ಮೈಸೂರು | ತುಂಬಿದ ಕಬಿನಿ: ಪ್ರವಾಸಿಗರ ಸಂಭ್ರಮ

5 ವರ್ಷಗಳ ಹಿಂದೆ ಜಲಾಶಯದಿಂದ ಕಪಿಲಾ ನದಿಗೆ 120 ಸಾವಿರ ಕ್ಯುಸೆಕ್ಸ್ ನೀರನ್ನು ಬಿಡಲಾಗಿತ್ತು. ಈ ಭಾರಿ ಗರಿಷ್ಠ 70 ಸಾವಿರ ಕ್ಯುಸೆಕ್ ನೀರನ್ನು ಹೊರಬಿಡಲಾಗಿದೆ. ಈ ಪ್ರಮಾಣ ಹೆಚ್ಚಾಗುವ ಸಾಧ್ಯತೆಗಳೂ ಇದೆ. ಜಲಾಶಯದಲ್ಲಿ ಪ್ರಸ್ತುತ 2283 ಅಡಿ ನೀರಿದ್ದು ಜಲಾಶಯ ಭರ್ತಿಯಾಗಲು ಕೇವಲ 1ಅಡಿಯಷ್ಟೇ ಬಾಕಿ ಇದೆ. ಸೋಮವಾರ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಬಾಗಿನ ಅರ್ಪಿಸಲು ಆಗಮಿಸುತ್ತಿರುವುದರಿಂದ ಸಂಪೂರ್ಣ ಭರ್ತಿ ಮಾಡಲಾಗುವುದು ಎಂದು ಜಲಾಶಯದ ಅಧಿಕಾರಿಗಳು‌ ತಿಳಿಸಿದ್ದು ಈ ಸಲುವಾಗಿ ಭಾನುವಾರ ಜಲಾಶಯದಿಂದ ನದಿಗೆ ಕೇವಲ ಐದು ಸಾವಿರ ಕ್ಯುಸೆಕ್ಸ್ ನೀರನ್ನು ಬಿಡಲಾಗಿದೆ.