<p><strong>ಕುಟಕನಹಳ್ಳಿ (ಕೊಪ್ಪಳ): </strong>ತಾಲ್ಲೂಕಿನ ಹಾಲವರ್ತಿ ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಕುಟಕನಹಳ್ಳಿ ಗ್ರಾಮದಲ್ಲಿ ಬುಧವಾರ ಸಂಜೆ ಮೃಗಶಿರ ಮಳೆ ಕೂಡುವ ಸಮಯದಲ್ಲಿ ಉಚಿತವಾಗಿ ನೀಡಲಾದ ಅಸ್ತಮಾ ನಿವಾರಣೆ ಮಾತ್ರೆ ಪಡೆಯಲು ಜನಸಾಗರವೇ ಹರಿದು ಬಂತು.</p>.<p>ಅಶೋಕರಾವ್ ವ್ಯಾಸರಾವ ಕುಲಕರ್ಣಿ ಎಂಬುವರು ತಮ್ಮ ತಂದೆ ಕಾಲದಿಂದಲೂ ಮಾತ್ರೆ ನೀಡುತ್ತಿದ್ದಾರೆ. ಕೋವಿಡ್ ಕಾರಣದಿಂದಾಗಿ ಹಿಂದಿನ ಎರಡು ವರ್ಷ ಮಾತ್ರೆ ನೀಡಿರಲಿಲ್ಲ. ಹೀಗಾಗಿ ಈ ವರ್ಷ 15 ಸಾವಿರಕ್ಕಿಂತಲೂ ಹೆಚ್ಚು ಜನ ಬಂದು ಮಾತ್ರೆ ಸೇವಿಸಿದರು.</p>.<p>ಬೆಳಿಗ್ಗೆ 11 ಗಂಟೆಯಿಂದಲೇ ಮಾತ್ರೆ ನೀಡಲಾಯಿತು. ಸಂಜೆ 6.18ಕ್ಕೆ ಮೃಗಶಿರ ಮಳೆ ಕೂಡುವ ಸಮಯದಲ್ಲಿ ಮಾತ್ರೆ ಸೇವಿಸುವಂತೆ ಗಂಟೆ ಬಾರಿಸುವ ಮೂಲಕ ಹೇಳಲಾಯಿತು. ಪ್ರತಿವರ್ಷವೂ ಇಲ್ಲಿ ಮಾತ್ರೆ ಪಡೆಯಲು ಸಾವಿರಾರು ಜನ ಬರುತ್ತಾರೆ.</p>.<p>ರಾಜ್ಯದ ವಿವಿಧ ಜಿಲ್ಲೆಗಳಿಂದ, ಮಹಾರಾಷ್ಟ್ರ, ತಮಿಳುನಾಡು, ಆಂಧ್ರ, ಗೋವಾ, ದೆಹಲಿ ಮತ್ತು ಕೇರಳ ರಾಜ್ಯಗಳಿಂದಲೂ ಜನ ಬೆಳಿಗ್ಗೆಯಿಂದಲೇ ಬಂದು ಕಾದು ಕುಳಿತಿದ್ದರು. ಇವರಿಗೆಲ್ಲಾ ರಾಯಚೂರು ಶಿವಯ್ಯ ಶೆಟ್ಟಿ ಕುಟುಂಬದವರು ಉಚಿತ ಊಟದ ವ್ಯವಸ್ಥೆ ಮಾಡಿದ್ದರು.</p>.<p>ಅಶೋಕರಾವ್ ಕುಲಕರ್ಣಿ ‘ಪ್ರಜಾವಾಣಿ‘ ಜೊತೆ ಮಾತನಾಡಿ ’ನನ್ನ ತಂದೆ ಕಾಲದಿಂದಲೂ ಮಾತ್ರೆ ನೀಡಲಾಗುತ್ತಿದೆ. ಮೃಗಶಿರ ಮಳೆ ಕೂಡುವ ಸಮಯದಲ್ಲಿಯೇ ಮಾತ್ರೆ ಸೇವಿಸಬೇಕು. ಆರು ತಿಂಗಳ ತನಕ ಒಂದಷ್ಟು ಪಥ್ಯ ಮಾಡಬೇಕು. ಆಗ ಅಸ್ತಮಾ ಪೂರ್ಣವಾಗಿ ಗುಣಮುಖವಾಗುತ್ತದೆ. ಕೋವಿಡ್ ಪೂರ್ವದ ವರ್ಷಗಳಿಗೆ ನೋಡಿದರೆ ಈ ಬಾರಿ ಜನ ಕಡಿಮೆಯೇ. ಮೊದಲು ಕನಿಷ್ಠ 30ರಿಂದ 35 ಸಾವಿರ ಜನ ಸೇರುತ್ತಿದ್ದರು. ಈ ವರ್ಷವೂ ಅಷ್ಟೇ ಸಂಖ್ಯೆಯ ಜನ ಬರಬಹುದು ಎನ್ನುವ ನಿರೀಕ್ಷೆ ಇಟ್ಟುಕೊಂಡಿದ್ದೆ‘ ಎಂದರು.</p>.<p>ಕೊಪ್ಪಳದಲ್ಲಿ ವಿತರಣೆ: ಮೃಗಶಿರಾ ಮಳೆ ಪ್ರಾರಂಭದಿಂದ ವಾತಾವರಣದಲ್ಲಾಗುವ ಬದಲಾವಣೆ ಸಂದರ್ಭದಲ್ಲಿ ಆರೋಗ್ಯದಲ್ಲಿ ಉಂಟಾಗುವ ಏರು-ಪೇರು ಸಮತೋಲನ ಕಾಪಾಸಿಕೊಳ್ಳಲು ಇಂಗು ಮತ್ತು ಹಳೆ ಬೆಲ್ಲ ಸೇರಿಸಿ ತಯಾರಿಸಿದ ಗುಳಿಗೆಯನ್ನು ಆಯುರ್ವೇದ ಅಂಗಡಿ ಮಾಲೀಕ ಸೋಮಶೇಖರ ಯಮನಪ್ಪ ಹೂದ್ಲೂರ ನೀಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕುಟಕನಹಳ್ಳಿ (ಕೊಪ್ಪಳ): </strong>ತಾಲ್ಲೂಕಿನ ಹಾಲವರ್ತಿ ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಕುಟಕನಹಳ್ಳಿ ಗ್ರಾಮದಲ್ಲಿ ಬುಧವಾರ ಸಂಜೆ ಮೃಗಶಿರ ಮಳೆ ಕೂಡುವ ಸಮಯದಲ್ಲಿ ಉಚಿತವಾಗಿ ನೀಡಲಾದ ಅಸ್ತಮಾ ನಿವಾರಣೆ ಮಾತ್ರೆ ಪಡೆಯಲು ಜನಸಾಗರವೇ ಹರಿದು ಬಂತು.</p>.<p>ಅಶೋಕರಾವ್ ವ್ಯಾಸರಾವ ಕುಲಕರ್ಣಿ ಎಂಬುವರು ತಮ್ಮ ತಂದೆ ಕಾಲದಿಂದಲೂ ಮಾತ್ರೆ ನೀಡುತ್ತಿದ್ದಾರೆ. ಕೋವಿಡ್ ಕಾರಣದಿಂದಾಗಿ ಹಿಂದಿನ ಎರಡು ವರ್ಷ ಮಾತ್ರೆ ನೀಡಿರಲಿಲ್ಲ. ಹೀಗಾಗಿ ಈ ವರ್ಷ 15 ಸಾವಿರಕ್ಕಿಂತಲೂ ಹೆಚ್ಚು ಜನ ಬಂದು ಮಾತ್ರೆ ಸೇವಿಸಿದರು.</p>.<p>ಬೆಳಿಗ್ಗೆ 11 ಗಂಟೆಯಿಂದಲೇ ಮಾತ್ರೆ ನೀಡಲಾಯಿತು. ಸಂಜೆ 6.18ಕ್ಕೆ ಮೃಗಶಿರ ಮಳೆ ಕೂಡುವ ಸಮಯದಲ್ಲಿ ಮಾತ್ರೆ ಸೇವಿಸುವಂತೆ ಗಂಟೆ ಬಾರಿಸುವ ಮೂಲಕ ಹೇಳಲಾಯಿತು. ಪ್ರತಿವರ್ಷವೂ ಇಲ್ಲಿ ಮಾತ್ರೆ ಪಡೆಯಲು ಸಾವಿರಾರು ಜನ ಬರುತ್ತಾರೆ.</p>.<p>ರಾಜ್ಯದ ವಿವಿಧ ಜಿಲ್ಲೆಗಳಿಂದ, ಮಹಾರಾಷ್ಟ್ರ, ತಮಿಳುನಾಡು, ಆಂಧ್ರ, ಗೋವಾ, ದೆಹಲಿ ಮತ್ತು ಕೇರಳ ರಾಜ್ಯಗಳಿಂದಲೂ ಜನ ಬೆಳಿಗ್ಗೆಯಿಂದಲೇ ಬಂದು ಕಾದು ಕುಳಿತಿದ್ದರು. ಇವರಿಗೆಲ್ಲಾ ರಾಯಚೂರು ಶಿವಯ್ಯ ಶೆಟ್ಟಿ ಕುಟುಂಬದವರು ಉಚಿತ ಊಟದ ವ್ಯವಸ್ಥೆ ಮಾಡಿದ್ದರು.</p>.<p>ಅಶೋಕರಾವ್ ಕುಲಕರ್ಣಿ ‘ಪ್ರಜಾವಾಣಿ‘ ಜೊತೆ ಮಾತನಾಡಿ ’ನನ್ನ ತಂದೆ ಕಾಲದಿಂದಲೂ ಮಾತ್ರೆ ನೀಡಲಾಗುತ್ತಿದೆ. ಮೃಗಶಿರ ಮಳೆ ಕೂಡುವ ಸಮಯದಲ್ಲಿಯೇ ಮಾತ್ರೆ ಸೇವಿಸಬೇಕು. ಆರು ತಿಂಗಳ ತನಕ ಒಂದಷ್ಟು ಪಥ್ಯ ಮಾಡಬೇಕು. ಆಗ ಅಸ್ತಮಾ ಪೂರ್ಣವಾಗಿ ಗುಣಮುಖವಾಗುತ್ತದೆ. ಕೋವಿಡ್ ಪೂರ್ವದ ವರ್ಷಗಳಿಗೆ ನೋಡಿದರೆ ಈ ಬಾರಿ ಜನ ಕಡಿಮೆಯೇ. ಮೊದಲು ಕನಿಷ್ಠ 30ರಿಂದ 35 ಸಾವಿರ ಜನ ಸೇರುತ್ತಿದ್ದರು. ಈ ವರ್ಷವೂ ಅಷ್ಟೇ ಸಂಖ್ಯೆಯ ಜನ ಬರಬಹುದು ಎನ್ನುವ ನಿರೀಕ್ಷೆ ಇಟ್ಟುಕೊಂಡಿದ್ದೆ‘ ಎಂದರು.</p>.<p>ಕೊಪ್ಪಳದಲ್ಲಿ ವಿತರಣೆ: ಮೃಗಶಿರಾ ಮಳೆ ಪ್ರಾರಂಭದಿಂದ ವಾತಾವರಣದಲ್ಲಾಗುವ ಬದಲಾವಣೆ ಸಂದರ್ಭದಲ್ಲಿ ಆರೋಗ್ಯದಲ್ಲಿ ಉಂಟಾಗುವ ಏರು-ಪೇರು ಸಮತೋಲನ ಕಾಪಾಸಿಕೊಳ್ಳಲು ಇಂಗು ಮತ್ತು ಹಳೆ ಬೆಲ್ಲ ಸೇರಿಸಿ ತಯಾರಿಸಿದ ಗುಳಿಗೆಯನ್ನು ಆಯುರ್ವೇದ ಅಂಗಡಿ ಮಾಲೀಕ ಸೋಮಶೇಖರ ಯಮನಪ್ಪ ಹೂದ್ಲೂರ ನೀಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
