ಕಲಬುರಗಿ: ನಗರದ ಎಸ್.ಎಂ.ಪಂಡಿತ ರಂಗಮಂದಿರದಲ್ಲಿ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯಿತಿ, ಮಹಾನಗರ ಪಾಲಿಕೆಯ ವತಿಯಿಂದ ಭಾನುವಾರ ಆದಿ ಶಂಕರಾಚಾರ್ಯರ ಜಯಂತಿ ಆಚರಿಸಲಾಯಿತು.
ಈ ವೇಳೆ ಶಿಷ್ಟಾಚಾರ ತಹಶೀಲ್ದಾರ್ ನಿಸಾರ್‌ ಅಹಮ್ಮದ್‌ ಹಾಗೂ ಸಮಾಜದ ಮುಖಂಡರು ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡಿದರು. ಈ ವೇಳೆ ಶಂಕರಾಚಾರ್ಯರ ಅದ್ವೈತಾಮೃತ ಸ್ತೋತ್ರ ಪಠಿಸಲಾಯಿತು. ಮಹಿಳೆಯೊಬ್ಬರು ಭಜನೆ ಹಾಡಿದರು.
ಕಾರ್ಯಕ್ರಮದಲ್ಲಿ ಕಲಬುರಗಿ ಶಂಕರ ಮಠದ ಅಧ್ಯಕ್ಷ ಪಿ.ಎಚ್‌.ಕುಲಕರ್ಣಿ, ಮುರಳಿಧರ ಪೂಜಾರಿ, ಗುರುರಾಜ ಭರತನೂರು, ಗೋಪಾಲಕೃಷ್ಣ ಸರಡಗಿ, ಪಿ.ಆರ್.ಕುಲಕರ್ಣಿ, ಋಷಿಕೇಶ್‌ ಚೌಡಾಪುರಕರ್, ಎಂ.ಬಿ.ಶಾಸ್ತ್ರಿ, ವೇಣುಗೋಪಾಲ ಕುಲಕರ್ಣಿ ಹಾಗೂ ಸಮಾಜದ ಮಹಿಳೆಯರು ಭಾಗವಹಿಸಿದ್ದರು.
