ಹುಳಿಯಾರು: ಜಲ ಸಾಹಸ ತರಬೇತಿ ತಾಣವಾದೀತೆ ಬೋರನಕಣಿವೆ

ಬೋರನಕಣಿವೆ ಜಲಾಶಯದಲ್ಲಿ ಜಲ ಸಾಹಸ ತರಬೇತಿ ಆರಂಭಿಸಿದರೆ ಪ್ರಮುಖವಾಗಿ ಈಜು ತರಬೇತಿ ನೀಡುವ ತಾಣವಾಗುತ್ತದೆ. ಇದರ ಜತೆ ತರಬೇತಿಗೆ ಬರುವ ವಿದ್ಯಾರ್ಥಿಗಳಿಗೆ ಪಕ್ಷಿ ವೀಕ್ಷಣೆ ಪರಿಸರ ಅಧ್ಯಯನಕ್ಕೂ ಸಹಕಾರಿ

40 ವರ್ಷದ ಹಿಂದಿನವರಿಗೆ ಬಿಟ್ಟರೆ ಇಂದಿನ ಯುವಕರಿಗೆ ಶೇ 80ರಷ್ಟು ಮಂದಿಗೆ ಈಜು ಗೊತ್ತಿಲ್ಲ. ಬಾವಿ ಕೆರೆ ಕಟ್ಟೆಗಳಲ್ಲಿ ನೀರಿಲ್ಲದೆ ಈಜು ಕಲಿಯಲು ಆಗುತ್ತಿಲ್ಲ. ಇನ್ನೂ ಬೋರನಕಣಿವೆ ಜಲಾಶಯದಲ್ಲಿ ನೀರಿದ್ದರೂ ಸುತ್ತಮುತ್ತಲ ಜನರಿಗೆ ಈಜು ಕಲಿಯಲು ಆಗಿಲ್ಲ. ಸುರಕ್ಷಿತವಾಗಿ ಈಜು ಕಲಿಯಲು ಅವಕಾಶವಿಲ್ಲದ ಕಾರಣ ಸ್ಥಳೀಯರು ಜಲಾಶಯದಲ್ಲಿ ಈಜು ಕಲಿಯಲು ಭಯ ಪಡುತ್ತಾರೆ. ಜಲ ಸಾಹಸ ತರಬೇತಿ ಆರಂಭಿಸಿದರೆ ಎಷ್ಟೋ ಜಲ ಕಂಟಕ ನಿವಾರಣೆ ಜತೆ ಅವರ ರಕ್ಷಣೆಗೂ ಒತ್ತು ನೀಡಿದಂತಾಗುತ್ತದೆ.