ಕಲಬುರಗಿ: ವಿಮಾನ ಸೇವೆಯಲ್ಲೂ ಅನ್ಯಾಯ!

ಕಲಬುರಗಿ-ಹಿಂಡನ್‌(ದೆಹಲಿ) ನಡುವಿನ ವಿಮಾನ ದಿಢೀರ್ ನಿಲ್ಲಲು ಕಾರಣವೇನು ಎಂಬುದು ಸ್ಪಷ್ಟವಾದ ಉತ್ತರ ಸಿಗುತ್ತಿಲ್ಲ. ವಿಮಾನಯಾನ ಸಂಸ್ಥೆಯು ವಿಮಾನಗಳ ಕೊರತೆ ಹಾಗೂ ತಾಂತ್ರಿಕ ಕಾರಣಗಳಿಂದ ಹಿಂಡನ್ ಸೇವೆ ನಿಲ್ಲಿಸಿದೆ ಎಂಬುದು ವಿಮಾನ ನಿಲ್ದಾಣಗಳ ಮೂಲಗಳ ಹೇಳಿಕೆ. ಕೇಂದ್ರದ ಸಚಿವರೊಬ್ಬರು ತಮ್ಮ ತವರು ಜಿಲ್ಲೆಗೆ ಪ್ರಾತನಿಧ್ಯ ಕೊಡುತ್ತಿದ್ದಾರೆ ಎಂಬುದು ಕೆಲವು ಸ್ಥಳೀಯರ ಗಂಭೀರ ಆರೋಪ.‌ ‘ನಿಲ್ದಾಣ ಹಾಗೂ ಜಿಲ್ಲೆಯ ಅಭಿವೃದ್ಧಿಗೆ ಕೇಂದ್ರ ಸಚಿವರು ಸಹಕರಿಸುತ್ತಿದ್ದಾರೆ. ವಿಮಾನ ನಿಲ್ದಾಣ ಹಾಗೂ ರೈಲ್ವೆ ಸೇವೆಯ ವಿಸ್ತರಣೆಗೆ ಹೆಚ್ಚಿನ ಸೌಕರ್ಯಗಳು ತರಲಾಗುವುದು. ವಂದೇ ಭಾರತ್ ರೈಲು ಓಡಿಸುವಂತೆ ಮನವಿ ಮಾಡಿದ್ದೇವೆ. ಕೇಂದ್ರ ಸಚಿವರು ಅಭಿವೃದ್ಧಿ ಕಾರ್ಯಗಳಿಗೆ ಅಡ್ಡಿ ಆಗುತ್ತಿದ್ದಾರೆ ಎಂಬ ಆರೋಪಗಳಲ್ಲಿ ಹುರುಳಿಲ್ಲ’ ಎಂಬುದು ಸಂಸದ ಡಾ.ಉಮೇಶ ಜಾಧವ ಅವರ ಹೇಳಿಕೆ.