<p><strong>ಮೈಸೂರು: </strong>103 ವರ್ಷಗಳಷ್ಟು ಹಳೆಯದಾದ ನಗರದ ಕೆ.ಆರ್.ಆಸ್ಪತ್ರೆ ಯಲ್ಲಿ 800 ರೋಗಿಗಳಿಗೆ ಇರುವುದು 63 ಭದ್ರತಾ ಸಿಬ್ಬಂದಿ ಮಾತ್ರ. ಇವರು 4 ಪಾಳಿಗಳಲ್ಲಿ ಹಂಚಿ ಹೋಗಿದ್ದು, ಇನ್ನೂ 50 ಸಿಬ್ಬಂದಿ ಹೆಚ್ಚುವರಿಯಾಗಿ ಬೇಕು ಎಂಬುದಾಗಿ ಆಸ್ಪತ್ರೆಯ ವೈದ್ಯರು, ನರ್ಸ್ಗಳು ಹೇಳುತ್ತಾರೆ.</p>.<p>ಸಯ್ಯಾಜಿರಾವ್ ರಸ್ತೆ, ಇರ್ವಿನ್ ರಸ್ತೆ, ಧನ್ವಂತರಿ ರಸ್ತೆಗಳಿಗೆ ಹೊಂದಿಕೊಂಡಿರುವ ಈ ದೊಡ್ಡಾಸ್ಪತ್ರೆಯ ಭದ್ರತೆಯನ್ನು ಖಾಸಗಿ ಏಜೆನ್ಸಿಯೊಂದಕ್ಕೆ ಹೊರಗುತ್ತಿಗೆ ನೀಡಲಾಗಿದೆ. ಬೆಳಿಗ್ಗೆ 8ರಿಂದ ಮಧ್ಯಾಹ್ನ 2 ಗಂಟೆಯವರೆಗೆ 13 ಸಿಬ್ಬಂದಿ, ಬೆಳಿಗ್ಗೆ 9ರಿಂದ ಸಂಜೆ 4ರವರೆಗೆ 16, ಮಧ್ಯಾಹ್ನ 2ರಿಂದ ರಾತ್ರಿ 8ರವರೆಗೆ 17 ಹಾಗೂ ರಾತ್ರಿ 8ರಿಂದ ಬೆಳಿಗ್ಗೆ 8 ಗಂಟೆಯವರೆಗೆ 17 ಸಿಬ್ಬಂದಿ ಇರುತ್ತಾರೆ. ಇವರೆಲ್ಲರೂ ಆಸ್ಪತ್ರೆಯ ವಿವಿಧ ಕಟ್ಟಡಗಳ ಉಸ್ತುವಾರಿ ಹೊತ್ತಿದ್ದಾರೆ.</p>.<p>ಒಟ್ಟು 1,050 ಹಾಸಿಗೆ ಸಾಮರ್ಥ್ಯದ ಈ ಆಸ್ಪತ್ರೆಯಲ್ಲಿ ನಿತ್ಯ ಶೇ 80ಕ್ಕಿಂತ ಅಧಿಕ ಹಾಸಿಗೆಗಳು ಭರ್ತಿಯಾಗಿರುತ್ತವೆ. ಕೋವಿಡ್ ಉಲ್ಬಣಗೊಂಡಿದ್ದಾಗ ಎಲ್ಲ ಹಾಸಿಗೆಗಳೂ ಭರ್ತಿಯಾಗಿದ್ದವು.</p>.<p class="Subhead">ಆಸ್ಪತ್ರೆಯಲ್ಲಿವೆ 45 ಸಿಸಿಟಿವಿ: ವಿಸ್ತಾರವಾದ ಆಸ್ಪತ್ರೆ ಆವರಣದಲ್ಲಿ ಒಟ್ಟು 45 ಸಿಸಿಟಿವಿ ಕ್ಯಾಮೆರಾಗಳಿವೆ. ಬಹುತೇಕ ಎಲ್ಲ ಪ್ರಮುಖ ಪ್ರವೇಶದ್ವಾರಗಳಲ್ಲಿ ಅಳವಡಿಸಲಾಗಿದ್ದು, ಈ ಪೈಕಿ ಅನೇಕ ಸಿಸಿಟಿವಿ ಕ್ಯಾಮೆರಾಗಳು ಕೆಲಸ ಮಾಡುತ್ತಿಲ್ಲ ಎಂಬ ಆರೋಪವೂ ಇದೆ.</p>.<p class="Subhead">ಪೊಲೀಸ್ ಹೊರ ಠಾಣೆ: ಕೆ.ಆರ್.ಆಸ್ಪತ್ರೆಯಲ್ಲಿ ದೇವರಾಜ ಪೊಲೀಸ್ ಠಾಣೆಯ ಹೊರ ಠಾಣೆಯೂ ಇದೆ. ಇಲ್ಲಿ ಕೆಲವೇ ಪೊಲೀಸರಷ್ಟೇ ಇರುತ್ತಾರೆ. ಅಪಘಾತ, ಹೊಡೆದಾಟ ಮೊದಲಾದ ಪ್ರಕರಣಗಳು ಬಂದಲ್ಲಿ ಮೆಡಿಕಲ್ ಲೀಗಲ್ ಪ್ರಕರಣಕ್ಕೆ ವರದಿ ನೀಡುವ ಕೆಲಸ ಮಾಡುತ್ತಾರೆ.</p>.<p class="Briefhead"><strong>ಅಪರಾಧ ಚಟುವಟಿಕೆಗಳ ತಾಣ</strong></p>.<p>ಕೆ.ಆರ್.ಆಸ್ಪತ್ರೆಯ ವಿಸ್ತಾರವಾದ ಆವರಣವು ರಾತ್ರಿ ವೇಳೆ ಮದ್ಯ ವ್ಯಸನಿಗಳ ತಾಣವಾಗಿದೆ. ಕತ್ತಲೆಯಲ್ಲಿ ಕುಳಿತು ಹಲವು ಮಂದಿ ಮದ್ಯ ಸೇವಿಸುತ್ತಾರೆ. ಒಂಟಿ ಮಹಿಳೆಯರನ್ನು ಹೆದರಿಸುತ್ತಾರೆ. ರಾತ್ರಿ ವೇಳೆ ಇಲ್ಲಿ ಮಲಗುವ ರೋಗಿಗಳ ಸಂಬಂಧಿಕರ ಜೇಬುಗಳಿಂದ ಹಣ ಕದಿಯುತ್ತಾರೆ. </p>.<p>‘ರಾತ್ರಿ ವೇಳೆ ಭದ್ರತೆ ಹೆಚ್ಚಿಸಬೇಕಿದೆ. ಆಸ್ಪತ್ರೆಯ ಭದ್ರತಾ ಸಿಬ್ಬಂದಿಗಿಂತ ಪೊಲೀಸರೇ ಇಲ್ಲಿ ಗಸ್ತು ನಡೆಸಬೇಕಿದೆ’ ಎಂದು ನರ್ಸ್ವೊಬ್ಬರು ಹೇಳುತ್ತಾರೆ.</p>.<p class="Briefhead"><strong>ಮೇಲ್ವಿಚಾರಕರ ಬದಲಾವಣೆ</strong></p>.<p>ಒಂದು ತಿಂಗಳ ಹಿಂದೆಯಷ್ಟೇ ಭದ್ರತಾ ಸಿಬ್ಬಂದಿಯ ಎಲ್ಲ ಪಾಳಿಗಳ ಮೇಲ್ವಿಚಾರಕರನ್ನು ಬದಲಿಸಲಾಗಿತ್ತು ಎಂಬ ಸಂಗತಿ ಗೊತ್ತಾಗಿದೆ.</p>.<p>ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಆಸ್ಪತ್ರೆ ಅಧಿಕಾರಿಯೊಬ್ಬರು, ‘ಭದ್ರತಾ ಸಿಬ್ಬಂದಿಯ ಮೇಲ್ವಿಚಾರಕರನ್ನು ಬದಲಿಸಲಾಗಿತ್ತು. ಇದು ಕೆಲವರ ಅಸಮಾಧಾನಕ್ಕೂ ಕಾರಣವಾಗಿತ್ತು’ ಎಂದರು.</p>.<p>***</p>.<p>ಕೆ.ಆರ್.ಆಸ್ಪತ್ರೆಯ ಹೊರ ಠಾಣೆಗೆ ಹೆಚ್ಚುವರಿಯಾಗಿ ಪೊಲೀಸರನ್ನು ನಿಯೋಜಿಸಲಾಗಿದೆ. ಕೋವಿಡ್ ವಿಭಾಗದಲ್ಲಿ ಸಿಬ್ಬಂದಿ 3 ಪಾಳಿಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ</p>.<p><strong>–ಶಶಿಧರ್, ದೇವರಾಜ ಉಪವಿಭಾಗದ ಎಸಿಪಿ</strong></p>.<p>***</p>.<p>ಭದ್ರತೆಗಾಗಿ ಹೆಚ್ಚು ‘ಪಾಯಿಂಟ್’ಗಳನ್ನು ಗುರುತಿಸಲು, ಹೆಚ್ಚುವರಿ ಸಿಬ್ಬಂದಿ ನೇಮಕ ಮಾಡಲು ನಿರ್ಧರಿಸಲಾಗಿದೆ</p>.<p><strong>–ಡಾ.ಸಿ.ಪಿ.ನಂಜರಾಜ್, ಡೀನ್ ಮತ್ತು ನಿರ್ದೇಶಕ, ಮೈಸೂರು ವೈದ್ಯಕೀಯ ಕಾಲೇಜು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು: </strong>103 ವರ್ಷಗಳಷ್ಟು ಹಳೆಯದಾದ ನಗರದ ಕೆ.ಆರ್.ಆಸ್ಪತ್ರೆ ಯಲ್ಲಿ 800 ರೋಗಿಗಳಿಗೆ ಇರುವುದು 63 ಭದ್ರತಾ ಸಿಬ್ಬಂದಿ ಮಾತ್ರ. ಇವರು 4 ಪಾಳಿಗಳಲ್ಲಿ ಹಂಚಿ ಹೋಗಿದ್ದು, ಇನ್ನೂ 50 ಸಿಬ್ಬಂದಿ ಹೆಚ್ಚುವರಿಯಾಗಿ ಬೇಕು ಎಂಬುದಾಗಿ ಆಸ್ಪತ್ರೆಯ ವೈದ್ಯರು, ನರ್ಸ್ಗಳು ಹೇಳುತ್ತಾರೆ.</p>.<p>ಸಯ್ಯಾಜಿರಾವ್ ರಸ್ತೆ, ಇರ್ವಿನ್ ರಸ್ತೆ, ಧನ್ವಂತರಿ ರಸ್ತೆಗಳಿಗೆ ಹೊಂದಿಕೊಂಡಿರುವ ಈ ದೊಡ್ಡಾಸ್ಪತ್ರೆಯ ಭದ್ರತೆಯನ್ನು ಖಾಸಗಿ ಏಜೆನ್ಸಿಯೊಂದಕ್ಕೆ ಹೊರಗುತ್ತಿಗೆ ನೀಡಲಾಗಿದೆ. ಬೆಳಿಗ್ಗೆ 8ರಿಂದ ಮಧ್ಯಾಹ್ನ 2 ಗಂಟೆಯವರೆಗೆ 13 ಸಿಬ್ಬಂದಿ, ಬೆಳಿಗ್ಗೆ 9ರಿಂದ ಸಂಜೆ 4ರವರೆಗೆ 16, ಮಧ್ಯಾಹ್ನ 2ರಿಂದ ರಾತ್ರಿ 8ರವರೆಗೆ 17 ಹಾಗೂ ರಾತ್ರಿ 8ರಿಂದ ಬೆಳಿಗ್ಗೆ 8 ಗಂಟೆಯವರೆಗೆ 17 ಸಿಬ್ಬಂದಿ ಇರುತ್ತಾರೆ. ಇವರೆಲ್ಲರೂ ಆಸ್ಪತ್ರೆಯ ವಿವಿಧ ಕಟ್ಟಡಗಳ ಉಸ್ತುವಾರಿ ಹೊತ್ತಿದ್ದಾರೆ.</p>.<p>ಒಟ್ಟು 1,050 ಹಾಸಿಗೆ ಸಾಮರ್ಥ್ಯದ ಈ ಆಸ್ಪತ್ರೆಯಲ್ಲಿ ನಿತ್ಯ ಶೇ 80ಕ್ಕಿಂತ ಅಧಿಕ ಹಾಸಿಗೆಗಳು ಭರ್ತಿಯಾಗಿರುತ್ತವೆ. ಕೋವಿಡ್ ಉಲ್ಬಣಗೊಂಡಿದ್ದಾಗ ಎಲ್ಲ ಹಾಸಿಗೆಗಳೂ ಭರ್ತಿಯಾಗಿದ್ದವು.</p>.<p class="Subhead">ಆಸ್ಪತ್ರೆಯಲ್ಲಿವೆ 45 ಸಿಸಿಟಿವಿ: ವಿಸ್ತಾರವಾದ ಆಸ್ಪತ್ರೆ ಆವರಣದಲ್ಲಿ ಒಟ್ಟು 45 ಸಿಸಿಟಿವಿ ಕ್ಯಾಮೆರಾಗಳಿವೆ. ಬಹುತೇಕ ಎಲ್ಲ ಪ್ರಮುಖ ಪ್ರವೇಶದ್ವಾರಗಳಲ್ಲಿ ಅಳವಡಿಸಲಾಗಿದ್ದು, ಈ ಪೈಕಿ ಅನೇಕ ಸಿಸಿಟಿವಿ ಕ್ಯಾಮೆರಾಗಳು ಕೆಲಸ ಮಾಡುತ್ತಿಲ್ಲ ಎಂಬ ಆರೋಪವೂ ಇದೆ.</p>.<p class="Subhead">ಪೊಲೀಸ್ ಹೊರ ಠಾಣೆ: ಕೆ.ಆರ್.ಆಸ್ಪತ್ರೆಯಲ್ಲಿ ದೇವರಾಜ ಪೊಲೀಸ್ ಠಾಣೆಯ ಹೊರ ಠಾಣೆಯೂ ಇದೆ. ಇಲ್ಲಿ ಕೆಲವೇ ಪೊಲೀಸರಷ್ಟೇ ಇರುತ್ತಾರೆ. ಅಪಘಾತ, ಹೊಡೆದಾಟ ಮೊದಲಾದ ಪ್ರಕರಣಗಳು ಬಂದಲ್ಲಿ ಮೆಡಿಕಲ್ ಲೀಗಲ್ ಪ್ರಕರಣಕ್ಕೆ ವರದಿ ನೀಡುವ ಕೆಲಸ ಮಾಡುತ್ತಾರೆ.</p>.<p class="Briefhead"><strong>ಅಪರಾಧ ಚಟುವಟಿಕೆಗಳ ತಾಣ</strong></p>.<p>ಕೆ.ಆರ್.ಆಸ್ಪತ್ರೆಯ ವಿಸ್ತಾರವಾದ ಆವರಣವು ರಾತ್ರಿ ವೇಳೆ ಮದ್ಯ ವ್ಯಸನಿಗಳ ತಾಣವಾಗಿದೆ. ಕತ್ತಲೆಯಲ್ಲಿ ಕುಳಿತು ಹಲವು ಮಂದಿ ಮದ್ಯ ಸೇವಿಸುತ್ತಾರೆ. ಒಂಟಿ ಮಹಿಳೆಯರನ್ನು ಹೆದರಿಸುತ್ತಾರೆ. ರಾತ್ರಿ ವೇಳೆ ಇಲ್ಲಿ ಮಲಗುವ ರೋಗಿಗಳ ಸಂಬಂಧಿಕರ ಜೇಬುಗಳಿಂದ ಹಣ ಕದಿಯುತ್ತಾರೆ. </p>.<p>‘ರಾತ್ರಿ ವೇಳೆ ಭದ್ರತೆ ಹೆಚ್ಚಿಸಬೇಕಿದೆ. ಆಸ್ಪತ್ರೆಯ ಭದ್ರತಾ ಸಿಬ್ಬಂದಿಗಿಂತ ಪೊಲೀಸರೇ ಇಲ್ಲಿ ಗಸ್ತು ನಡೆಸಬೇಕಿದೆ’ ಎಂದು ನರ್ಸ್ವೊಬ್ಬರು ಹೇಳುತ್ತಾರೆ.</p>.<p class="Briefhead"><strong>ಮೇಲ್ವಿಚಾರಕರ ಬದಲಾವಣೆ</strong></p>.<p>ಒಂದು ತಿಂಗಳ ಹಿಂದೆಯಷ್ಟೇ ಭದ್ರತಾ ಸಿಬ್ಬಂದಿಯ ಎಲ್ಲ ಪಾಳಿಗಳ ಮೇಲ್ವಿಚಾರಕರನ್ನು ಬದಲಿಸಲಾಗಿತ್ತು ಎಂಬ ಸಂಗತಿ ಗೊತ್ತಾಗಿದೆ.</p>.<p>ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಆಸ್ಪತ್ರೆ ಅಧಿಕಾರಿಯೊಬ್ಬರು, ‘ಭದ್ರತಾ ಸಿಬ್ಬಂದಿಯ ಮೇಲ್ವಿಚಾರಕರನ್ನು ಬದಲಿಸಲಾಗಿತ್ತು. ಇದು ಕೆಲವರ ಅಸಮಾಧಾನಕ್ಕೂ ಕಾರಣವಾಗಿತ್ತು’ ಎಂದರು.</p>.<p>***</p>.<p>ಕೆ.ಆರ್.ಆಸ್ಪತ್ರೆಯ ಹೊರ ಠಾಣೆಗೆ ಹೆಚ್ಚುವರಿಯಾಗಿ ಪೊಲೀಸರನ್ನು ನಿಯೋಜಿಸಲಾಗಿದೆ. ಕೋವಿಡ್ ವಿಭಾಗದಲ್ಲಿ ಸಿಬ್ಬಂದಿ 3 ಪಾಳಿಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ</p>.<p><strong>–ಶಶಿಧರ್, ದೇವರಾಜ ಉಪವಿಭಾಗದ ಎಸಿಪಿ</strong></p>.<p>***</p>.<p>ಭದ್ರತೆಗಾಗಿ ಹೆಚ್ಚು ‘ಪಾಯಿಂಟ್’ಗಳನ್ನು ಗುರುತಿಸಲು, ಹೆಚ್ಚುವರಿ ಸಿಬ್ಬಂದಿ ನೇಮಕ ಮಾಡಲು ನಿರ್ಧರಿಸಲಾಗಿದೆ</p>.<p><strong>–ಡಾ.ಸಿ.ಪಿ.ನಂಜರಾಜ್, ಡೀನ್ ಮತ್ತು ನಿರ್ದೇಶಕ, ಮೈಸೂರು ವೈದ್ಯಕೀಯ ಕಾಲೇಜು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
