<p><strong>ಚನ್ನಪಟ್ಟಣ</strong>: ಪುಟ್ಟಣ್ಣ ಕಣಗಾಲ್ ನಿರ್ದೇಶನದ ನಾಗರಹಾವು ಚಿತ್ರ ಕನ್ನಡ ಚಿತ್ರರಂಗದ ಇತಿಹಾಸ ಮತ್ತು ಜನಮಾನಸದಲ್ಲಿ ಅಜರಾಮರವಾಗಿ ಉಳಿದಿದೆ ಎಂದು ಪುಟ್ಟಣ್ಣ ಪುತ್ರಿ ತ್ರಿವೇಣಿ ಕಣಗಾಲ್ ಅಭಿಪ್ರಾಯಪಟ್ಟರು.</p>.<p>‘ನಾಗರಹಾವು’ ಚಿತ್ರ ತೆರೆ ಕಂಡು 50 ವರ್ಷ ಪೂರೈಸಿದ ಸ್ಮರಣಾರ್ಥ ನಗರದ ಶತಮಾನೋತ್ಸವ ಭವನದಲ್ಲಿ ಭಾನುವಾರ ಆಯೋಜಿಸಿದ್ದ ಸುವರ್ಣ ಮಹೋತ್ಸವ ಸಂಗೀತ ಸಂಭ್ರಮ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.</p>.<p>ಬೆಂಗಳೂರಿನ ಸುಸ್ವರ ಸಂಗೀತ ತಂಡ ಹಾಗೂ ನಗರದ ಡಾ.ನಾಗರಾಜ್ ಸಾಹಿತ್ಯ ವೇದಿಕೆ ಈ ಕಾರ್ಯಕ್ರಮ ಆಯೋಜಿಸಿದ್ದವು </p>.<p><br>ಪುಟ್ಟಣ್ಣ ಕಣಗಾಲ್ ಅವರು ಕಲಾವಿದರಲ್ಲಿ ಅಡಗಿರುವ ಪ್ರತಿಭೆಯನ್ನು ಹುಡುಕಿ ಹೊರತೆಗೆಯುವ ಜೊತೆಗೆ ಕಲಾವಿದರಲ್ಲಿ ಶಿಸ್ತು, ಸಂಯಮ ಕಲಿಸುತ್ತಿದ್ದರು. ನಾಗರಹಾವು ಚಿತ್ರ ನಿರ್ಮಾಣವಾಗಿ 50 ವರ್ಷ ಕಳೆದರೂ ಜನತೆ ಅದೇ ಉತ್ಸಾಹ, ಅಭಿಮಾನದಿಂದ ಚಿತ್ರ ವೀಕ್ಷಣೆ ಮಾಡುತ್ತಾರೆ ಎಂದರು.</p>.<p> <br>‘ಈ ಚಿತ್ರ ಮತ್ತು ಚಿತ್ರದಲ್ಲಿ ನಟಿಸಿದ ನಟರು ಅಜರಾಮರವಾಗಿರುತ್ತಾರೆ ಎಂಬ ಪುಟ್ಟಣ್ಣ ಅವರ ಭರವಸೆ ಸತ್ಯವಾಗಿದೆ. ನಾಗರಹಾವು ಹೆಸರಿನ ಎಷ್ಟೇ ಚಿತ್ರ ಬಂದರೂ ಮೂಲ ಚಿತ್ರಕ್ಕೆ ಸಮನಾಗುವುದಿಲ್ಲ. ರಾಮಾಚಾರಿ ಹೆಸರು ಕೇಳಿದೊಡನೆ ಇಂದಿಗೂ ವಿಷ್ಣುವರ್ಧನ್ ನೆನಪಾಗುತ್ತಾರೆ’ ಎಂದು ಕಾರ್ಯಕ್ರಮದ ರೂವಾರಿ ಗೋಪಾಲಕೃಷ್ಣ ಬಣ್ಣಿಸಿದರು.</p>.<p><br>ನಾಗರಾಜ್ ಸಾಹಿತ್ಯ ವೇದಿಕೆಯ ಸಂಸ್ಥಾಪಕಿ ಡಾ. ರಾಜಶ್ರೀ ಮಾತನಾಡಿ, ಆಧುನಿಕತೆ ಬೆಳೆದಂತೆ ಪಾರಂಪರಿಕ ಕಲೆ, ಸಾಹಿತ್ಯ, ಸಾಂಸ್ಕೃತಿಕ ಕಲೆಯ ಬಗ್ಗೆ ಹಾಗೂ ಹಳೆ ಚಲನಚಿತ್ರಗಳ ಬಗ್ಗೆ ಆಸಕ್ತಿ ಕಡಿಮೆಯಾಗುತ್ತಿದೆ ಎಂದು ವಿಷಾದಿಸಿದರು.</p>.<p>ಪುಟ್ಟಣ್ಣ ಕಣಗಾಲ್ ಅವರ ಪತ್ನಿ ನಾಗಲಕ್ಷ್ಮಿ ಕಣಗಾಲ್, ಎಲ್ಐಸಿ ಅಭಿವೃದ್ಧಿ ಅಧಿಕಾರಿ ರವಿಶಂಕರ್, ಕಲಾದೇಗುಲ ಶ್ರೀನಿವಾಸ್, ಭಾಗವಹಿಸಿದ್ದರು.</p>.<p><br>ನೃತ್ಯ ಕಲಾವಿದೆ ನಿಮಿಷ ಶ್ರೀಹರಿ ನೃತ್ಯ ಪ್ರದರ್ಶನ ನೀಡಿದರು. ಸುಸ್ವರ ಸಂಗೀತ ಶಾಲೆಯ ಗಾಯಕರಾದ ಜಯಸಿಂಹ, ಉದಯ್ ಅಂಕೋಲ, ಸ್ವಪ್ನ ಮಂಜು, ಗೌರಿ ದೇವ್, ಆಶಾಲತಾ ಅವರು ಡಾ. ವಿಷ್ಣುವರ್ಧನ್ ನಟಿಸಿರುವ ಚಿತ್ರದ ಗೀತೆಗಳನ್ನು ಹಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚನ್ನಪಟ್ಟಣ</strong>: ಪುಟ್ಟಣ್ಣ ಕಣಗಾಲ್ ನಿರ್ದೇಶನದ ನಾಗರಹಾವು ಚಿತ್ರ ಕನ್ನಡ ಚಿತ್ರರಂಗದ ಇತಿಹಾಸ ಮತ್ತು ಜನಮಾನಸದಲ್ಲಿ ಅಜರಾಮರವಾಗಿ ಉಳಿದಿದೆ ಎಂದು ಪುಟ್ಟಣ್ಣ ಪುತ್ರಿ ತ್ರಿವೇಣಿ ಕಣಗಾಲ್ ಅಭಿಪ್ರಾಯಪಟ್ಟರು.</p>.<p>‘ನಾಗರಹಾವು’ ಚಿತ್ರ ತೆರೆ ಕಂಡು 50 ವರ್ಷ ಪೂರೈಸಿದ ಸ್ಮರಣಾರ್ಥ ನಗರದ ಶತಮಾನೋತ್ಸವ ಭವನದಲ್ಲಿ ಭಾನುವಾರ ಆಯೋಜಿಸಿದ್ದ ಸುವರ್ಣ ಮಹೋತ್ಸವ ಸಂಗೀತ ಸಂಭ್ರಮ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.</p>.<p>ಬೆಂಗಳೂರಿನ ಸುಸ್ವರ ಸಂಗೀತ ತಂಡ ಹಾಗೂ ನಗರದ ಡಾ.ನಾಗರಾಜ್ ಸಾಹಿತ್ಯ ವೇದಿಕೆ ಈ ಕಾರ್ಯಕ್ರಮ ಆಯೋಜಿಸಿದ್ದವು </p>.<p><br>ಪುಟ್ಟಣ್ಣ ಕಣಗಾಲ್ ಅವರು ಕಲಾವಿದರಲ್ಲಿ ಅಡಗಿರುವ ಪ್ರತಿಭೆಯನ್ನು ಹುಡುಕಿ ಹೊರತೆಗೆಯುವ ಜೊತೆಗೆ ಕಲಾವಿದರಲ್ಲಿ ಶಿಸ್ತು, ಸಂಯಮ ಕಲಿಸುತ್ತಿದ್ದರು. ನಾಗರಹಾವು ಚಿತ್ರ ನಿರ್ಮಾಣವಾಗಿ 50 ವರ್ಷ ಕಳೆದರೂ ಜನತೆ ಅದೇ ಉತ್ಸಾಹ, ಅಭಿಮಾನದಿಂದ ಚಿತ್ರ ವೀಕ್ಷಣೆ ಮಾಡುತ್ತಾರೆ ಎಂದರು.</p>.<p> <br>‘ಈ ಚಿತ್ರ ಮತ್ತು ಚಿತ್ರದಲ್ಲಿ ನಟಿಸಿದ ನಟರು ಅಜರಾಮರವಾಗಿರುತ್ತಾರೆ ಎಂಬ ಪುಟ್ಟಣ್ಣ ಅವರ ಭರವಸೆ ಸತ್ಯವಾಗಿದೆ. ನಾಗರಹಾವು ಹೆಸರಿನ ಎಷ್ಟೇ ಚಿತ್ರ ಬಂದರೂ ಮೂಲ ಚಿತ್ರಕ್ಕೆ ಸಮನಾಗುವುದಿಲ್ಲ. ರಾಮಾಚಾರಿ ಹೆಸರು ಕೇಳಿದೊಡನೆ ಇಂದಿಗೂ ವಿಷ್ಣುವರ್ಧನ್ ನೆನಪಾಗುತ್ತಾರೆ’ ಎಂದು ಕಾರ್ಯಕ್ರಮದ ರೂವಾರಿ ಗೋಪಾಲಕೃಷ್ಣ ಬಣ್ಣಿಸಿದರು.</p>.<p><br>ನಾಗರಾಜ್ ಸಾಹಿತ್ಯ ವೇದಿಕೆಯ ಸಂಸ್ಥಾಪಕಿ ಡಾ. ರಾಜಶ್ರೀ ಮಾತನಾಡಿ, ಆಧುನಿಕತೆ ಬೆಳೆದಂತೆ ಪಾರಂಪರಿಕ ಕಲೆ, ಸಾಹಿತ್ಯ, ಸಾಂಸ್ಕೃತಿಕ ಕಲೆಯ ಬಗ್ಗೆ ಹಾಗೂ ಹಳೆ ಚಲನಚಿತ್ರಗಳ ಬಗ್ಗೆ ಆಸಕ್ತಿ ಕಡಿಮೆಯಾಗುತ್ತಿದೆ ಎಂದು ವಿಷಾದಿಸಿದರು.</p>.<p>ಪುಟ್ಟಣ್ಣ ಕಣಗಾಲ್ ಅವರ ಪತ್ನಿ ನಾಗಲಕ್ಷ್ಮಿ ಕಣಗಾಲ್, ಎಲ್ಐಸಿ ಅಭಿವೃದ್ಧಿ ಅಧಿಕಾರಿ ರವಿಶಂಕರ್, ಕಲಾದೇಗುಲ ಶ್ರೀನಿವಾಸ್, ಭಾಗವಹಿಸಿದ್ದರು.</p>.<p><br>ನೃತ್ಯ ಕಲಾವಿದೆ ನಿಮಿಷ ಶ್ರೀಹರಿ ನೃತ್ಯ ಪ್ರದರ್ಶನ ನೀಡಿದರು. ಸುಸ್ವರ ಸಂಗೀತ ಶಾಲೆಯ ಗಾಯಕರಾದ ಜಯಸಿಂಹ, ಉದಯ್ ಅಂಕೋಲ, ಸ್ವಪ್ನ ಮಂಜು, ಗೌರಿ ದೇವ್, ಆಶಾಲತಾ ಅವರು ಡಾ. ವಿಷ್ಣುವರ್ಧನ್ ನಟಿಸಿರುವ ಚಿತ್ರದ ಗೀತೆಗಳನ್ನು ಹಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
