<p><strong>ಕಲಬುರಗಿ:</strong> ಮುಂಗಾರಿನ ಅಭಿಷೇಕಕ್ಕೆ ನೆಲ ಮೆದುಗೊಂಡಿದ್ದು, ‘ಹಸಿರು’ ಹಂಚುವ ಕಾರ್ಯ ಭರದಿಂದ ಸಾಗಿದೆ. </p>.<p>ಮಳೆಗಾಲ ಆರಂಭವಾದಾಗಿನಿಂದ ಇಲ್ಲಿಯವರೆಗೂ ತೋಟಗಾರಿಕೆ ಇಲಾಖೆಯ ನರ್ಸರಿ ಹಾಗೂ ಸಸ್ಯಕ್ಷೇತ್ರಗಳಲ್ಲಿ 55,650 ಸಸಿಗಳು ಮಾರಾಟವಾಗಿವೆ. ಸರ್ಕಾರ ಸಸಿಗಳಿಗೆ ಕನಿಷ್ಠ ಬೆಲೆ ನಿಗದಿಪಡಿಸಿರುವುದರಿಂದ ರೈತರು ಹಾಗೂ ಪರಿಸರಾಸಕ್ತರು ಇಲ್ಲಿಂದಲೇ ಸಸಿಗಳನ್ನು ತೆಗೆದುಕೊಂಡು ಹೋಗುತ್ತಾರೆ.</p>.<p>ತೋಟಗಾರಿಕೆ ಇಲಾಖೆ ಜಿಲ್ಲೆಯಲ್ಲಿ 16 ನರ್ಸರಿ ಹಾಗೂ ಸಸ್ಯ ಕ್ಷೇತ್ರಗಳನ್ನು ಹೊಂದಿದೆ. ಎರಡು ನರ್ಸರಿಗಳನ್ನು ಹೊರತುಪಡಿಸಿ ಉಳಿದವುಗಳು ಗ್ರಾಮೀಣ ಭಾಗದಲ್ಲಿವೆ.</p>.<p>ಇಲ್ಲಿ 4 ಲಕ್ಷ ಸಸಿಗಳನ್ನು ಪೋಷಿಸಲಾಗುತ್ತಿದೆ. ಮಾವು, ನಿಂಬೆ, ಸಪೋಟ, ತೆಂಗು, ಕರಿಬೇವು ಹಾಗೂ ಅಲಂಕಾರಿಕ ಸೇರಿ ಇತರ ಸಸಿಗಳನ್ನು ಮಾರಾಟ ಮಾಡಲಾಗುತ್ತಿದೆ. ₹10–₹160ವರೆಗೂ ದರದಲ್ಲಿ ಸಸಿಗಳು ಸಿಗುತ್ತವೆ. ಇಲಾಖೆ ಪ್ರತಿ ವರ್ಷ 3.5 ಲಕ್ಷ ಸಸಿಗಳನ್ನು ಮಾರಾಟ ಮಾಡುತ್ತದೆ. ಸಸಿ ಮಾರಾಟ ಮಾಡುವುದರಿಂದ ವರ್ಷಕ್ಕೆ ₹24–₹25 ಲಕ್ಷ ಆದಾಯ ಬರುತ್ತದೆ.</p>.<p>ಚಿಂಚೋಳಿ ತಾಲ್ಲೂಕಿನ ಚಂದ್ರಂಪಳ್ಳಿ ಜಲಾಶಯದ ಬಳಿಯ ನರ್ಸರಿ ಜಿಲ್ಲೆಯ ಅತಿದೊಡ್ಡ ನರ್ಸರಿಯಾಗಿದೆ. ಹಚ್ಚ ಹಸಿರಿನ ಪರಿಸರದ ಮಧ್ಯೆ 150 ಎಕರೆಯಲ್ಲಿ ಮೈಚಾಚಿಕೊಂಡಿದೆ. ಇಲ್ಲಿ 1 ಲಕ್ಷ ಸಸಿ ಪೋಷಿಸಲಾಗುತ್ತಿದೆ. ಇಲ್ಲಿ ತರಬೇತಿ ಕೇಂದ್ರವೂ ಇದೆ.</p>.<p>ಮಾಲಗತ್ತಿ, ಗುಡೂರು ಹಾಗೂ ಗೋಳಾದಲ್ಲಿಯೂ ವಿಸ್ತಾರವಾದ ನರ್ಸರಿ ಹಾಗೂ ಸಸ್ಯಕ್ಷೇತ್ರಗಳನ್ನು ಇಲಾಖೆ ಹೊಂದಿದೆ. ಈ ಕ್ಷೇತ್ರಗಳಿಂದ ರೈತರು ಹೆಚ್ಚಿನ ಪ್ರಮಾಣದಲ್ಲಿ ಸಸಿಗಳನ್ನು ತೆಗೆದುಕೊಂಡು ಹೋಗುತ್ತಾರೆ.</p>.<p>ನಗರದ ಐವಾನ್ ಇ ಶಾಹಿ ಪ್ರವಾಸಿ ಮಂದಿರದ ಆವರಣ, ಬಡೇಪುರ ಹಾಗೂ ಕೆಸರಟಗಿಯಲ್ಲಿ ಇಲಾಖೆಯ ಸಸ್ಯ ಕ್ಷೇತ್ರಗಳಿವೆ. ಇವುಗಳಲ್ಲಿ ಬಡೇಪುರ ಸಸ್ಯಕ್ಷೇತ್ರ ದೊಡ್ಡದು. ನಗರದ ರಾಜಾಪುರ ರಸ್ತೆ ಬಳಿ 5 ಎಕರೆಯಲ್ಲಿ ಇದು ಮೈಚಾಚಿಕೊಂಡಿದೆ. ಇಲ್ಲಿ ತೆರೆದ ಹಾಗೂ ಕೊಳವೆಬಾವಿ ಇದೆ. ಮೂವರು ಸಿಬ್ಬಂದಿ ಸಸಿ ಬೆಳೆಸಿ ಪೋಷಿಸುವ ಕೆಲಸ ಮಾಡುತ್ತಾರೆ.</p>.<p>ಐವಾನ್ ಇ ಶಾಹಿಯಲ್ಲಿ ಅಲಂಕಾರಿಕ ಸಸಿ ಮಾರಾಟ ಮಾಡಲಾಗುತ್ತದೆ. ಇವುಗಳ ಬೆಲೆ ₹20ರಿಂದ ₹160ರವರೆಗೆ ಇದೆ. ಒಟ್ಟು 15 ಸಾವಿರ ಸಸಿಗಳನ್ನು ಪೋಷಿಸಲಾಗುತ್ತಿದೆ. ಮೂವರು ಸಿಬ್ಬಂದಿ ಕೆಲಸ ಮಾಡುತ್ತಾರೆ. ಅಲಂಕಾರಿಕ ವಸ್ತುಗಳಿಗೆ ಹೆಚ್ಚು ಬೇಡಿಕೆ ಇದೆ ಎನ್ನುತ್ತಾರೆ ಇಲಾಖೆ ಸಿಬ್ಬಂದಿ.</p>.<p>ಕೆಸರಟಗಿಯಲ್ಲಿಯೂ ವಿಶಾಲವಾದ ಜಾಗದಲ್ಲಿ ಸಸಿ ಮಾರಾಟ ಮಾಡಲಾಗುತ್ತದೆ. ಸುತ್ತಮುತ್ತಲಿನ ರೈತರು ಸಸಿ ಖರೀದಿ ಮಾಡುತ್ತಾರೆ.</p>.<div><blockquote>ಸರ್ಕಾರ ನಿಗದಿಪಡಿಸಿದ ಕನಿಷ್ಠ ದರದಲ್ಲಿ ಸಸಿಗಳನ್ನು ಮಾರಾಟ ಮಾಡಲಾಗುತ್ತದೆ. ಎಲ್ಲರೂ ಸಸಿ ಖರೀದಿಸಿ ಅವುಗಳನ್ನು ಪೋಷಿಸಿ ಪರಿಸರಕ್ಕೆ ಕೊಡುಗೆ ನೀಡಬೇಕು</blockquote><span class="attribution">ಶಂಕರ ಪಟವಾರಿ, ಹಿರಿಯ ಸಹಾಯಕ ನಿರ್ದೇಶಕ ತೋಟಗಾರಿಕೆ ಇಲಾಖೆ ಕಲಬುರಗಿ</span></div>.<h2>ನಡೆಯದ ಸಸ್ಯ ಸಂತೆ</h2>.<p> ಪ್ರತಿವರ್ಷ ಜೂನ್–ಜುಲೈ ತಿಂಗಳಲ್ಲಿ ಕಲಬುರಗಿ ನಗರದ ತೋಟಗಾರಿಕೆ ಇಲಾಖೆ ಕಚೇರಿಯಲ್ಲಿ ಸಸ್ಯ ಸಂತೆ ಮಾಡಲಾಗುತ್ತದೆ. ಈ ಸಂತೆಯಲ್ಲಿ ಎಲ್ಲ ಮಾದರಿಯ ಸಸಿಗಳನ್ನು ಮಾರಾಟಕ್ಕೆ ಇಡಲಾಗುತ್ತದೆ. ನಗರ ವಾಸಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಸಸಿ ಖರೀದಿ ಮಾಡಿಕೊಂಡು ಹೋಗುತ್ತಾರೆ. 1.50 ಲಕ್ಷದವರೆಗೂ ಸಸಿಗಳು ಮಾರಾಟವಾಗುತ್ತವೆ. ₹20 ಲಕ್ಷದವರೆಗೂ ಅನುದಾನ ಬರುತ್ತದೆ. ಆದರೆ ಈ ವರ್ಷ ಕಾರಣಾಂತರಗಳಿಂದ ಸಸ್ಯ ಸಂತೆ ಮಾಡುತ್ತಿಲ್ಲ ಎಂದು ಇಲಾಖೆ ಅಧಿಕಾರಿಗಳು ಹೇಳುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಲಬುರಗಿ:</strong> ಮುಂಗಾರಿನ ಅಭಿಷೇಕಕ್ಕೆ ನೆಲ ಮೆದುಗೊಂಡಿದ್ದು, ‘ಹಸಿರು’ ಹಂಚುವ ಕಾರ್ಯ ಭರದಿಂದ ಸಾಗಿದೆ. </p>.<p>ಮಳೆಗಾಲ ಆರಂಭವಾದಾಗಿನಿಂದ ಇಲ್ಲಿಯವರೆಗೂ ತೋಟಗಾರಿಕೆ ಇಲಾಖೆಯ ನರ್ಸರಿ ಹಾಗೂ ಸಸ್ಯಕ್ಷೇತ್ರಗಳಲ್ಲಿ 55,650 ಸಸಿಗಳು ಮಾರಾಟವಾಗಿವೆ. ಸರ್ಕಾರ ಸಸಿಗಳಿಗೆ ಕನಿಷ್ಠ ಬೆಲೆ ನಿಗದಿಪಡಿಸಿರುವುದರಿಂದ ರೈತರು ಹಾಗೂ ಪರಿಸರಾಸಕ್ತರು ಇಲ್ಲಿಂದಲೇ ಸಸಿಗಳನ್ನು ತೆಗೆದುಕೊಂಡು ಹೋಗುತ್ತಾರೆ.</p>.<p>ತೋಟಗಾರಿಕೆ ಇಲಾಖೆ ಜಿಲ್ಲೆಯಲ್ಲಿ 16 ನರ್ಸರಿ ಹಾಗೂ ಸಸ್ಯ ಕ್ಷೇತ್ರಗಳನ್ನು ಹೊಂದಿದೆ. ಎರಡು ನರ್ಸರಿಗಳನ್ನು ಹೊರತುಪಡಿಸಿ ಉಳಿದವುಗಳು ಗ್ರಾಮೀಣ ಭಾಗದಲ್ಲಿವೆ.</p>.<p>ಇಲ್ಲಿ 4 ಲಕ್ಷ ಸಸಿಗಳನ್ನು ಪೋಷಿಸಲಾಗುತ್ತಿದೆ. ಮಾವು, ನಿಂಬೆ, ಸಪೋಟ, ತೆಂಗು, ಕರಿಬೇವು ಹಾಗೂ ಅಲಂಕಾರಿಕ ಸೇರಿ ಇತರ ಸಸಿಗಳನ್ನು ಮಾರಾಟ ಮಾಡಲಾಗುತ್ತಿದೆ. ₹10–₹160ವರೆಗೂ ದರದಲ್ಲಿ ಸಸಿಗಳು ಸಿಗುತ್ತವೆ. ಇಲಾಖೆ ಪ್ರತಿ ವರ್ಷ 3.5 ಲಕ್ಷ ಸಸಿಗಳನ್ನು ಮಾರಾಟ ಮಾಡುತ್ತದೆ. ಸಸಿ ಮಾರಾಟ ಮಾಡುವುದರಿಂದ ವರ್ಷಕ್ಕೆ ₹24–₹25 ಲಕ್ಷ ಆದಾಯ ಬರುತ್ತದೆ.</p>.<p>ಚಿಂಚೋಳಿ ತಾಲ್ಲೂಕಿನ ಚಂದ್ರಂಪಳ್ಳಿ ಜಲಾಶಯದ ಬಳಿಯ ನರ್ಸರಿ ಜಿಲ್ಲೆಯ ಅತಿದೊಡ್ಡ ನರ್ಸರಿಯಾಗಿದೆ. ಹಚ್ಚ ಹಸಿರಿನ ಪರಿಸರದ ಮಧ್ಯೆ 150 ಎಕರೆಯಲ್ಲಿ ಮೈಚಾಚಿಕೊಂಡಿದೆ. ಇಲ್ಲಿ 1 ಲಕ್ಷ ಸಸಿ ಪೋಷಿಸಲಾಗುತ್ತಿದೆ. ಇಲ್ಲಿ ತರಬೇತಿ ಕೇಂದ್ರವೂ ಇದೆ.</p>.<p>ಮಾಲಗತ್ತಿ, ಗುಡೂರು ಹಾಗೂ ಗೋಳಾದಲ್ಲಿಯೂ ವಿಸ್ತಾರವಾದ ನರ್ಸರಿ ಹಾಗೂ ಸಸ್ಯಕ್ಷೇತ್ರಗಳನ್ನು ಇಲಾಖೆ ಹೊಂದಿದೆ. ಈ ಕ್ಷೇತ್ರಗಳಿಂದ ರೈತರು ಹೆಚ್ಚಿನ ಪ್ರಮಾಣದಲ್ಲಿ ಸಸಿಗಳನ್ನು ತೆಗೆದುಕೊಂಡು ಹೋಗುತ್ತಾರೆ.</p>.<p>ನಗರದ ಐವಾನ್ ಇ ಶಾಹಿ ಪ್ರವಾಸಿ ಮಂದಿರದ ಆವರಣ, ಬಡೇಪುರ ಹಾಗೂ ಕೆಸರಟಗಿಯಲ್ಲಿ ಇಲಾಖೆಯ ಸಸ್ಯ ಕ್ಷೇತ್ರಗಳಿವೆ. ಇವುಗಳಲ್ಲಿ ಬಡೇಪುರ ಸಸ್ಯಕ್ಷೇತ್ರ ದೊಡ್ಡದು. ನಗರದ ರಾಜಾಪುರ ರಸ್ತೆ ಬಳಿ 5 ಎಕರೆಯಲ್ಲಿ ಇದು ಮೈಚಾಚಿಕೊಂಡಿದೆ. ಇಲ್ಲಿ ತೆರೆದ ಹಾಗೂ ಕೊಳವೆಬಾವಿ ಇದೆ. ಮೂವರು ಸಿಬ್ಬಂದಿ ಸಸಿ ಬೆಳೆಸಿ ಪೋಷಿಸುವ ಕೆಲಸ ಮಾಡುತ್ತಾರೆ.</p>.<p>ಐವಾನ್ ಇ ಶಾಹಿಯಲ್ಲಿ ಅಲಂಕಾರಿಕ ಸಸಿ ಮಾರಾಟ ಮಾಡಲಾಗುತ್ತದೆ. ಇವುಗಳ ಬೆಲೆ ₹20ರಿಂದ ₹160ರವರೆಗೆ ಇದೆ. ಒಟ್ಟು 15 ಸಾವಿರ ಸಸಿಗಳನ್ನು ಪೋಷಿಸಲಾಗುತ್ತಿದೆ. ಮೂವರು ಸಿಬ್ಬಂದಿ ಕೆಲಸ ಮಾಡುತ್ತಾರೆ. ಅಲಂಕಾರಿಕ ವಸ್ತುಗಳಿಗೆ ಹೆಚ್ಚು ಬೇಡಿಕೆ ಇದೆ ಎನ್ನುತ್ತಾರೆ ಇಲಾಖೆ ಸಿಬ್ಬಂದಿ.</p>.<p>ಕೆಸರಟಗಿಯಲ್ಲಿಯೂ ವಿಶಾಲವಾದ ಜಾಗದಲ್ಲಿ ಸಸಿ ಮಾರಾಟ ಮಾಡಲಾಗುತ್ತದೆ. ಸುತ್ತಮುತ್ತಲಿನ ರೈತರು ಸಸಿ ಖರೀದಿ ಮಾಡುತ್ತಾರೆ.</p>.<div><blockquote>ಸರ್ಕಾರ ನಿಗದಿಪಡಿಸಿದ ಕನಿಷ್ಠ ದರದಲ್ಲಿ ಸಸಿಗಳನ್ನು ಮಾರಾಟ ಮಾಡಲಾಗುತ್ತದೆ. ಎಲ್ಲರೂ ಸಸಿ ಖರೀದಿಸಿ ಅವುಗಳನ್ನು ಪೋಷಿಸಿ ಪರಿಸರಕ್ಕೆ ಕೊಡುಗೆ ನೀಡಬೇಕು</blockquote><span class="attribution">ಶಂಕರ ಪಟವಾರಿ, ಹಿರಿಯ ಸಹಾಯಕ ನಿರ್ದೇಶಕ ತೋಟಗಾರಿಕೆ ಇಲಾಖೆ ಕಲಬುರಗಿ</span></div>.<h2>ನಡೆಯದ ಸಸ್ಯ ಸಂತೆ</h2>.<p> ಪ್ರತಿವರ್ಷ ಜೂನ್–ಜುಲೈ ತಿಂಗಳಲ್ಲಿ ಕಲಬುರಗಿ ನಗರದ ತೋಟಗಾರಿಕೆ ಇಲಾಖೆ ಕಚೇರಿಯಲ್ಲಿ ಸಸ್ಯ ಸಂತೆ ಮಾಡಲಾಗುತ್ತದೆ. ಈ ಸಂತೆಯಲ್ಲಿ ಎಲ್ಲ ಮಾದರಿಯ ಸಸಿಗಳನ್ನು ಮಾರಾಟಕ್ಕೆ ಇಡಲಾಗುತ್ತದೆ. ನಗರ ವಾಸಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಸಸಿ ಖರೀದಿ ಮಾಡಿಕೊಂಡು ಹೋಗುತ್ತಾರೆ. 1.50 ಲಕ್ಷದವರೆಗೂ ಸಸಿಗಳು ಮಾರಾಟವಾಗುತ್ತವೆ. ₹20 ಲಕ್ಷದವರೆಗೂ ಅನುದಾನ ಬರುತ್ತದೆ. ಆದರೆ ಈ ವರ್ಷ ಕಾರಣಾಂತರಗಳಿಂದ ಸಸ್ಯ ಸಂತೆ ಮಾಡುತ್ತಿಲ್ಲ ಎಂದು ಇಲಾಖೆ ಅಧಿಕಾರಿಗಳು ಹೇಳುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>