ಹೊಸನಗರ: ನಿರ್ಮಾತೃವಿನ ಹೆಸರಿನಲ್ಲೊಂದು ದೇವಾಲಯ

ಬಿದನೂರು ನಾಯಕರ ಸಂಸ್ಥಾನದ ಮೇಲೆ ದಂಡೆತ್ತಿ ಬಂದ ಟಿಪ್ಪು ಸುಲ್ತಾನನ ದಾಳಿಗೆ ನಗರ ದ್ವಂಸವಾದ ಪರಿಣಾಮ ಉತ್ತುಂಗ ಸ್ಥಿತಿಯಲ್ಲಿದ್ದ ಭಕ್ತರ ಶ್ರದ್ಧಾಕೇಂದ್ರ ಉಮಾಪತಿ ದೇವಾಲಯವು ಹಂತಕರ ಸಂಚಿಗೆ ಹಾಳಾಯಿತು. ನಿತ್ಯ ಪೂಜೆಗೆ ಒಳಪಡುತ್ತಿದ್ದ ವಿಶಿಷ್ಟ ಪಚ್ಚೆಲಿಂಗ ಮಾಯವಾಯಿತು. ದೇಗುಲ ಹಂತ ಹಂತವಾಗಿ ಹಾಳುಬಿದ್ದು ಕೊಂಪೆಯಾಯಿತು. ನಂತರ 1996ರಲ್ಲಿ ಗ್ರಾಮಸ್ಥರೆಲ್ಲ ಸೇರಿ ಲಿಂಗವನ್ನು ಪುನರ್ ಪ್ರತಿಷ್ಠಾಪಿಸಿ ನಿತ್ಯ ಪೂಜೆ ಮಾಡುತ್ತಿದ್ದಾರೆ. ಶಿವರಾತ್ರಿ ದಿನ ಊರವರೆಲ್ಲ ಸಂಭ್ರಮದಲ್ಲಿ ಪಾಲ್ಗೊಂಡು ಹಬ್ಬ ಆಚರಿಸುವುದು ಇಲ್ಲಿನ ವಾಡಿಕೆಯಾಗಿದೆ. ಹೊಸನಗರದಿಂದ ಉಮಾಪತಿ ದೇವಾಸ್ಥಾನ 5 ಕೀ.ಮೀ ದೂರವಿದ್ದು ಹೋಗಿ ಬರಲು ವಾಹನಗಳ ವ್ಯವಸ್ಥೆ ಇದೆ.