ಸಿಂಧನೂರು: ಬರದಲ್ಲೂ ಕೈ ಹಿಡಿದ ಬಿಳಿಜೋಳ

ಮಳೆಯ ಕೊರತೆ, ಕಾಲುವೆಗೆ ನೀರು ತಡವಾಗಿ ಬಂತು. ಹೀಗಾಗಿ ಪಂಪ್‍ಸೆಟ್‍ನಿಂದ ನೀರು ಹರಿಸಿದ್ದರಿಂದ ಉತ್ತಮವಾಗಿ ಜೋಳದ ಬೆಳೆ ಬಂದಿದೆ. ನಮ್ಮ ಪುಣ್ಯಕ್ಕೆ ಪ್ರತಿ ಕ್ವಿಂಟಲ್ ಜೋಳ ₹3500 ಬೆಲೆ ಬಂದಿರುವುದು ಸಂತಸ ತಂದಿದೆ

ಹಿರೇಹಳ್ಳಕ್ಕೆ 10 ವರ್ಷಗಳಿಂದ ಪಂಪ್‍ಸೆಟ್ ಅಳವಡಿಸಿದ್ದೇನೆ. ಪ್ರತಿ ವರ್ಷ ಜೋಳ ಬೆಳೆಯುತ್ತಿದ್ದೇವೆ. ಈ ವರ್ಷ ಅತಿಹೆಚ್ಚು ಇಳುವರಿ ಬರುವ ನಿರೀಕ್ಷೆಯಿದೆ. ಧಾರಣೆಯು ಅತಿಹೆಚ್ಚು ಬಂದಿದೆ. ಮಳೆ ಇಲ್ಲದ ಕಾರಣ ಕೆಲವರ ಬೆಳೆ ಒಣಗಿ ಹೋಗಿರುವ ನೋವಿದೆ

ಈ ಬಾರಿ ನೀರಿಲ್ಲದೇ ರೈತರು ತುಂಬಾ ತೊಂದರೆ ಅನುಭವಿಸಿದರು. ಜೊತೆಗೆ ನೀರು ಹರಿಸುವಂತೆ ಬೀದಿಗಿಳಿದು ಹೋರಾಟ ಮಾಡಿದರು. ಇದರಿಂದ ಎಚ್ಚೆತ್ತು ಮೇಲ್ಭಾಗದ ರೈತರನ್ನು ಮನವೊಲಿಸಿ ನಮಗೆ ನೀರು ತಲುಪಿಸಲು ಶಾಸಕ ಹಂಪನಗೌಡ ಬಾದರ್ಲಿ ಅವರು ಪ್ರಯತ್ನ ಮಾಡಿದ್ದಾರೆ

ಕಳೆದ ವರ್ಷ ಜೋಳದ ದರ ರೂ.2800 ರಿಂದ ರೂ.3 ಸಾವಿರ ವರೆಗೆ ಇತ್ತು. ಈ ವರ್ಷ ಇನ್ನೂ ರಾಶಿಯೇ ಆಗಿಲ್ಲ. ಪ್ರತಿ ಕ್ವಿಂಟಲ್‍ಗೆ ರೂ.3600 ಕ್ಕಿಂತ ಹೆಚ್ಚಿನ ದರ ಕೊಡುವುದಾಗಿ ವ್ಯಾಪಾರಸ್ಥರು ರೈತರ ಮನೆಗೆ ಅಲೆದಾಡುತ್ತಿದ್ದಾರೆ. ಇದು ನಿಜಕ್ಕೂ ಜೋಳ ಬೆಳೆದ ರೈತರಿಗೆ ಸುವರ್ಣ ಅವಕಾಶ