ಮೈಸೂರು | ರಂಜಾನ್‌; ಇಫ್ತಾರ್‌ ಕೂಟದ ಸಂಭ್ರಮ

ಮೀನಾ ಬಜಾರ್‌ನಲ್ಲಿ ಉತ್ತರ ಪ್ರದೇಶದಿಂದ ದೂದ್‌ ಶಾವಿಗೆ ಮತ್ತು ಕುಂಬಳಕಾಯಿ ಮಿಠಾಯಿಗಳನ್ನು ತಂದು ಮಾರಲಾಗುತ್ತಿದೆ. ವ್ಯಾಪಾರಿ ಇಸ್ಮಾಯಿಲ್ ಮಾತನಾಡಿ ‘ಒಟ್ಟು 7 ಮಂದಿ ಉತ್ತರ ಪ್ರದೇಶದಿಂದ ಬಂದಿದ್ದೇವೆ. ಅಲ್ಲಿಂದಲೇ ಪದಾರ್ಥಗಳನ್ನು ರೈಲಿನ ಮೂಲಕ ತರಲಾಗಿದೆ. ಉತ್ತಮ ವ್ಯಾಪಾರವಾಗುತ್ತಿದ್ದು ‘ಶಾವಿಗೆಯನ್ನು ಕೆ.ಜಿಗೆ ₹320 ಹಾಗೂ ಕುಂಬಳಕಾಯಿ ಮಿಠಾಯಿ ಕೆ.ಜಿಗೆ ₹280ರಂತೆ ಮಾರಾಟ ಮಾಡುತ್ತಿದ್ದೇವೆ. ರಂಜಾನ್ ಹಬ್ಬಕ್ಕೆ ಊರಿಗೆ ಮರಳಲಿದ್ದೇವೆ’ ಎಂದು ತಿಳಿಸಿದರು.