ಮಡಿಕೇರಿ: ಕುಕ್ಕುಟ್ಟೋದ್ಯಮಿಯಾಗಿ ಯಶಸ್ಸು ಕಂಡ ಎಂಬಿಎ ಪದವೀಧರ!

ಮಡಿಕೇರಿ: ಎಂಬಿಎ ಪದವೀಧರರೊಬ್ಬರು ಕುಕ್ಕುಟ್ಟೋದ್ಯಮಿಯಾಗಿ ಯಶಸ್ಸು ಕಂಡ ನಿದರ್ಶನ ಇಲ್ಲಿನ ಪೊನ್ನಂಪೇಟೆ ತಾಲ್ಲೂಕಿನಲ್ಲಿದೆ.

. ಪೊನ್ನಂಪೇಟೆ ಸಮೀಪದ ಬಲ್ಯಮಂಡೂರು ರಸ್ತೆಯಲ್ಲಿ ಇವರು ಶುರು ಮಾಡಿರುವ ಎಂ.ಜಿ.ಫಾರಂ ಇಂತಹದ್ದೊಂದು ಯಶಸ್ಸಿನ ಕಥೆ ಹೇಳುತ್ತಿದೆ. ಇಲ್ಲಿ ಬರೋಬರಿ 500ಕ್ಕೂ ಹೆಚ್ಚು ನಾಟಿಕೋಳಿಗಳು ಮಾತ್ರವಲ್ಲ ವೈವಿಧ್ಯಮಯ ಕೋಳಿಗಳಿವೆ. ಇದರೊಂದಿಗೆ 8 ಮೇಕೆಗಳನ್ನು ಸಾಕಿದ್ದು, ಮೇಕೆ ಫಾರಂ ಮಾಡುವ ಉದ್ದೇಶ ಹೊಂದಿದ್ದಾರೆ. ಮೊಲಗಳನ್ನೂ ಸಾಕಿದ್ದಾರೆ. ಮತ್ತೂ ವಿಶೇಷ ಎಂದರೆ, ಇಷ್ಟೊಂದು ದೊಡ್ಡ ಫಾರಂನ್ನು ತಮ್ಮ ತಂದೆ ಹಾಗೂ ತಾಯಿಯ ಸಹಾಯದೊಂದಿಗೆ ತಾವೊಬ್ಬರೇ ಮುನ್ನಡೆಸುತ್ತಿದ್ದಾರೆ.

. ಪೊನ್ನಂಪೇಟೆ ಪಟ್ಟಣದ ವಾಸಿಗಳಾದ ಗಣಪತಿ ಮತ್ತು ದಮಯಂತಿ ಅವರ ಪುತ್ರರಾದ ಮಂಜು ಎಂಬಿಎ ಓದಿದ ಬಳಿಕ ತಮ್ಮ ಮನಸ್ಸಿನ ಇಚ್ಛೆಯಂತೆ ಕೋಳಿ ಫಾರಂ ಆರಂಭಿಸಿದರು. ಮೊದಲಿಗೆ 50 ಕೋಳಿಗಳನ್ನು ತಂದರು. ಈಗ ಇವರ ಬಳಿ 500ಕ್ಕೂ ಹೆಚ್ಚಿನ ನಾಟಿಕೋಳಿಗಳಿವೆ.

. ನಾಟಿಕೋಳಿಗಳ ಜೊತೆಗೆ ಗಿರಿರಾಜ, ಫ್ಯಾನ್ಸಿ ಕೋಳಿಗಳು, ಟರ್ಕಿ ಕೋಳಿಗಳು, ಗಿಣಿ ಕೋಳಿಗಳೂ ಇವರ ಬಳಿ ಇವೆ. ಇವುಗಳಿಂದ ನಿತ್ಯ ಇವರು 90ರಿಂದ 100 ನಾಟಿಕೋಳಿ ಮೊಟ್ಟೆಗಳನ್ನು ಉತ್ಪಾದಿಸಿ ಮಾರಾಟ ಮಾಡುತ್ತಿದ್ದಾರೆ.

. ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಮಂಜು, ‘ಮಾರುಕಟ್ಟೆಯಲ್ಲಿ ನಾಟಿಕೋಳಿಗಳು ಹಾಗೂ ನಾಟಿಕೋಳಿ ಮೊಟ್ಟೆಗಳಿಗೆ ಹೆಚ್ಚಿನ ಬೇಡಿಕೆ ಇದೆ. ಇಷ್ಟು ಉತ್ಪಾದನೆಯಾದರೂ ಬೇಡಿಕೆಯನ್ನು ಪೂರ್ಣಗೊಳಿಸಲು ಆಗುತ್ತಿಲ್ಲ. ಯುವಕರು ಈ ಕುಕ್ಕುಟ್ಟೋದ್ಯಮದತ್ತ ಬಂದರೆ ಒಳ್ಳೆಯ ಲಾಭ ಇದೆ’ ಎಂದು ಹೇಳಿದರು.

. ಕೋಳಿಗಳಿಗೆ ಇವರು ಭತ್ತ, ಫೀಡ್ಸ್ ಕೊಡುವುದರ ಜೊತೆಗೆ ಅವುಗಳನ್ನು ತಮ್ಮದೇ ವಿಶಾಲ ಫಾರಂನಲ್ಲಿ ಮುಕ್ತವಾಗಿ ಮೇಯಲು ಬಿಡುತ್ತಾರೆ. ಬೆಳಿಗ್ಗೆಯಿಂದ ಸಂಜೆಯವರೆಗೂ ಮುಕ್ತವಾಗಿ ಮೇಯುವ ಇವು ಹೆಸರಿಗೆ ತಕ್ಕಂತೆ ನಾಟಿಕೋಳಿಗಳೇ ಎನಿಸಿವೆ. ಇದರಿಂದ ಇವುಗಳಿಗೆ ಹೆಚ್ಚಿನ ಬೇಡಿಕೆ ಇದೆ.

. ಇವರ ಬಳಿ ವರ್ಷದ ಎಲ್ಲ ದಿನಗಳೂ ಕೋಳಿಗಳು ಲಭ್ಯವಿದೆ. ಗರಿಷ್ಠ 4–5 ಕೆ.ಜಿಯವರೆಗೆ ತೂಗುವ ಕೋಳಿಗಳೂ ಸಹ ಇವರ ಬಳಿ ಸಿಗುತ್ತವೆ. ಕೋಳಿಮರಿಗಳ ಜೊತೆಗೆ ನಿತ್ಯ ಮೊಟ್ಟೆಗಳೂ ಲಭ್ಯ.

. ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದಕೃಷಿ ಇಲಾಖೆ ಆತ್ಮ ಯೋಜನೆಯ ಉಪಯೋಜನಾ ನಿರ್ದೇಶಕಿ ಮೈತ್ರಿ, ‘ಮಂಜು ಅವರ ಫಾರಂನ್ನು ಗುರುವಾರವಷ್ಟೇ ನೋಡಿದೆವು. ನಿಜಕ್ಕೂ ಇವರು ಅಚ್ಚುಕಟ್ಟಾದ ಕುಕ್ಕುಟ್ಟೋದ್ಯಮ ನಡೆಸುತ್ತಿದ್ದಾರೆ. ಯುವ ತಲೆಮಾರಿಗೆ ಆದರ್ಶ ಎನಿಸಿದ್ದಾರೆ’ ಎಂದು ಹೇಳಿದರು.

. ಸಂಪರ್ಕಕ್ಕೆ ಮೊ: 9880359606

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಡಿಕೇರಿ: ಕುಕ್ಕುಟ್ಟೋದ್ಯಮಿಯಾಗಿ ಯಶಸ್ಸು ಕಂಡ ಎಂಬಿಎ ಪದವೀಧರ!

ಚಿನಕುರುಳಿ | ಭಾನುವಾರ, ನವೆಂಬರ್ 24 2024

ವಾರ ಭವಿಷ್ಯ: ಸಂಗಾತಿಯ ಕೆಲವೊಂದು ಮಾತು ನಿಮ್ಮನ್ನು ಚುಚ್ಚುವಂತಿರುತ್ತದೆ

ದಿನ ಭವಿಷ್ಯ: ಚಂಚಲ ಮನೋಭಾವವು ಅಭ್ಯುದಯಕ್ಕೆ ಅಡ್ಡಿಯಾಗಲಿದೆ

IPL: ಕುತೂಹಲ ಕೆರಳಿಸಿದ ಆರ್‌ಸಿಬಿ ತಂಡ ರಚನೆ

ಸುಲ್ತಾನೋವ್‌ ಕಲಬುರಗಿ ಓಪನ್‌ ‘ಸುಲ್ತಾನ್’

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!

ಟೇಬಲ್‌ ಟೆನಿಸ್‌ ಟೂರ್ನಿ: ಸಿದ್ಧಾಂತ್‌ಗೆ ಪ್ರಶಸ್ತಿ ಡಬಲ್‌

Perth Test: ಯಶಸ್ವಿ, ಕೊಹ್ಲಿ ಆಟಕ್ಕೆ ಕಾಂಗರೂ ಪಡೆ ಕಂಗಾಲು

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಚಿನಕುರುಳಿ | ಭಾನುವಾರ, ನವೆಂಬರ್ 24 2024

ವಾರ ಭವಿಷ್ಯ: ಸಂಗಾತಿಯ ಕೆಲವೊಂದು ಮಾತು ನಿಮ್ಮನ್ನು ಚುಚ್ಚುವಂತಿರುತ್ತದೆ

ದಿನ ಭವಿಷ್ಯ: ಚಂಚಲ ಮನೋಭಾವವು ಅಭ್ಯುದಯಕ್ಕೆ ಅಡ್ಡಿಯಾಗಲಿದೆ

IPL: ಕುತೂಹಲ ಕೆರಳಿಸಿದ ಆರ್‌ಸಿಬಿ ತಂಡ ರಚನೆ