:

. ‘ಜುಲೈ 11ರಿಂದ ಬಿಡಾಡಿ ದನಗಳನ್ನು ಗೋಶಾಲೆಗೆ ಸಾಗಿಸಲು ಕ್ರಮ ಕೈಗೊಳ್ಳಲಾಗಿದೆ.ಜತೆಗೆ ಮಂಗಗಳ ಹಾವಳಿ ವಿಪರೀತವಾಗಿದ್ದು, ಅವುಗಳನ್ನು ಸೆರೆ ಹಿಡಿಯಲು ಅರಣ್ಯ ಇಲಾಖೆಗೆ ಮನವಿ ಮಾಡಲಾಗಿದೆ. ಮಂಗಗಳ ಕಾಟಕ್ಕೆ ಬೇಸತ್ತ ನಾಗರಿಕರಿಂದ ಹಲವಾರು ದೂರುಗಳು ಕೇಳಿಬಂದಿವೆ’ ಎಂದು ಸಂಜೀವಕುಮಾರ ನೀರಲಗಿ ತಿಳಿಸಿದರು.

. ಹಂದಿಗಳ ಮಾಲೀಕರಿಗೆ ಸೂಚನೆ ನೀಡಲಾಗಿದೆ. ಸೋಮವಾರದ ನಂತರವೂ ನಗರದಲ್ಲಿ ಹಂದಿಗಳಿದ್ದರೆ ನಗರಸಭೆಯಿಂದಲೇ ಕಾರ್ಯಾಚರಣೆ ಕೈಗೊಳ್ಳುತ್ತೇವೆ. – ಸಂಜೀವಕುಮಾರ ನೀರಲಗಿ, ನಗರಸಭೆ ಅಧ್ಯಕ್ಷ, ಹಾವೇರಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹಂದಿ ಸ್ಥಳಾಂತರಕ್ಕೆ ಮುಂದಾದ ಮಾಲೀಕರು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು