<p><strong>ಮಡಿಕೇರಿ</strong>: ಕೊಡಗು ಜಿಲ್ಲೆಯ ಬ್ರಹ್ಮಗಿರಿ ಶ್ರೇಣಿಯಲ್ಲಿರುವ ತಲಕಾವೇರಿಯಲ್ಲಿ ದಟ್ಟವಾಗಿ ಆವರಿಸಿದ್ದ ಮಂಜಿನರಾಶಿಯ ನಡುವೆ ಗುರುವಾರ ಬೆಳಿಗ್ಗೆ 7.40ಕ್ಕೆ ನಡೆದ ಕಾವೇರಿ ಪವಿತ್ರ ತೀರ್ಥೋದ್ಭವ ಕ್ಷಣಕ್ಕೆ ಸಾವಿರಾರು ಭಕ್ತರು ಸಾಕ್ಷಿಯಾದರು.</p>.<p>ತೀರ್ಥೋದ್ಭವವಾಯಿತೆಂದು ಘೋಷಿಸಿದ ಅರ್ಚಕ ವೃಂದ ತೀರ್ಥವನ್ನು ಸಿಂಪಡಿಸುತ್ತಿದ್ದಂತೆ ಭಕ್ತರ ಜಯಘೋಷಗಳು ಮುಗಿಲು ಮುಟ್ಟಿದವು. ಲಕ್ಷಾಂತರ ಮಂದಿಯ ಜೀವನಾಡಿ ಎನಿಸಿರುವ ಕಾವೇರಿ ನದಿಯ ಈ ಅಪರೂಪದ ಗಳಿಗೆಗಾಗಿ ಬುಧವಾರ ರಾತ್ರಿಯಿಂದಲೇ ಥರಗುಟ್ಟುವ ಚಳಿಯ ಮಧ್ಯೆ ಕಾಯುತ್ತ ಕುಳಿತಿದ್ದ ಅಪಾರ ಭಕ್ತವೃಂದ ಪುಳಕಗೊಂಡಿತು. ಒಂದು ತಿಂಗಳ ಕಾಲ ನಡೆಯುವ ಕಾವೇರಿ ಸಂಕ್ರಮಣದ ಜಾತ್ರೆಗೂ ಈ ಮೂಲಕ ಚಾಲನೆ ದೊರಕಿತು.</p>.<p>ಇದಕ್ಕೂ ಮುನ್ನ, ಕೊಡಗಳು, ಕ್ಯಾನ್ಗಳನ್ನು ಹಿಡಿದು ತೀರ್ಥ ತುಂಬಿಸಿಕೊಳ್ಳಲು ಕಲ್ಯಾಣಿಗೆ ಧುಮುಕಿದ ಭಕ್ತವೃಂದ, ‘ಉಕ್ಕಿ ಬಾ ತಾಯಿ ಉಕ್ಕಿ ಬಾ’ ಎಂದು ಘೋಷಣೆ ಕೂಗಿದರು.</p>.<p>ರಾಜ್ಯದ ವಿವಿಧ ಭಾಗಗಳಿಂದ ಬಂದಿದ್ದ ಭಕ್ತರು, ಸಾಂಪ್ರದಾಯಿಕ ದಿರಿಸು ತೊಟ್ಟು, ಬುಧವಾರ ತಡರಾತ್ರಿಯಿಂದಲೇ ಜಿನುಗು ಮಳೆಯ ನಡುವೆ, ಭಾಗಮಂಡಲದಿಂದ ತಲಕಾವೇರಿಯವರೆಗೆ, ಕಾವೇರಿ ಮಾತೆಯ ಹಾಡುಗಳನ್ನು ಹಾಡುತ್ತಾ ಬರಿಗಾಲಿನಲ್ಲಿ ಪಾದಯಾತ್ರೆ ನಡೆಸಿದರು. ಕೊರೆಯುವ ಚಳಿಯ ನಡುವೆ ಬೆಟ್ಟ ಹತ್ತಿ ಖುಷಿಪಟ್ಟರು.</p>.<p>‘ಪೂರ್ವ ನಿಗದಿಯಂತೆ 7.40ರ ಬದಲಿಗೆ 7.41ಕ್ಕೆ ತೀರ್ಥೋದ್ಭವವಾಯಿತು’ ಎಂದು ಕೆಲವು ಭಕ್ತರು ಪ್ರತಿಪಾದಿಸಿದರು. ಈ ಕುರಿತು ಮಾತನಾಡಿದ ತಲಕಾವೇರಿ ದೇವಾಲಯದ ತಕ್ಕ ಮುಖ್ಯಸ್ಥ ಕೋಡಿ ಮೋಟಯ್ಯ, ‘ಶಾಸ್ತ್ರೋಕ್ತವಾಗಿ ಈ ಹಿಂದೆ ನಿಗದಿ ಮಾಡಿದ ಸಮಯಕ್ಕೆ ಸರಿಯಾಗಿಯೇ ತೀರ್ಥೋದ್ಭವವಾಗಿದೆ. ಎಲ್ಲವೂ ಒಳ್ಳೆಯದಾಗಲಿದೆ ಎಂಬ ನಿರೀಕ್ಷೆ ಇಟ್ಟುಕೊಂಡಿದ್ದೇವೆ’ ಎಂದು ಹೇಳಿದರು.</p>.<p>ಜಿಲ್ಲಾ ಉಸ್ತುವಾರಿ ಸಚಿವ ಎನ್.ಎಸ್.ಭೋಸರಾಜು, ಮುಖ್ಯಮಂತ್ರಿ ಕಾನೂನು ಸಲಹೆಗಾರ ಎ.ಎಸ್.ಪೊನ್ನಣ್ಣ, ಶಾಸಕರಾದ ಡಾ.ಮಂತರ್ ಗೌಡ, ಸುಜಾ ಕುಶಾಲಪ್ಪ ಭಾಗವಹಿಸಿದ್ದರು.</p>.<p>ಭಾಗಮಂಡಲದಿಂದ ತಲಕಾವೇರಿಯವರೆಗೆ ನಸುಕಿನಲ್ಲಿ ಉಂಟಾದ ಸಂಚಾರದಟ್ಟಣೆಯಿಂದ ಭಕ್ತರು ಪರದಾಡಿದರು. ಪೊಲೀಸರೂ ವಾಹನ ಇಳಿದು ಭಕ್ತರ ನಡುವೆ ಕಾಲ್ನಡಿಗೆಯಲ್ಲೇ ಬೆಟ್ಟ ಹತ್ತಿ ದೇಗುಲ ತಲುಪಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಡಿಕೇರಿ</strong>: ಕೊಡಗು ಜಿಲ್ಲೆಯ ಬ್ರಹ್ಮಗಿರಿ ಶ್ರೇಣಿಯಲ್ಲಿರುವ ತಲಕಾವೇರಿಯಲ್ಲಿ ದಟ್ಟವಾಗಿ ಆವರಿಸಿದ್ದ ಮಂಜಿನರಾಶಿಯ ನಡುವೆ ಗುರುವಾರ ಬೆಳಿಗ್ಗೆ 7.40ಕ್ಕೆ ನಡೆದ ಕಾವೇರಿ ಪವಿತ್ರ ತೀರ್ಥೋದ್ಭವ ಕ್ಷಣಕ್ಕೆ ಸಾವಿರಾರು ಭಕ್ತರು ಸಾಕ್ಷಿಯಾದರು.</p>.<p>ತೀರ್ಥೋದ್ಭವವಾಯಿತೆಂದು ಘೋಷಿಸಿದ ಅರ್ಚಕ ವೃಂದ ತೀರ್ಥವನ್ನು ಸಿಂಪಡಿಸುತ್ತಿದ್ದಂತೆ ಭಕ್ತರ ಜಯಘೋಷಗಳು ಮುಗಿಲು ಮುಟ್ಟಿದವು. ಲಕ್ಷಾಂತರ ಮಂದಿಯ ಜೀವನಾಡಿ ಎನಿಸಿರುವ ಕಾವೇರಿ ನದಿಯ ಈ ಅಪರೂಪದ ಗಳಿಗೆಗಾಗಿ ಬುಧವಾರ ರಾತ್ರಿಯಿಂದಲೇ ಥರಗುಟ್ಟುವ ಚಳಿಯ ಮಧ್ಯೆ ಕಾಯುತ್ತ ಕುಳಿತಿದ್ದ ಅಪಾರ ಭಕ್ತವೃಂದ ಪುಳಕಗೊಂಡಿತು. ಒಂದು ತಿಂಗಳ ಕಾಲ ನಡೆಯುವ ಕಾವೇರಿ ಸಂಕ್ರಮಣದ ಜಾತ್ರೆಗೂ ಈ ಮೂಲಕ ಚಾಲನೆ ದೊರಕಿತು.</p>.<p>ಇದಕ್ಕೂ ಮುನ್ನ, ಕೊಡಗಳು, ಕ್ಯಾನ್ಗಳನ್ನು ಹಿಡಿದು ತೀರ್ಥ ತುಂಬಿಸಿಕೊಳ್ಳಲು ಕಲ್ಯಾಣಿಗೆ ಧುಮುಕಿದ ಭಕ್ತವೃಂದ, ‘ಉಕ್ಕಿ ಬಾ ತಾಯಿ ಉಕ್ಕಿ ಬಾ’ ಎಂದು ಘೋಷಣೆ ಕೂಗಿದರು.</p>.<p>ರಾಜ್ಯದ ವಿವಿಧ ಭಾಗಗಳಿಂದ ಬಂದಿದ್ದ ಭಕ್ತರು, ಸಾಂಪ್ರದಾಯಿಕ ದಿರಿಸು ತೊಟ್ಟು, ಬುಧವಾರ ತಡರಾತ್ರಿಯಿಂದಲೇ ಜಿನುಗು ಮಳೆಯ ನಡುವೆ, ಭಾಗಮಂಡಲದಿಂದ ತಲಕಾವೇರಿಯವರೆಗೆ, ಕಾವೇರಿ ಮಾತೆಯ ಹಾಡುಗಳನ್ನು ಹಾಡುತ್ತಾ ಬರಿಗಾಲಿನಲ್ಲಿ ಪಾದಯಾತ್ರೆ ನಡೆಸಿದರು. ಕೊರೆಯುವ ಚಳಿಯ ನಡುವೆ ಬೆಟ್ಟ ಹತ್ತಿ ಖುಷಿಪಟ್ಟರು.</p>.<p>‘ಪೂರ್ವ ನಿಗದಿಯಂತೆ 7.40ರ ಬದಲಿಗೆ 7.41ಕ್ಕೆ ತೀರ್ಥೋದ್ಭವವಾಯಿತು’ ಎಂದು ಕೆಲವು ಭಕ್ತರು ಪ್ರತಿಪಾದಿಸಿದರು. ಈ ಕುರಿತು ಮಾತನಾಡಿದ ತಲಕಾವೇರಿ ದೇವಾಲಯದ ತಕ್ಕ ಮುಖ್ಯಸ್ಥ ಕೋಡಿ ಮೋಟಯ್ಯ, ‘ಶಾಸ್ತ್ರೋಕ್ತವಾಗಿ ಈ ಹಿಂದೆ ನಿಗದಿ ಮಾಡಿದ ಸಮಯಕ್ಕೆ ಸರಿಯಾಗಿಯೇ ತೀರ್ಥೋದ್ಭವವಾಗಿದೆ. ಎಲ್ಲವೂ ಒಳ್ಳೆಯದಾಗಲಿದೆ ಎಂಬ ನಿರೀಕ್ಷೆ ಇಟ್ಟುಕೊಂಡಿದ್ದೇವೆ’ ಎಂದು ಹೇಳಿದರು.</p>.<p>ಜಿಲ್ಲಾ ಉಸ್ತುವಾರಿ ಸಚಿವ ಎನ್.ಎಸ್.ಭೋಸರಾಜು, ಮುಖ್ಯಮಂತ್ರಿ ಕಾನೂನು ಸಲಹೆಗಾರ ಎ.ಎಸ್.ಪೊನ್ನಣ್ಣ, ಶಾಸಕರಾದ ಡಾ.ಮಂತರ್ ಗೌಡ, ಸುಜಾ ಕುಶಾಲಪ್ಪ ಭಾಗವಹಿಸಿದ್ದರು.</p>.<p>ಭಾಗಮಂಡಲದಿಂದ ತಲಕಾವೇರಿಯವರೆಗೆ ನಸುಕಿನಲ್ಲಿ ಉಂಟಾದ ಸಂಚಾರದಟ್ಟಣೆಯಿಂದ ಭಕ್ತರು ಪರದಾಡಿದರು. ಪೊಲೀಸರೂ ವಾಹನ ಇಳಿದು ಭಕ್ತರ ನಡುವೆ ಕಾಲ್ನಡಿಗೆಯಲ್ಲೇ ಬೆಟ್ಟ ಹತ್ತಿ ದೇಗುಲ ತಲುಪಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>