ನಮ್ಮ ಸಂಪ್ರದಾಯಗಳನ್ನು ಪಾಲಿಸುವುದು ಮೂಢನಂಬಿಕೆಯಲ್ಲ: ವಸಂತಕುಮಾರ್‌

ಮೈಸೂರು: ‘ನಮ್ಮ ಸಂಪ್ರದಾಯಗಳನ್ನು ಪಾಲಿಸುವುದು ಮೂಢನಂಬಿಕೆಯಲ್ಲ’ ಎಂದು ಕರ್ನಾಟಕ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಡಾ.ಬಿ.ವಿ.ವಸಂತಕುಮಾರ್ ಪ್ರತಿಪಾದಿಸಿದರು.

. ಎಬಿವಿಪಿಯ ಅಂಗಸಂಸ್ಥೆಯಾದ ‘ಆರ್ಟ್ ಮ್ಯಾಟರ್ಸ್’ ಹಾಗೂ ಮೈಸೂರು ವಿಶ್ವವಿದ್ಯಾಲಯದ ಸಹಯೋಗದಲ್ಲಿ ಸ್ವಾತಂತ್ರ್ಯದ ಅಮೃತ ಮಹೋತ್ಸವದ ಅಂಗವಾಗಿ ಮಾನಸ ಗಂಗೋತ್ರಿಯ ವಿಜ್ಞಾನ ಭವನದಲ್ಲಿ ಗುರುವಾರದಿಂದ ಆ.28ರವರೆಗೆ ಹಮ್ಮಿಕೊಂಡಿರುವ ರಾಜ್ಯಮಟ್ಟದ ‘ಕಾವಿಕಲೆ ಕಾರ್ಯಾಗಾರ’ದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

. ‘ಪಾಶ್ಚಾತ್ಯ ಚಿಂತನೆಗೆ ಮಾರು ಹೋಗುತ್ತಿರುವವರು ಭಾರತೀಯ ಚಿಂತನೆಯನ್ನು ಮರೆಯುತ್ತಿದ್ದಾರೆ. ನಮ್ಮ ಸಂಪ್ರದಾಯಗಳೆಂದರೆ ಮೂಢನಂಬಿಕೆ ಎಂದು ಭಾವಿಸಿದ್ದಾರೆ. ನಮ್ಮ ಮನೆಯ ಸಂಸ್ಕೃತಿಗಳನ್ನು ಕೀಳು ಎಂದು ನಮ್ಮ ತಲೆಗೆ ತುಂಬಿದ್ದಾರೆ. ಇದರಿಂದ ನಮ್ಮ ನಿಧಿಯನ್ನು ಕಳೆದುಕೊಳ್ಳುತ್ತಿದ್ದೇವೆ’ ಎಂದು ವಿಷಾದ ವ್ಯಕ್ತಪಡಿಸಿದರು.

. ಬೇರು ಕಳೆದುಕೊಂಡರೆ ಬದುಕಲಾಗದು: ‘ಬೇರು ಕಳೆದುಕೊಂಡ ಮರ ಹೆಚ್ಚು ಕಾಲ ಬದುಕುಳಿಯುವುದಿಲ್ಲ. ಹಾಗೆಯೇ, ಬೇರುಗಳನ್ನು ಕಳೆದುಕೊಳ್ಳುವ ಮನುಷ್ಯ ಹಾಗೂ ಸಂಸ್ಕೃತಿ ದೀರ್ಘ ಕಾಲದವರೆಗೆ ಬದುಕುವುದಿಲ್ಲ’ ಎಂದರು.

. ‘ಭಾರತೀಯ ಕಲೆ, ಸಂಸ್ಕೃತಿ, ವಿಜ್ಞಾನ, ಸಾಹಿತ್ಯದ ಮೂಲ ಅಧ್ಯಾತ್ಮ. ಸಾಹಿತಿಗಳದ್ದು ಶಬ್ದ ಚಿತ್ರ. ಕಲಾವಿದರದ್ದು ಚಿತ್ರ ಶಬ್ದ. ಪಾಶ್ಚಾತ್ಯರು ಹೊರಗಿನ ಸತ್ಯ ಹುಡುಕಿದರೆ, ಭಾರತೀಯರು ಒಳಗಿನ ಸತ್ಯ ಹುಡುಕುವವರು’ ಎಂದು ಹೇಳಿದರು.

. ‘ಕಲಾವಿದರೆಲ್ಲರೂ ಸೃಷ್ಟಿಕರ್ತರೆ. ಕಲೆ ಅರ್ಥ ಮಾಡಿಕೊಳ್ಳಲು ಸಹೃದಯರು ಬೇಕು. ಎಲ್ಲರಿಗೂ ಅದು ಅರ್ಥವಾಗುವುದಿಲ್ಲ. ಕಲೆಯು ಆದಿ ಅಂತ್ಯವಿಲ್ಲದೆ ಚಲನೆಯೂ, ಮನೋಲೋಕದ ಸೃಷ್ಟಿಯೂ ಹೌದು. ಅದು ಅನ್ನಲೋಕದಿಂದಲೇ ಉತ್ಪಾದನೆ ಆಗುತ್ತದೆ’ ಎಂದು ವ್ಯಾಖ್ಯಾನಿಸಿದರು.

. ಕಾರ್ಯಾಗಾರ ಉದ್ಘಾಟಿಸಿದ ಕಲಾವಿದ ಎಸ್.ಎಂ.ಜಂಬುಕೇಶ್ವರ ಮಾತನಾಡಿ, ‘ಕಾವಿ ಕಲೆಯು ಸಾಂಪ್ರದಾಯಿಕವಾದ ಕಲೆ. 12 ಮತ್ತು 13ನೇ ಶತಮಾನದಲ್ಲಿ ಹುಟ್ಟಿ ನಂತರ ಹರಡಿತು. ಇತ್ತೀಚಿಗೆ ಆ ಕಲೆ ನಶಸಿ ಹೋಗುತ್ತಿರುವುದನ್ನು ಕಾಣುತ್ತೇವೆ. ಅದನ್ನು ಉಳಿಸಲು ಆರ್ಟ್ ಮ್ಯಾಟರ್ಸ್ ಮುಂದಾಗಿರುವುದು ಶ್ಲಾಘನೀಯ’ ಎಂದು ಹೇಳಿದರು.

. ಕಲೆ, ಧರ್ಮ ಪೂರಕ: ‘ಕಲಾ ಪ್ರಕಾರಗಳಲ್ಲಿ ಬುಡಕಟ್ಟು ಹಾಗೂ ಜಾನಪದ ಚಿತ್ರಕಲೆಯ ನಂತರದ ರೂಪವೇ ಕಾವಿಕಲೆ. ಧರ್ಮ ಬೆಳೆಯಲು ಕಲೆ ಹಾಗೂ ಕಲೆ ಬೆಳೆಯಲು ಧರ್ಮ ಪೂರಕವಾಗಿದೆ. ಪರಸ್ಪರ ಉತ್ತುಂಗಕ್ಕೆ ತೆಗೆದುಕೊಂಡು ಹೋಗುತ್ತವೆ’ ಎಂದು ಶ್ರೀಕಲಾನಿಕೇತನ ಕಲಾ ಶಾಲೆಯ ಪ್ರಾಚಾರ್ಯ ಕೆ.ಸಿ.ಮಹದೇವಶೆಟ್ಟಿ ತಿಳಿಸಿದರು.

. ‘ವಿಶಿಷ್ಟವಾದ ಕಲಾ ಪ್ರಕಾರಗಳನ್ನು ಈಗಿನ ಪೀಳಿಗೆಗೆ ಕಲಿಸಿ, ಉಳಿಸಿ-ಬೆಳೆಸಬೇಕು. ಮೂಲ ಬಣ್ಣ ಹಾಗೂ ಮೂಲ ಕಲಾಪ್ರಕಾರವನ್ನು ಕಡೆಗಣಿಸಬಾರದು. ಸಂಸ್ಕೃತಿ ಗಟ್ಟಿಗೊಳಿಸುವ ಬೇರುಗಳಾದ ನಮ್ಮ ಕಲೆಗಳನ್ನು ಉಳಿಸಿಕೊಳ್ಳಬೇಕು’ ಎಂದರು.

. ಕಾರ್ಯಾಗಾರದ ಸಂಚಾಲಕ ವಿಠ್ಠಲರೆಡ್ಡಿ ಚುಳಕಿ ಮಾತನಾಡಿದರು.

. ಆರ್ಟ್ ಮ್ಯಾಟರ್ಸ್ನ ಜಿಲ್ಲಾ ಸಂಚಾಲಕ ಶಿವು ಇದ್ದರು. ಆರ್ಟ್ ಮ್ಯಾಟರ್ಸ್ನ ಕರ್ನಾಟಕ ಪ್ರಾಂತ ಸಂಯೋಜಕ ಚಂದ್ರಶೇಖರ್ ಸಿ. ಸ್ವಾಗತಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಮ್ಮ ಸಂಪ್ರದಾಯಗಳನ್ನು ಪಾಲಿಸುವುದು ಮೂಢನಂಬಿಕೆಯಲ್ಲ: ವಸಂತಕುಮಾರ್‌

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!

ಪ್ರೊ ಕಬಡ್ಡಿ: 2ನೇ ಸ್ಥಾನಕ್ಕೇರಿದ ತೆಲುಗು ಟೈಟನ್ಸ್‌

ಸೇನ್‌ ಮುನ್ನಡೆ: ಸಿಂಧುಗೆ ನಿರಾಸೆ

ಕರಣ್‌ ಸಿಂಗ್‌ಗೆ ಚಾಪೆಲ್‌ ಸವಾಲು

IND vs AUS Test Series: ಬೂಮ್ರಾ ಪಡೆಗೆ ಕಠಿಣ ಸವಾಲು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!