ಮಸ್ಕಿ: ಅಶೋಕನ ಶಿಲಾ ಶಾಸನದ ಸ್ಥಳ ಅಭಿವೃದ್ಧಿಗೆ ಸಂಪುಟ ಅಸ್ತು

‘ಐಹೊಳೆ ಪಟ್ಟದಕಲ್ಲು ಮಾದರಿಯಲ್ಲಿ ಅಶೋಕನ ಶಿಲಾಶಾಸನ ಅಭಿವೃದ್ಧಿಗೆ ಸರ್ಕಾರ ಮುಂದಾಗಬೇಕು’ ಎಂದು ಇತಿಹಾಸ ಸಂಶೋಧಕ ಚನ್ನಬಸ್ಸಯ್ಯ ಹಿರೇಮಠ ಒತ್ತಾಯಿಸಿದ್ದಾರೆ. ‘ಶಾಸನದ ಸ್ಥಳದಲ್ಲಿ ಮ್ಯೂಸಿಯಂ ಮಾಡಿ ಬೇರೆಬೇರೆ ಕಡೆ ಇರುವ ಇಲ್ಲಿ ದೊರೆತ ಶಾಸನಗಳನ್ನು ಪುನಃ ಇಲ್ಲಿಗೆ ತಂದು ಸಂಗ್ರಹಿಸಿಡುವ ಕೆಲಸವನ್ನು ಪುರಾತತ್ವ ಹಾಗೂ ಪ್ರವಾಸೋದ್ಯಮ ಇಲಾಖೆ ಮಾಡುವ ಮೂಲಕ ಮಸ್ಕಿ ಶಾಸನದ ಹಿರಿಮೆಯನ್ನು ಎತ್ತಿಹಿಡಿಯಬೇಕು’ ಎಂದು ಮನವಿ ಮಾಡಿದ್ದಾರೆ.