<p>ದಸರೆಯ ಜಂಬೂಸವಾರಿಯನ್ನು ಕಣ್ತುಂಬಿಕೊಳ್ಳಲು ಒಂದು ಕಡೆ ಜನಸಾಗರವೇ ಬಂದರೆ ಮತ್ತೊಂದು ಕಡೆ ನೂರಾರು ಮಂದಿ ವ್ಯಾಪಾರಿಗಳು ಹೊಟ್ಟೆ ಹೊರೆಯಲು ಬಂದಿದ್ದರು.</p>.<p>ಹೊರ ಜಿಲ್ಲೆಗಳು ಮಾತ್ರವಲ್ಲ; ಹೊರ ರಾಜ್ಯಗಳಿಂದಲೂ ವ್ಯಾಪಾರಿಗಳು ಈ ಬಾರಿ ಬಂದಿರುವುದು ವಿಶೇಷ. ಇವರೆಲ್ಲ ವಿವಿಧ ಬಗೆಯ ವಸ್ತುಗಳನ್ನು ಮಾರಾಟ ಮಾಡಿ ತುತ್ತಿನಚೀಲ ತುಂಬಿಸಿಕೊಂಡರು.</p>.<p>ಈ ಬಾರಿ ಹಾವೇರಿ ಜಿಲ್ಲೆಯಿಂದ ಬಂದ ‘ಉಪ್ಪಿನ ಕಡಲೆ’ ವ್ಯಾಪಾರಿಗಳ ತಂಡ ಮನಸೆಳೆದರು. 24 ಮಂದಿಯ ಈ ತಂಡ ನಗರದ ಹಲವೆಡೆ ಅಲ್ಲಿನ ವಿಶೇಷ ತಿನಿಸಾದ ‘ಉಪ್ಪಿನ ಕಡಲೆ’ಯನ್ನು ಮಾರಾಟ ಮಾಡಿದರು.</p>.<p>‘ನಮ್ಮ ತಂಡದಲ್ಲಿ ಗೆಳೆಯರು ಮತ್ತು ಸಂಬಂಧಿಕರು ಇದ್ದೇವೆ. ಹಾವೇರಿಯಿಂದ ರೈಲು ಮೂಲಕ ವಾರದ ಹಿಂದೆಯೇ ಬಂದಿದ್ದೇವೆ. 10 ಮೂಟೆಯಷ್ಟು ಉಪ್ಪಿನ ಕಡಲೆಯನ್ನು ತಂದಿದ್ದು, ಅದನ್ನು ಮಾರಾಟ ಮಾಡಿಯೇ ಊರಿಗೆ ತೆರಳುವುದು ಎಂದು ನಿರ್ಧರಿಸಿದ್ದೇವೆ’ ಎಂದು ವ್ಯಾಪಾರಿ ವಾಹಿದ್ ‘ಮೆಟ್ರೊ’ಗೆ ತಿಳಿಸಿದರು.</p>.<p>ಹಿಂದೆ ಹೆಚ್ಚಿನ ಪ್ರಮಾಣದಲ್ಲಿ ಸಿಗುತ್ತಿದ್ದ ‘ಉಪ್ಪಿನ ಕಡಲೆ’ ಈಗ ಮೈಸೂರು ಭಾಗದಲ್ಲಿ ಅಪರೂಪವಾಗಿದೆ. ಜಾತ್ರೆಯಲ್ಲಿ, ಹಳ್ಳಿಯ ಸಂತೆಗಳಲ್ಲಿ ಮಾತ್ರ ಸಿಗುತ್ತಿತ್ತು. ಇದನ್ನು ಅರಿತ ಈ ತಂಡವು ‘ಉಪ್ಪಿನ ಕಡಲೆ’ಯ ರುಚಿಯನ್ನು ದಸರಾದಲ್ಲೂ ಸವಿಯಲು ಅವಕಾಶ ನೀಡಿತು.</p>.<p>ತಂಡದ ಸದಸ್ಯರು ಜಂಬೂ ಸವಾರಿ ಸಾಗಿದ ಮಾರ್ಗದಲ್ಲಿ ವ್ಯಾಪಾರ ಮಾಡಿದರು. ಒಂದು ಪೊಟ್ಟಣವನ್ನು ₹ 10ಕ್ಕೆ ಮಾರಾಟ ಮಾಡುತ್ತಿದ್ದರು. ಬದುಕು ನಡೆಸಲು ದಸರೆ ನಮಗೆ ಆಧಾರವಾಗಿದೆ ಎಂದು ಅವರು ಖುಷಿ ಪಟ್ಟರು.</p>.<p><strong>ಕರ್ಕಶವಾದ ಪೀಪಿ: </strong>ಈ ಬಾರಿ ದಸರೆಯಲ್ಲಿ ಕರ್ಕಶ ಧ್ವನಿ ಹೊಮ್ಮಿಸುವ ಪೀಪಿ ಸದ್ದು ಜನರಿಗೆ ಕಿರಿಕಿರಿ ಎನಿಸಿತು. ಯುವದಸರೆ ಸೇರಿದಂತೆ ಅನೇಕ ಕಡೆ ಈ ಬಗೆಯ ಪೀಪಿ ಊದುತ್ತ ಹಲವು ಯುವಕರು ಸಾರ್ವಜನಿಕರಿಗೆ ಬೇಸರ ತರಿಸಿದರು. ರಸ್ತೆಯುದ್ದಕ್ಕೂ ಇದನ್ನು ಊದುತ್ತಾ ಸಾಗಿದ ಅವರು ಸಂಭ್ರಮಿಸಿದರು.</p>.<p>ಉತ್ತರ ಭಾರತದ ಜಾರ್ಖಂಡ್, ಬಿಹಾರದಿಂದ ಬಂದಿದ್ದ ವ್ಯಾಪಾರಿಗಳು ಈ ಪೀಪಿಯನ್ನು ಮಾರಾಟ ಮಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ದಸರೆಯ ಜಂಬೂಸವಾರಿಯನ್ನು ಕಣ್ತುಂಬಿಕೊಳ್ಳಲು ಒಂದು ಕಡೆ ಜನಸಾಗರವೇ ಬಂದರೆ ಮತ್ತೊಂದು ಕಡೆ ನೂರಾರು ಮಂದಿ ವ್ಯಾಪಾರಿಗಳು ಹೊಟ್ಟೆ ಹೊರೆಯಲು ಬಂದಿದ್ದರು.</p>.<p>ಹೊರ ಜಿಲ್ಲೆಗಳು ಮಾತ್ರವಲ್ಲ; ಹೊರ ರಾಜ್ಯಗಳಿಂದಲೂ ವ್ಯಾಪಾರಿಗಳು ಈ ಬಾರಿ ಬಂದಿರುವುದು ವಿಶೇಷ. ಇವರೆಲ್ಲ ವಿವಿಧ ಬಗೆಯ ವಸ್ತುಗಳನ್ನು ಮಾರಾಟ ಮಾಡಿ ತುತ್ತಿನಚೀಲ ತುಂಬಿಸಿಕೊಂಡರು.</p>.<p>ಈ ಬಾರಿ ಹಾವೇರಿ ಜಿಲ್ಲೆಯಿಂದ ಬಂದ ‘ಉಪ್ಪಿನ ಕಡಲೆ’ ವ್ಯಾಪಾರಿಗಳ ತಂಡ ಮನಸೆಳೆದರು. 24 ಮಂದಿಯ ಈ ತಂಡ ನಗರದ ಹಲವೆಡೆ ಅಲ್ಲಿನ ವಿಶೇಷ ತಿನಿಸಾದ ‘ಉಪ್ಪಿನ ಕಡಲೆ’ಯನ್ನು ಮಾರಾಟ ಮಾಡಿದರು.</p>.<p>‘ನಮ್ಮ ತಂಡದಲ್ಲಿ ಗೆಳೆಯರು ಮತ್ತು ಸಂಬಂಧಿಕರು ಇದ್ದೇವೆ. ಹಾವೇರಿಯಿಂದ ರೈಲು ಮೂಲಕ ವಾರದ ಹಿಂದೆಯೇ ಬಂದಿದ್ದೇವೆ. 10 ಮೂಟೆಯಷ್ಟು ಉಪ್ಪಿನ ಕಡಲೆಯನ್ನು ತಂದಿದ್ದು, ಅದನ್ನು ಮಾರಾಟ ಮಾಡಿಯೇ ಊರಿಗೆ ತೆರಳುವುದು ಎಂದು ನಿರ್ಧರಿಸಿದ್ದೇವೆ’ ಎಂದು ವ್ಯಾಪಾರಿ ವಾಹಿದ್ ‘ಮೆಟ್ರೊ’ಗೆ ತಿಳಿಸಿದರು.</p>.<p>ಹಿಂದೆ ಹೆಚ್ಚಿನ ಪ್ರಮಾಣದಲ್ಲಿ ಸಿಗುತ್ತಿದ್ದ ‘ಉಪ್ಪಿನ ಕಡಲೆ’ ಈಗ ಮೈಸೂರು ಭಾಗದಲ್ಲಿ ಅಪರೂಪವಾಗಿದೆ. ಜಾತ್ರೆಯಲ್ಲಿ, ಹಳ್ಳಿಯ ಸಂತೆಗಳಲ್ಲಿ ಮಾತ್ರ ಸಿಗುತ್ತಿತ್ತು. ಇದನ್ನು ಅರಿತ ಈ ತಂಡವು ‘ಉಪ್ಪಿನ ಕಡಲೆ’ಯ ರುಚಿಯನ್ನು ದಸರಾದಲ್ಲೂ ಸವಿಯಲು ಅವಕಾಶ ನೀಡಿತು.</p>.<p>ತಂಡದ ಸದಸ್ಯರು ಜಂಬೂ ಸವಾರಿ ಸಾಗಿದ ಮಾರ್ಗದಲ್ಲಿ ವ್ಯಾಪಾರ ಮಾಡಿದರು. ಒಂದು ಪೊಟ್ಟಣವನ್ನು ₹ 10ಕ್ಕೆ ಮಾರಾಟ ಮಾಡುತ್ತಿದ್ದರು. ಬದುಕು ನಡೆಸಲು ದಸರೆ ನಮಗೆ ಆಧಾರವಾಗಿದೆ ಎಂದು ಅವರು ಖುಷಿ ಪಟ್ಟರು.</p>.<p><strong>ಕರ್ಕಶವಾದ ಪೀಪಿ: </strong>ಈ ಬಾರಿ ದಸರೆಯಲ್ಲಿ ಕರ್ಕಶ ಧ್ವನಿ ಹೊಮ್ಮಿಸುವ ಪೀಪಿ ಸದ್ದು ಜನರಿಗೆ ಕಿರಿಕಿರಿ ಎನಿಸಿತು. ಯುವದಸರೆ ಸೇರಿದಂತೆ ಅನೇಕ ಕಡೆ ಈ ಬಗೆಯ ಪೀಪಿ ಊದುತ್ತ ಹಲವು ಯುವಕರು ಸಾರ್ವಜನಿಕರಿಗೆ ಬೇಸರ ತರಿಸಿದರು. ರಸ್ತೆಯುದ್ದಕ್ಕೂ ಇದನ್ನು ಊದುತ್ತಾ ಸಾಗಿದ ಅವರು ಸಂಭ್ರಮಿಸಿದರು.</p>.<p>ಉತ್ತರ ಭಾರತದ ಜಾರ್ಖಂಡ್, ಬಿಹಾರದಿಂದ ಬಂದಿದ್ದ ವ್ಯಾಪಾರಿಗಳು ಈ ಪೀಪಿಯನ್ನು ಮಾರಾಟ ಮಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
