ಹಂಪಿ ಉತ್ಸವ: ಅತ್ಯಂತ ಜನಪ್ರಿಯ ಧ್ವನಿಬೆಳಕಿಗೆ ಮಂಕು?

ಮುಖ್ಯ ವೇದಿಕೆಯಲ್ಲಿ ಬಾಲಿವುಡ್ ಗಾಯಕರು ಕಲಾವಿದರು ಪ್ರದರ್ಶನ ನೀಡುತ್ತಿದ್ದರೂ ಅದೇ ಹೊತ್ತಿನಲ್ಲಿ ಧ್ವನಿ ಬೆಳಕಿನ ಕಾರ್ಯಕ್ರವನ್ನು ಕಿಕ್ಕಿರಿದು ಜನ ನೋಡುವುದೇ ಇದರ ವೈಶಿಷ್ಟ್ಯ. ಮುಖ್ಯ ವೇದಿಕೆ ಬಿಕೋ ಎಂದು ಹೇಳಿದ ಅದೆಷ್ಟೋ ನಿದರ್ಶನ ಇದೆ. ಆದರೆ ಆನೆಸಾಲು ಪ್ರದೇಶದಲ್ಲಿ ನಡೆಯುವ ಧ್ವನಿ ಬೆಳಕು ಕಾರ್ಯಕ್ರಮ ಮಾತ್ರ ಪ್ರೇಕ್ಷಕರಿಲ್ಲದೆ ಸಪ್ಪೆಯಾದ ನಿದರ್ಶನವೇ ಇಲ್ಲ. ಸ್ಥಳೀಯ 110 ಮಂದಿ ಕಲಾವಿದರು ಹಿನ್ನೆಲೆ ಧ್ವನಿಗೆ ಮುಂಭಾಗದ ಬೆಳಕಿಗೆ ತಮ್ಮ ವೇಷಭೂಷಣದೊಂದಿಗೆ ವೇದಿಕೆಗೆ ಬಂದು ದೃಶ್ಯಕಾವ್ಯ ಕಟ್ಟಿಕೊಡುವ ಕಾರ್ಯಕ್ರಮಕ್ಕೆ ಈ ಬಾರಿಯೂ ಮಂಕು ಕವಿಯಬಾರದು ಎಂದು ಅನೇಕ ಮಂದಿ ಸ್ಥಳೀಯರು ಹಾಗೂ ಕಲಾವಿದರು ಹೇಳಿದರು.