ಅಂಗಾಂಗಗಳಿಗೆ ಕಾಯುತ್ತಿವೆ 8,552 ಜೀವಗಳು!

ದೀರ್ಘಕಾಲದ ಮೂತ್ರಪಿಂಡ ಕಾಯಿಲೆಯು ಪ್ರತಿ 10 ಲಕ್ಷ ಮಂದಿ ಪೈಕಿ 800 ಮಂದಿಯಲ್ಲಿ ಕಂಡುಬಂದಿದ್ದು, ರಾಜ್ಯದಲ್ಲಿ ಪ್ರಸ್ತುತ 5,945 ಮಂದಿ ಈ ಗಂಭೀರ ಸಮಸ್ಯೆಯಿಂದ ಬಳಲುತ್ತಿದ್ದಾರೆ.

ಕರ್ನಾಟಕದಲ್ಲಿ 22,210 ಅಂಗಾಂಗ ದಾನ ಪ್ರತಿಜ್ಞೆಗಳಾಗಿದ್ದು, ದೇಶದಲ್ಲೇ ರಾಜ್ಯ ಮೂರನೇ ಸ್ಥಾನದಲ್ಲಿದೆ. 4,565 ದಾನಿಗಳ ನೋಂದಣಿಯಿಂದ ಬಳ್ಳಾರಿ ಜಿಲ್ಲೆಯು ರಾಜ್ಯದಲ್ಲೇ ಮೊದಲ ಸ್ಥಾನದಲ್ಲಿದೆ. ಧಾರವಾಡ (2542), ಕೋಲಾರ (1716), ಬೆಂಗಳೂರು ಗ್ರಾಮಾಂತರ (1503), ದಕ್ಷಿಣ ಕನ್ನಡ (1120) ಕ್ರಮವಾಗಿ 2ರಿಂದ 5ನೇ ಸ್ಥಾನದಲ್ಲಿವೆ. ಮಂಡ್ಯ ಜಿಲ್ಲೆಯಲ್ಲಿ 643 ಮಂದಿ ನೋಂದಾಯಿಸಿದ್ದಾರೆ. 

ರಾಜ್ಯದಲ್ಲಿ 2022ರಲ್ಲಿ 151 ಅಂಗಾಂಗ ದಾನ ಮತ್ತು 2023ರಲ್ಲಿ 178 2024ರಲ್ಲಿ ಜುಲೈ ಅಂತ್ಯದವರೆಗೆ 88 ಅಂಗಾಂಗ ದಾನ ಪ್ರಕ್ರಿಯೆ ನಡೆದಿದ್ದು ದೇಶದಲ್ಲೇ ಕರ್ನಾಟಕ ರಾಜ್ಯ 2ನೇ ಸ್ಥಾನದಲ್ಲಿದೆ. 2023ನೇ ಸಾಲಿನ ರಾಷ್ಟ್ರೀಯ ಅಂಗ ಮತ್ತು ಅಂಗಾಂಶ ಕಸಿ ಸಂಸ್ಥೆ (NOTTO) ವತಿಯಿಂದ ‘ಎರಡನೇ ಅತ್ಯುತ್ತಮ ರಾಜ್ಯ’ ಪ್ರಶಸ್ತಿ ಪಡೆದಿದೆ.