<p><strong>ಸಾಗರ: </strong>ಯುವಕನೊಬ್ಬನ ಕಣ್ಣಿನಲ್ಲಿ ಕಂಡ 3 ಸೆಂ.ಮೀ. ಉದ್ದದ ಜೀವಂತ ಹುಳವನ್ನು ಇಲ್ಲಿನ ಸರ್ಕಾರಿ ಆಸ್ಪತ್ರೆಯಲ್ಲಿ ನೇತ್ರ ತಜ್ಞ ಡಾ. ಪ್ರಮೋದ್ ಅವರ ನೇತೃತ್ವದಲ್ಲಿ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆ ಮಾಡಿ ಹೊರತೆಗೆಯಲಾಗಿದೆ.</p>.<p>ತಾಲ್ಲೂಕಿನ ಮಂಡಗಳಲೆ ಗ್ರಾಮದ ಯುವಕರೊಬ್ಬರಿಗೆ ಕಣ್ಣಿನಲ್ಲಿ ಪದೆ ಪದೆ ಉರಿ ಕಾಣಿಸಿಕೊಳ್ಳುತ್ತಿದ್ದು, ನೀರು ಸುರಿಯುತ್ತಿತ್ತು. ಅಲ್ಲದೇ ಕಣ್ಣು ವಿಪರೀತ ಕೆಂಪಾಗುತ್ತಿತ್ತು. ಈ ಕಾರಣ ಯುವಕ ಸರ್ಕಾರಿ ಆಸ್ಪತ್ರೆಗೆ ತಪಾಸಣೆಗೆಂದು ಬಂದಿದ್ದಾರೆ.</p>.<p>ಅಲ್ಲಿನ ವೈದ್ಯ ಡಾ.ಪ್ರಮೋದ್ ಅವರು ಮೈಕ್ರೋಸ್ಕೋಪ್ ಮೂಲಕ ಪರಿಶೀಲನೆ ನಡೆಸಿದಾಗ ಯುವಕನ ಕಣ್ಣಿನಲ್ಲಿ 3 ಸೆ.ಮೀ. ಉದ್ದದ ಲೋವಲೋವ ಎಂಬ ಸೂಕ್ಷ್ಮ ಹುಳು ಜೀವಂತ ಇರುವುದು ಪತ್ತೆಯಾಗಿದೆ. ಅರ್ಧ ಗಂಟೆಗೂ ಹೆಚ್ಚು ಕಾಲ ಶಸ್ತ್ರಚಿಕಿತ್ಸೆ ನಡೆಸಿದ ವೈದ್ಯರು ಆ ಹುಳುವನ್ನು ಹೊರತೆಗೆಯುವಲ್ಲಿ ಯಶಸ್ವಿಯಾಗಿದ್ದಾರೆ.</p>.<p>ಈ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಡಾ.ಪ್ರಮೋದ್, ‘ಇದೊಂದು ಅಪರೂಪದ ಪ್ರಕರಣವಾಗಿದೆ. ಲೋವಲೋವ ಎಂಬ ಹುಳು ದಕ್ಷಿಣ ಆಫ್ರಿಕಾದಂತಹ ದೇಶದಲ್ಲಿ ಪತ್ತೆಯಾಗಿದೆ. ಮಂಡಗಳಲೆ ಗ್ರಾಮದ ಈ ಯುವಕನ ಕಣ್ಣಿನಲ್ಲಿ ಈ ಹುಳು ಪತ್ತೆಯಾಗಿರುವುದು ಆಶ್ಚರ್ಯದ ಸಂಗತಿ’ ಎಂದರು.</p>.<p>‘ಲೋವಲೋವ ಹುಳು ಕಣ್ಣಿನೊಳಗೆ ಇದ್ದರೆ ಅದು ಪೂರ್ತಿಯಾಗಿ ಕಣ್ಣನ್ನು ಆವರಿಸಿಕೊಂಡು ಕುರುಡುತನ ಉಂಟಾಗುವ ಅಪಾಯವಿತ್ತು. ಹೀಗಾಗಿ ಶಸ್ತ್ರ ಚಿಕಿತ್ಸೆಯ ಮೂಲಕ ಕಣ್ಣಿನೊಳಗಿದ್ದ ಜಂತುವನ್ನು ತೆಗೆದು ಶಿವಮೊಗ್ಗದ ವೈದ್ಯಕೀಯ ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದೆ. ಅಲ್ಲಿಂದ ಹೆಚ್ಚಿನ ಮಾಹಿತಿ ಬರಬೇಕಿದೆ’ ಎಂದು ಹೇಳಿದರು.</p>.<p>ಶಸ್ತ್ರಚಿಕಿತ್ಸೆಗೆ ಡಾ.ಸುಭೋದ್, ಡಾ.ಯಶವಂತ್, ಸಿಬ್ಬಂದಿ ಜುಬೇದಾ ಅಲಿ, ವಸಂತ ಸಹಕರಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಾಗರ: </strong>ಯುವಕನೊಬ್ಬನ ಕಣ್ಣಿನಲ್ಲಿ ಕಂಡ 3 ಸೆಂ.ಮೀ. ಉದ್ದದ ಜೀವಂತ ಹುಳವನ್ನು ಇಲ್ಲಿನ ಸರ್ಕಾರಿ ಆಸ್ಪತ್ರೆಯಲ್ಲಿ ನೇತ್ರ ತಜ್ಞ ಡಾ. ಪ್ರಮೋದ್ ಅವರ ನೇತೃತ್ವದಲ್ಲಿ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆ ಮಾಡಿ ಹೊರತೆಗೆಯಲಾಗಿದೆ.</p>.<p>ತಾಲ್ಲೂಕಿನ ಮಂಡಗಳಲೆ ಗ್ರಾಮದ ಯುವಕರೊಬ್ಬರಿಗೆ ಕಣ್ಣಿನಲ್ಲಿ ಪದೆ ಪದೆ ಉರಿ ಕಾಣಿಸಿಕೊಳ್ಳುತ್ತಿದ್ದು, ನೀರು ಸುರಿಯುತ್ತಿತ್ತು. ಅಲ್ಲದೇ ಕಣ್ಣು ವಿಪರೀತ ಕೆಂಪಾಗುತ್ತಿತ್ತು. ಈ ಕಾರಣ ಯುವಕ ಸರ್ಕಾರಿ ಆಸ್ಪತ್ರೆಗೆ ತಪಾಸಣೆಗೆಂದು ಬಂದಿದ್ದಾರೆ.</p>.<p>ಅಲ್ಲಿನ ವೈದ್ಯ ಡಾ.ಪ್ರಮೋದ್ ಅವರು ಮೈಕ್ರೋಸ್ಕೋಪ್ ಮೂಲಕ ಪರಿಶೀಲನೆ ನಡೆಸಿದಾಗ ಯುವಕನ ಕಣ್ಣಿನಲ್ಲಿ 3 ಸೆ.ಮೀ. ಉದ್ದದ ಲೋವಲೋವ ಎಂಬ ಸೂಕ್ಷ್ಮ ಹುಳು ಜೀವಂತ ಇರುವುದು ಪತ್ತೆಯಾಗಿದೆ. ಅರ್ಧ ಗಂಟೆಗೂ ಹೆಚ್ಚು ಕಾಲ ಶಸ್ತ್ರಚಿಕಿತ್ಸೆ ನಡೆಸಿದ ವೈದ್ಯರು ಆ ಹುಳುವನ್ನು ಹೊರತೆಗೆಯುವಲ್ಲಿ ಯಶಸ್ವಿಯಾಗಿದ್ದಾರೆ.</p>.<p>ಈ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಡಾ.ಪ್ರಮೋದ್, ‘ಇದೊಂದು ಅಪರೂಪದ ಪ್ರಕರಣವಾಗಿದೆ. ಲೋವಲೋವ ಎಂಬ ಹುಳು ದಕ್ಷಿಣ ಆಫ್ರಿಕಾದಂತಹ ದೇಶದಲ್ಲಿ ಪತ್ತೆಯಾಗಿದೆ. ಮಂಡಗಳಲೆ ಗ್ರಾಮದ ಈ ಯುವಕನ ಕಣ್ಣಿನಲ್ಲಿ ಈ ಹುಳು ಪತ್ತೆಯಾಗಿರುವುದು ಆಶ್ಚರ್ಯದ ಸಂಗತಿ’ ಎಂದರು.</p>.<p>‘ಲೋವಲೋವ ಹುಳು ಕಣ್ಣಿನೊಳಗೆ ಇದ್ದರೆ ಅದು ಪೂರ್ತಿಯಾಗಿ ಕಣ್ಣನ್ನು ಆವರಿಸಿಕೊಂಡು ಕುರುಡುತನ ಉಂಟಾಗುವ ಅಪಾಯವಿತ್ತು. ಹೀಗಾಗಿ ಶಸ್ತ್ರ ಚಿಕಿತ್ಸೆಯ ಮೂಲಕ ಕಣ್ಣಿನೊಳಗಿದ್ದ ಜಂತುವನ್ನು ತೆಗೆದು ಶಿವಮೊಗ್ಗದ ವೈದ್ಯಕೀಯ ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದೆ. ಅಲ್ಲಿಂದ ಹೆಚ್ಚಿನ ಮಾಹಿತಿ ಬರಬೇಕಿದೆ’ ಎಂದು ಹೇಳಿದರು.</p>.<p>ಶಸ್ತ್ರಚಿಕಿತ್ಸೆಗೆ ಡಾ.ಸುಭೋದ್, ಡಾ.ಯಶವಂತ್, ಸಿಬ್ಬಂದಿ ಜುಬೇದಾ ಅಲಿ, ವಸಂತ ಸಹಕರಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
