Puneeth Rajkumar: ಇದು ‘ಅಪ್ಪು’ ಮಲಗುತ್ತಿದ್ದ ತೊಟ್ಟಿಲು!

ಶ್ರೀರಂಗಪಟ್ಟಣ: ‘ಆಗ ಅಪ್ಪು ಏಳೆಂಟು ತಿಂಗಳ ಮಗು. ಪಾರ್ವತಮ್ಮ ರಾಜಕುಮಾರ್ ಅವರು ನಮ್ಮ ತೊಟ್ಟಿ ಮನೆಯ ನಡುವೆ ಈ ತೊಟ್ಟಿಲಿನಲ್ಲಿ ತಮ್ಮ ಹಸು ಕಂದನನ್ನು ಮಲಗಿಸಿ ತೂಗುತ್ತಿದ್ದರು...’ ಎಂದು ತಾಲ್ಲೂಕಿನ ಚಂದಗಾಲು ಗ್ರಾಮದ 82 ವರ್ಷದ ಸುಬ್ಬಯ್ಯ 48 ವರ್ಷಗಳ ಹಿಂದೆ ತಾವು ಕಂಡ ಸನ್ನಿವೇಶವನ್ನು ಮೆಲಕು ಹಾಕಿದರು.

. ವರನಟ ರಾಜಕುಮಾರ್ ಅವರ ನಟನೆಯ ‘ಬಹದ್ದೂರ್ ಗಂಡು’ ಚಿತ್ರವನ್ನು ಚಂದಗಾಲು ಮತ್ತು ಆಸುಪಾಸಿನಲ್ಲಿ ಒಂದೂವರೆ ತಿಂಗಳು ಚಿತ್ರೀಕರಣ ಮಾಡಲಾಗಿತ್ತು. ಆ ಸಂದರ್ಭದಲ್ಲಿ ಪಾರ್ವತಮ್ಮ ರಾಜಕುಮಾರ್ ಹಸುಗೂಸು ಪುನೀತ್ ರಾಜಕುಮಾರ್ (ಅಪ್ಪು) ಜತೆ ಮೂರು ದಿನಗಳ ಕಾಲ ಈ ಊರಿನಲ್ಲೇ ಉಳಿದಿದ್ದರು.

. ಗ್ರಾಮದ ಮೂಡಲಪ್ಪನವರ ಯಾಲಕ್ಕಯ್ಯನ ಸುಬ್ಬಯ್ಯ ಅವರ ತೊಟ್ಟಿ ಮನೆಯಲ್ಲಿ ಅವರು ತಂಗಿದ್ದರು. ಅವರು ಇಲ್ಲಿದ್ದ ಮೂರು ದಿನಗಳೂ ಹಸುಗೂಸು ಅಪ್ಪುವನ್ನು ಮೂಡಲಪ್ಪ ಅವರ ಮನೆಯ ತೊಟ್ಟಿಲಿನಲ್ಲೇ ಮಲಗಿಸುತ್ತಿದ್ದರು.

. ಈ ತೊಟ್ಟಿಲಿನಲ್ಲಿ ರಾಜಕುಮಾರ್ ಅವರ ಮಗ ಮಲಗಿದ್ದ ಎಂಬ ಕಾರಣಕ್ಕೆ ಇದನ್ನು ಮೂಡಲಪ್ಪನವರ ಮೊಮ್ಮಗ ವೆಂಕಟೇಶ್ ಅದನ್ನು ಜತನದಿಂದ ಕಾಪಾಡಿಕೊಂಡು ಬಂದಿದ್ದಾರೆ. ಕರಿ ಮರದಿಂದ ಮಾಡಿರುವ ಈ ತೊಟ್ಟಿಲಿಗೆ ನಾಲ್ಕೂ ಕಡೆ ಚಿಲಕಗಳಿವೆ. ಮಗು ಮೂತ್ರ ವಿಸರ್ಜಿಸಿದರೆ, ಕೆಳಗೆ ಸರಾಗವಾಗಿ ಹರಿಯುವಂತೆ ರಂಧ್ರಗಳನ್ನು ಮಾಡಲಾಗಿದೆ.

. ‘ತೊಟ್ಟಿಲಿನ ಒಳಗೆ ಬಟ್ಟೆ ಹಾಸಿ ಅದರ ಮೇಲೆ ಅಪ್ಪುವನ್ನು ಮಲಗಿಸುತ್ತಿದ್ದರು. ಮಗುವಿಗೆ ಒಮ್ಮೊಮ್ಮೆ ಒಳಲೆಯಲ್ಲಿ ಹಾಲು ಕುಡಿಸುತ್ತಿದ್ದರು’ ಎಂಬ ಸವಿನೆನಪುಗಳನ್ನು ಕುಟುಂಬಸ್ಥರು ಸ್ಮರಿಸಿಕೊಂಡರು.

. ನ್ಯಾಯ ಪಂಚಾಯಿತಿ ಮಾಡುವುದು, ಜಯಂತಿಯನ್ನು ಅಪಹರಿಸಿ ತರುವುದು, ರಾಜಕುಮಾರ್ (ಪಂಜು) ಮನೆ ಮೇಲೆ ಹತ್ತುವುದು, ಕತ್ತಿ ವರಸೆಯಲ್ಲಿ ಗೆದ್ದು ಬಂದ ಪಂಜು (ರಾಜಕುಮಾರ್)ನನ್ನು ಸ್ವಾಗತಿಸುವುದು, ರೊಟ್ಟಿ ಸುಡುವುದು ಇತರ ಸನ್ನಿವೇಶಗಳು ಈ ಊರಿನಲ್ಲಿ ಚಿತ್ರೀಕರಣಗೊಂಡಿವೆ. ಸಾಹುಕಾರ್ ಮರೀಗೌಡ, ಗದ್ದೆಮನೆ ಕೃಷ್ಣಪ್ಪ ಇತರರ ಮನೆಗಳಲ್ಲಿ ಚಿತ್ರೀಕರಣ ನಡೆದಿದೆ. ಈ ಚಿತ್ರದ ಹಾಡುಗಳನ್ನು ಕೂಡ ಇಲ್ಲಿನ ಪರಿಸರದಲ್ಲಿ ಚಿತ್ರೀಕರಿಸಲಾಗಿದೆ.

. ‘ಚಂದಗಾಲು ಗ್ರಾಮದಲ್ಲಿ, 1975ರ ಅಕ್ಟೋಬರ್ ಮತ್ತು ನವೆಂಬರ್ ತಿಂಗಳಲ್ಲಿ ‘ಬಹದ್ದೂರ್ ಗಂಡು’ ಚಿತ್ರದ ಚಿತ್ರೀಕರಣ ನಡೆಯಿತು. ನನಗಾಗ 18 ವರ್ಷ. ಅಷ್ಟೂ ದಿನ ಊರು ಬಿಟ್ಟು ಕದಲದೆ ಚಿತ್ರೀಕರಣ ನೋಡಿದ್ದೆ. ಪಾರ್ವತಮ್ಮ ಅವರು ನಮ್ಮ ಮನೆಯ ತೊಟ್ಟಿಲಿನಲ್ಲಿ ಅಪ್ಪುನನ್ನು ಮಲಗಿಸುತ್ತಿದ್ದರು. ತೊಟ್ಟಿಲು ತೂಗುತ್ತಿದ್ದ ಮಕ್ಕಳಿಗೆ ಕಲ್ಲುಸಕ್ಕರೆ ಮತ್ತು ಬಾದಾಮಿ ಕೊಡುತ್ತಿದ್ದರು’ ಎಂದು ಯಾಲಕ್ಕಯ್ಯ ಅವರ ಮಗ ವೆಂಕಟೇಶ್ ತಮ್ಮ ನೆನಪಿನ ಬುತ್ತಿ ಬಿಚ್ಚಿಟ್ಟರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

Puneeth Rajkumar: ಇದು ‘ಅಪ್ಪು’ ಮಲಗುತ್ತಿದ್ದ ತೊಟ್ಟಿಲು!

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಹೀನಾಯ ಬ್ಯಾಟಿಂಗ್ ಬಳಿಕ ಪುಟಿದೆದ್ದ ಭಾರತ; ಆತಿಥೇಯ ಆಸಿಸ್‌ಗೆ ವೇಗಿಗಳ ತಿರುಗೇಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ