ಹುಡಾ ನಿವೇಶನ ಅಭಿವೃದ್ಧಿಗೆ ಹಸಿರು ನಿಶಾನೆ

ಹೊಸಪೇಟೆ (ವಿಜಯನಗರ): ತಾಲ್ಲೂಕಿನ ಇಂಗಳಗಿಯಲ್ಲಿ ಹೊಸಪೇಟೆ ನಗರಾಭಿವೃದ್ಧಿ ಪ್ರಾಧಿಕಾರ (ಹುಡಾ) ಅಭಿವೃದ್ಧಿಪಡಿಸಲಿರುವ ನಿವೇಶನದ ಅಭಿವೃದ್ಧಿ ಅಂದಾಜು ಪಟ್ಟಿಗೆ ನಗರಾಭಿವೃದ್ಧಿ ಇಲಾಖೆ ಗುರುವಾರ ಒಪ್ಪಿಗೆ ನೀಡುವುದರ ಮೂಲಕ ಶೀಘ್ರ ಕಾಮಗಾರಿ ನಡೆಯುವುದು ನಿಶ್ಚಿತವಾಗಿದೆ.

. ಆಗಸ್ಟ್ 22ರಂದು ನಡೆದ ಸಚಿವ ಸಂಪುಟ ಸಭೆಯಲ್ಲಿ ಇಂಗಳಗಿಯ ವಿವಿಧ ಸರ್ವೆ ನಂಬರ್ಗಳಲ್ಲಿನ 24.24 ಎಕರೆ ಜಮೀನಿನಲ್ಲಿ ಶೇ 50:50 ಅನುಪಾತದಲ್ಲಿ ಕೈಗೊಳ್ಳಲು ಉದ್ದೇಶಿಸಿರುವ ವಸತಿ ಯೋಜನೆಯ ₹11.76 ಕೋಟಿ ಪರಿಷ್ಕೃತ ಅಂದಾಜಿಗೆ ಆಡಳಿತಾತ್ಮಕ ಅನುಮೋದನೆ ನೀಡಲಾಗಿತ್ತು. ಶಾಸಕ ಎಚ್.ಆರ್.ಗವಿಯಪ್ಪ ಅವರು ಗುರುವಾರ ಬೆಂಗಳೂರಿನಲ್ಲಿ ಇಲಾಖೆಯ ಅಧಿಕಾರಿಗಳ ಸಮ್ಮುಖದಲ್ಲೇ ಕುಳಿತು ಪರಿಷ್ಕೃತ ಅಂದಾಜಿಗೆ ಇಲಾಖೆಯ ಒಪ್ಪಿಗೆ ದೊರಕಿಸಿಕೊಟ್ಟರು. ಈ ಸಂಬಂಧ ಆದೇಶದ ಪ್ರತಿ ‘ಪ್ರಜಾವಾಣಿ’ಗೆ ಲಭ್ಯವಾಗಿದೆ.

. ಇಂಗಳಗಿ ಗ್ರಾಮದ ಸ.ನಂ.237/ಬಿ2ರಲ್ಲಿ 2.22ಎಕರೆ, 247ರಲ್ಲಿ 5.54 ಎಕರೆ, 248ಎ ರಲ್ಲಿ 10.96 ಎಕರೆ, 248 ಬಿ ರಲ್ಲಿ 5.52 ಎಕರೆ ಸ್ಥಳ ಇದೆ. 2018–19ನೇ ಸಾಲಿನ ದರಪಟ್ಟಿಯಂತೆ ಈ ಮೊದಲು ₹8.42 ಕೋಟಿ ಅಂದಾಜು ಮೊತ್ತ ನಿಗದಿಪಡಿಸಿ ಸರ್ಕಾರಕ್ಕೆ ಪ್ರಸ್ತಾವ ಸಲ್ಲಿಸಲಾಗಿತ್ತು. ಈಗ ವೆಚ್ಚ ಅಧಿಕವಾಗಿರುವ ಕಾರಣ ಪರಿಷ್ಕೃತ ಅಂದಾಜು ಪಟ್ಟಿ ಸಲ್ಲಿಸಲಾಗಿತ್ತು. ಅದಕ್ಕೆ ಇದೀಗ ಇಲಾಖೆಯ ಅಂತಿಮ ಒಪ್ಪಿಗೆ ಲಭಿಸಿದೆ.

. ‘ಹುಡಾ’ ಅಧ್ಯಕ್ಷರಾಗಿ ಆಯ್ಕೆಯಾದ ತಕ್ಷಣ ಎಚ್.ಎನ್.ಎಫ್. ಮೊಹಮ್ಮದ್ ಇಮಾಮ್ ನಿಯಾಜಿ ಅವರು ಜಿಲ್ಲಾ ಉಸ್ತುವಾರಿ ಸಚಿವರ ಮೂಲಕ ಇಂಗಳಗಿ ನಿವೇಶನದ ಕಡತ ವಿಲೇವಾರಿಗೆ ಕ್ರಮ ಕೈಗೊಂಡಿದ್ದರು. ಅದರಂತೆ ಸಂಪುಟ ಸಭೆಯಲ್ಲಿ ಒಪ್ಪಿಗೆ ದೊರೆತಿತ್ತು. ಇದೀಗ ಶಾಸಕ ಎಚ್.ಆರ್.ಗವಿಯಪ್ಪ ಅವರು ಖುದ್ದಾಗಿ ನಗರಾಭಿವೃದ್ಧಿ ಇಲಾಖೆಯ ಅಧಿಕಾರಿಗಳನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಕೆಲವೇ ದಿನಗಳಲ್ಲಿ ಯೋಜನೆಗೆ ಅನುಮತಿ ದೊರಕಿಸಿಕೊಟ್ಟಿದ್ದಾರೆ.

. ತಂಡ ಕೆಲಸ: ‘ಹಳೆಯ ಯೋಜನೆ ಇದಾಗಿತ್ತು, ಹುಡಾ ಆಯುಕ್ತರು ಈ ನಿಟ್ಟಿನಲ್ಲಿ ಉತ್ತಮವಾಗಿ ಕೆಲಸ ಮಾಡಿದ್ದರು. ಹಾಲಿ ಅಧ್ಯಕ್ಷರ ಪ್ರಯತ್ನವೂ ಶ್ಲಾಘನೀಯ. ತಂಡ ರೀತಿಯಲ್ಲಿ ಕೆಲಸ ಮಾಡಿದ್ದು, ಹೊಸಪೇಟೆ ಜನತೆಗೆ ಬೇಗ ಪ್ರಯೋಜನ ಸಿಗಬೇಕು ಎಂಬುದೇ ನಮ್ಮೆಲ್ಲರ ಉದ್ದೇಶ’ ಎಂದು ಶಾಸಕ ಎಚ್.ಆರ್.ಗವಿಯಪ್ಪ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಹಣದ ಲೆಕ್ಕಾಚಾರ: ನಿವೇಶನ ಅಭಿವೃದ್ಧಿಗೆ ಸಮ್ಮತಿ ಸೂಚಿಸುವಾಗ ನಗರಾಭಿವೃದ್ಧಿ ಇಲಾಖೆ ಹಣದ ಲೆಕ್ಕಾಚಾರವನ್ನು ಬಹಳ ಸೂಕ್ಷ್ಮವಾಗಿ ಗಮನಿಸಿದ್ದು, ಸರ್ಕಾರದಿಂದ ಹೆಚ್ಚುವರಿ ದುಡ್ಡು ಪಡೆಯುವಂತಿಲ್ಲ ಎಂದು ತಿಳಿಸಿದೆ. ‘ಹುಡಾ’ ಆಯುಕ್ತರು ಈ ನಿಟ್ಟಿನಲ್ಲಿ ವಿವರವಾದ ಲೆಕ್ಕಾಚಾರ ನೀಡಿದ್ದಾರೆ. ₹7.92 ಕೋಟಿಯನ್ನು ಭದ್ರತಾ ಠೇವಣಿ ರೂಪದಲ್ಲಿ ಇರಿಸಲು, ₹2.82 ಕೋಟಿಯನ್ನು ನಿಧಿ ಉಳಿತಾಯ ಖಾತೆಯಲ್ಲಿ ಇರಿಸಲು ಒಪ್ಪಿದ್ದಾರೆ. ಮೂಲೆ ನಿವೇಶನಗಳ ಹರಾಜಿನ ಮೂಲಕ ಬಂದ ₹1.15 ಕೋಟಿ ಸಂಗ್ರಹವಾಗಲಿದೆ ಎಂದಿದ್ದಾರೆ. ವಾಣಿಜ್ಯ ಪ್ಲಾಟ್ಗಳ ಮಾರಾಟದ ಮೂಲಕ ಬಂದ ₹2 ಕೋಟಿ ದುಡ್ಡು 2023–24ನೇ ಸಾಲಿನ ಬಜೆಟ್ ಆಗಿದೆ ಎಂದು ತಿಳಿಸಿದ್ದರು. ಈ ಎಲ್ಲ ಆರ್ಥಿಕ ಸ್ಥಿತಿ ಗಮನಿಸಿದ ಇಲಾಖೆ, ಇದೊಂದು ಆರ್ಥಿಕವಾಗಿ ಸದೃಢ ಯೋಜನೆ ಎಂದು ಪರಿಗಣಿಸಿ ನಿವೇಶನ ಅಭಿವೃದ್ಧಿಗೆ ಒಪ್ಪಿಗೆ ನೀಡಿದೆ.

. ಸತತ ಪ್ರಯತ್ನದ ಫಲವಾಗಿ ಇಲಾಖೆಯ ಸಚಿವರು ಅಧಿಕಾರಿಗಳು ನಿವೇಶನ ಅಭಿವೃದ್ಧಿಗೆ ಅನುಮೋದನೆ ನೀಡಿ ಹೊಸಪೇಟೆ ಜನತೆಗೆ ನಿವೇಶನ ಭಾಗ್ಯ ಕರುಣಿಸಲು ಸಹಕರಿಸಿದ್ದಾರೆ ಎಚ್.ಆರ್.ಗವಿಯಪ್ಪ ಶಾಸಕ . ಲೇಔಟ್ ಅಭಿವೃದ್ಧಿ–ಷರತ್ತುಗಳು ಲೇಔಟ್ ಅಭಿವೃದ್ಧಿಯ ಆರಂಭದಲ್ಲಿ ಪ್ರಾಧಿಕಾರ ಒಟ್ಟು ವೆಚ್ಚದ ಶೇ 15ರಷ್ಟು ಹೂಡಿಕೆ ಮಾಡಬೇಕು

ಭೂಮಾಲೀಕರೊಂದಿಗೆ 50:50 ಅನುಪಾತವನ್ನು ಕಡ್ಡಾಯವಾಗಿ ಪಾಲಿಸಬೇಕು ನಿವೇಶನ ಹಂಚಿಕೆ ನಿಯಮದಂತೆ ಮೊದಲಾಗಿ ನಿವೇಶನ ಗುರುತಿಸಿ ನೀಡಬೇಕು

ನಿವೇಶನ ಹಂಚಿಕೆಯಾದವರಿಂದ 2ರಿಂದ 3 ಕಂತುಗಳಲ್ಲಿ ಮೊತ್ತ ಸಂಗ್ರಹಿಸಬೇಕು ಎಂಬ ಷರತ್ತು ವಿಧಿಸಲಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹುಡಾ ನಿವೇಶನ ಅಭಿವೃದ್ಧಿಗೆ ಹಸಿರು ನಿಶಾನೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು