‘ಹೊಸದಾಗಿ ಕೊಳವೆಬಾವಿ ಕೊರೆಸಲಾಗಿದೆ’
ಕುಡಿಯುವ ನೀರಿನ ಸಮಸ್ಯೆ ಕುರಿತು ‘ಪ್ರಜಾವಾಣಿ’ಗೆ ಸುಂಟಿಕೊಪ್ಪ ಗ್ರಾಮ ಪಂಚಾಯಿತಿಯ ಅಭಿವೃದ್ಧಿ ಅಧಿಕಾರಿ ವಿ.ಜಿ.ಲೋಕೇಶ್ ಅವರನ್ನು ಸಂಪರ್ಕಿಸಿದಾಗ ಅವರು ಕೊಳವೆಬಾವಿಗಳು ಬತ್ತುತ್ತಿರುವ ಕುರಿತು ಆತಂಕ ವ್ಯಕ್ತಪಡಿಸಿದರು. ‘ಪಂಪ್ಹೌಸ್ ಬಡಾವಣೆಯ ಕೊಳವೆಬಾವಿ ಈಗಾಗಲೇ ಬತ್ತಿ ಹೋಗಿ ನೀರಿಗೆ ಸಮಸ್ಯೆ ಉಂಟಾಗಿತ್ತು. ಅಲ್ಲಿ ಹೊಸದೊಂದು ಕೊಳವೆಬಾವಿ ಕೊರೆಸಿ ಅಲ್ಲಿ ನೀರಿನ ಸಮಸ್ಯೆ ಸದ್ಯ ಪರಿಹಾರ ಕಂಡಿದೆ. ಇನ್ನುಳಿದ ಕೊಳವೆಬಾವಿಗಳಲ್ಲಿಯೂ ನೀರು ಕಡಿಮೆಯಾಗುತ್ತಿದೆ’ ಎಂದು ಹೇಳಿದರು.