ಶಿರಸಿ | ಮಳೆ ಕೊರತೆ: ಅನಾನಸ್ ಗಾತ್ರ ಕುಂಠಿತ

ಬನವಾಸಿ ಭಾಗದಲ್ಲಿ ಹಲವು ರೈತರು ಮಳೆ ಕೊರತೆಯ ಕಾರಣಕ್ಕೆ ಭತ್ತ ಕೃಷಿಯಿಂದ ವಿಮುಖರಾಗಿ ಅನಾನಸ್ ಬೆಳೆ ಬೆಳೆದಿದ್ದಾರೆ. ಬನವಾಸಿ ಭಾಶಿ ಅಂಡಗಿ ನರೂರು ಗುಡ್ನಾಪುರ ಸೇರಿದಂತೆ ವಿವಿಧ ಗ್ರಾಮಗಳಲ್ಲಿ ಸುಮಾರು 350 ಎಕರೆಗೂ ಹೆಚ್ಚು ಪ್ರದೇಶದಲ್ಲಿ ಅನಾನಸ್ ಬೆಳೆಯಲಾಗುತ್ತಿದೆ. ಕೆಲವೆಡೆ ಕೊಯ್ಲು ನಡೆದರೆ ಇನ್ನೂ ಕೆಲವೆಡೆ ಬೆಳವಣಿಗೆ ಹಂತದಲ್ಲಿದೆ. ಆದರೆ ಕೊಳವೆ ಬಾವಿಗಳಲ್ಲಿಯೂ ನೀರು ಸರಿಯಾಗಿ ಸಿಗದ ಕಾರಣ ಇಳುವರಿ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತಿದೆ.