<p><strong>ವಿಜಯಪುರ:</strong>ಮಕ್ಕಳ ಸಾಹಿತ್ಯದ ತವರೂರು ಎಂದೇ ಮನೆ ಮಾತಾದ ವಿಜಯಪುರ ಜಿಲ್ಲೆಯ ಮುಕುಟಕ್ಕೆ ಮತ್ತೊಂದು ಪ್ರಶಸ್ತಿಯ ಗರಿ ಸೇರ್ಪಡೆಯಾಗಿದೆ. ಮಕ್ಕಳ ಸಾಹಿತಿ ಶರಣಪ್ಪ ಕಂಚ್ಯಾಣಿ ಅವರಿಗೆ ಕೇಂದ್ರ ಸಾಹಿತ್ಯ ಅಕಾಡೆಮಿ 2018ನೇ ಸಾಲಿನ ‘ಬಾಲ ಸಾಹಿತ್ಯ ಪುರಸ್ಕಾರ’ ಘೋಷಿಸಿದೆ.</p>.<p>ಐದು ದಶಕಗಳಿಗೂ ಹೆಚ್ಚು ಕಾಲದಿಂದ ಮಕ್ಕಳ ಸಾಹಿತ್ಯ ಕ್ಷೇತ್ರದಲ್ಲಿ ಕೃಷಿ ನಡೆಸುತ್ತಿರುವ ವಿಜಯಪುರದ ಹೆಮ್ಮೆಯ ಪುತ್ರ, ಕಂಚ್ಯಾಣಿ ಅಜ್ಜ ಎಂದೇ ಹೆಸರಾದ ‘ಶರಣಪ್ಪ ಕಂಚ್ಯಾಣಿ’ ಅವರಿಗೆ ಕೇಂದ್ರ ಸಾಹಿತ್ಯ ಅಕಾಡೆಮಿಯ ಪ್ರಶಸ್ತಿ ಲಭಿಸಿರುವುದಕ್ಕೆ ಮಕ್ಕಳ ಸಾಹಿತ್ಯ ವಲಯ ಸಂಭ್ರಮಿಸಿದೆ.</p>.<p>ಅಕಾಡೆಮಿ ಕಂಚ್ಯಾಣಿಯಜ್ಜನಿಗೆ ಪ್ರಶಸ್ತಿ ಘೋಷಿಸಿದ ಬೆನ್ನಿಗೆ ರಾಜ್ಯದ ವಿವಿಧೆಡೆಯಿಂದ ಅಭಿನಂದನೆಗಳ ಮಹಾಪೂರವೇ ಹರಿದು ಬಂದಿದೆ. ಪ್ರಶಸ್ತಿ ಲಭಿಸಿದ್ದಕ್ಕೆ ಶರಣಪ್ಪ ಕಂಚ್ಯಾಣಿ ಸಹ ‘ಪ್ರಜಾವಾಣಿ’ ಜತೆ ತಮ್ಮ ಸಂತಸ ಹಂಚಿಕೊಂಡರು.</p>.<p>‘ಕೇಂದ್ರ ಸಾಹಿತ್ಯ ಅಕಾಡೆಮಿಯ ಪ್ರಶಸ್ತಿಯನ್ನೂ ಎಂದೂ ನಿರೀಕ್ಷಿಸಿರಲಿಲ್ಲ. ಇದು ಅನಿರೀಕ್ಷಿತ. ತುಂಬಾ ಖುಷಿಯಾಗಿದೆ. ನನಗೆ ಪ್ರಶಸ್ತಿ ಲಭಿಸಿತು ಎಂಬುವ ಸಂತೋಷಕ್ಕಿಂತ ಮಕ್ಕಳ ಸಾಹಿತ್ಯದ ತವರೂರಿಗೆ ಈ ಪುರಸ್ಕಾರ ದೊರೆತಿದೆ ಎಂಬುದು ನನ್ನ ಸಂತಸವನ್ನು ಇಮ್ಮಡಿಗೊಳಿಸಿದೆ’ ಎಂದು ಪ್ರತಿಕ್ರಿಯಿಸಿದರು.</p>.<p><strong>ಕಂಚ್ಯಾಣಿಯಜ್ಜನ ಕುರಿತಂತೆ...</strong></p>.<p>ಮುದ್ದೇಬಿಹಾಳ ತಾಲ್ಲೂಕಿನ ಸರೂರ ಹುಟ್ಟೂರು. ತಂದೆ ಶಿವಸಂಗಪ್ಪ ಕಂಚ್ಯಾಣಿ. ತಾಯಿ ರುದ್ರಮ್ಮ. 1930ರ ಜನವರಿ 3ರಂದು ಜನನ. ಪತ್ನಿ ಬಸವಂತೆಮ್ಮ ಶರಣಪ್ಪ ಕಂಚ್ಯಾಣಿ. ಐವರು ಗಂಡು ಮಕ್ಕಳು, ಮೂವರು ಹೆಣ್ಣು ಮಕ್ಕಳು, 27 ಮೊಮ್ಮಕ್ಕಳು, 33 ಮರಿಮಕ್ಕಳ ತುಂಬು ಸಂಸಾರ.</p>.<p>ಪ್ರಾಥಮಿಕ ಶಾಲೆಯ ನಿವೃತ್ತ ಶಿಕ್ಷಕರು.ಮಕ್ಕಳು ಪದವಿ ಪಡೆದ ನಂತರ ದೂರ ಶಿಕ್ಷಣ ಅಧ್ಯಯನದಲ್ಲಿ ಸ್ನಾತಕೋತ್ತರ ಪದವಿ ಪಡೆದರು.ಮಕ್ಕಳ ಕವನ, ಕಥೆ ಪುಸ್ತಕ ಪ್ರಕಟಗೊಂಡ ಬಳಿಕ ಶರಣಪ್ಪ ಅವರ ಪುಸ್ತಕಗಳು ಪ್ರಕಟವಾದವು.</p>.<p>ಪ್ರೊ.ರೋಹಡೆಕರ್ ಶ್ಯಾಮರಾಯರು ಹಾಗೂ ಹೆಣ್ಣು ಮಕ್ಕಳ ಜೋಗುಳ, ಲಾವಣಿ, ಆಟದ ಹಾಡುಗಳಿಂದ ಮಕ್ಕಳ ಸಾಹಿತ್ಯಕ್ಕೆ ಪ್ರೇರೇಪಣೆ. ಸಹೋದ್ಯೋಗಿ ಶಿ.ಶು.ಸಂಗಮೇಶ ಪ್ರಭಾವ, ಸಹಪಾಠಿ ಶಂ.ಗು.ಬಿರಾದಾರ ಒಡನಾಟದಿಂದ ಮಕ್ಕಳ ಸಾಹಿತ್ಯದಲ್ಲೇ ಕೃಷಿ ಮಾಡಿದರು.</p>.<p>ಮಕ್ಕಳ ಪ್ರಪಂಚಕ್ಕೆ ಬದುಕನ್ನು ಮುಡಿಪಾಗಿಟ್ಟು.88ರ ಹರೆಯದಲ್ಲೂ ಬತ್ತದ ಉತ್ಸಾಹದಲ್ಲಿಮಕ್ಕಳ ಸಾಹಿತ್ಯ ರಚಿಸುತ್ತಿದ್ದಾರೆ.</p>.<p>ಅಂಗನವಾಡಿ, ಶಿಶುವಿಹಾರ, ಬಾಲವಾಡಿಗಳಲ್ಲಿ ಮಕ್ಕಳಿಗಾಗಿ ಬೇಕಾದ ಸಾಹಿತ್ಯದ ಕೊರತೆಯಿದೆ ಎಂಬ ಚಡಪಡಿಕೆ ಕಂಚ್ಯಾಣಿಯಜ್ಜನದಾಗಿದೆ. ಇದೂವರೆಗೂ ಕಂಚ್ಯಾಣಿ ಶರಣಪ್ಪ ಕಾವ್ಯನಾಮಾಂಕಿತದಲ್ಲಿ 22 ಸಾಹಿತ್ಯ ಕೃತಿ ಪ್ರಕಟವಾಗಿವೆ. ಕೇಂದ್ರ ಸಾಹಿತ್ಯ ಅಕಾಡೆಮಿಯ ಬಾಲ ಸಾಹಿತ್ಯ ಪುರಸ್ಕಾರ ಸೇರಿದಂತೆ 26 ವಿವಿಧ ಪ್ರಶಸ್ತಿ, ಪುರಸ್ಕಾರ ಇವರಿಗೆ ಸಂದಿವೆ.</p>.<p>ಮಕ್ಕಳ ಸಾಹಿತ್ಯ ಪರಿಪೂರ್ಣ. ಎಲ್ಲ ಸಾಹಿತ್ಯದ ಭದ್ರ ಬುನಾದಿ. ಈ ಸಾಹಿತ್ಯದಿಂದಲೇ ಉಳಿದ ಸಾಹಿತ್ಯ ಅಭಿವೃದ್ಧಿಯಾಗಿದೆ ಎಂದರೇ ತಪ್ಪಾಗಲಾರದು<br />– <strong>ಶರಣಪ್ಪ ಕಂಚ್ಯಾಣಿ, ಮಕ್ಕಳ ಸಾಹಿತಿ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಿಜಯಪುರ:</strong>ಮಕ್ಕಳ ಸಾಹಿತ್ಯದ ತವರೂರು ಎಂದೇ ಮನೆ ಮಾತಾದ ವಿಜಯಪುರ ಜಿಲ್ಲೆಯ ಮುಕುಟಕ್ಕೆ ಮತ್ತೊಂದು ಪ್ರಶಸ್ತಿಯ ಗರಿ ಸೇರ್ಪಡೆಯಾಗಿದೆ. ಮಕ್ಕಳ ಸಾಹಿತಿ ಶರಣಪ್ಪ ಕಂಚ್ಯಾಣಿ ಅವರಿಗೆ ಕೇಂದ್ರ ಸಾಹಿತ್ಯ ಅಕಾಡೆಮಿ 2018ನೇ ಸಾಲಿನ ‘ಬಾಲ ಸಾಹಿತ್ಯ ಪುರಸ್ಕಾರ’ ಘೋಷಿಸಿದೆ.</p>.<p>ಐದು ದಶಕಗಳಿಗೂ ಹೆಚ್ಚು ಕಾಲದಿಂದ ಮಕ್ಕಳ ಸಾಹಿತ್ಯ ಕ್ಷೇತ್ರದಲ್ಲಿ ಕೃಷಿ ನಡೆಸುತ್ತಿರುವ ವಿಜಯಪುರದ ಹೆಮ್ಮೆಯ ಪುತ್ರ, ಕಂಚ್ಯಾಣಿ ಅಜ್ಜ ಎಂದೇ ಹೆಸರಾದ ‘ಶರಣಪ್ಪ ಕಂಚ್ಯಾಣಿ’ ಅವರಿಗೆ ಕೇಂದ್ರ ಸಾಹಿತ್ಯ ಅಕಾಡೆಮಿಯ ಪ್ರಶಸ್ತಿ ಲಭಿಸಿರುವುದಕ್ಕೆ ಮಕ್ಕಳ ಸಾಹಿತ್ಯ ವಲಯ ಸಂಭ್ರಮಿಸಿದೆ.</p>.<p>ಅಕಾಡೆಮಿ ಕಂಚ್ಯಾಣಿಯಜ್ಜನಿಗೆ ಪ್ರಶಸ್ತಿ ಘೋಷಿಸಿದ ಬೆನ್ನಿಗೆ ರಾಜ್ಯದ ವಿವಿಧೆಡೆಯಿಂದ ಅಭಿನಂದನೆಗಳ ಮಹಾಪೂರವೇ ಹರಿದು ಬಂದಿದೆ. ಪ್ರಶಸ್ತಿ ಲಭಿಸಿದ್ದಕ್ಕೆ ಶರಣಪ್ಪ ಕಂಚ್ಯಾಣಿ ಸಹ ‘ಪ್ರಜಾವಾಣಿ’ ಜತೆ ತಮ್ಮ ಸಂತಸ ಹಂಚಿಕೊಂಡರು.</p>.<p>‘ಕೇಂದ್ರ ಸಾಹಿತ್ಯ ಅಕಾಡೆಮಿಯ ಪ್ರಶಸ್ತಿಯನ್ನೂ ಎಂದೂ ನಿರೀಕ್ಷಿಸಿರಲಿಲ್ಲ. ಇದು ಅನಿರೀಕ್ಷಿತ. ತುಂಬಾ ಖುಷಿಯಾಗಿದೆ. ನನಗೆ ಪ್ರಶಸ್ತಿ ಲಭಿಸಿತು ಎಂಬುವ ಸಂತೋಷಕ್ಕಿಂತ ಮಕ್ಕಳ ಸಾಹಿತ್ಯದ ತವರೂರಿಗೆ ಈ ಪುರಸ್ಕಾರ ದೊರೆತಿದೆ ಎಂಬುದು ನನ್ನ ಸಂತಸವನ್ನು ಇಮ್ಮಡಿಗೊಳಿಸಿದೆ’ ಎಂದು ಪ್ರತಿಕ್ರಿಯಿಸಿದರು.</p>.<p><strong>ಕಂಚ್ಯಾಣಿಯಜ್ಜನ ಕುರಿತಂತೆ...</strong></p>.<p>ಮುದ್ದೇಬಿಹಾಳ ತಾಲ್ಲೂಕಿನ ಸರೂರ ಹುಟ್ಟೂರು. ತಂದೆ ಶಿವಸಂಗಪ್ಪ ಕಂಚ್ಯಾಣಿ. ತಾಯಿ ರುದ್ರಮ್ಮ. 1930ರ ಜನವರಿ 3ರಂದು ಜನನ. ಪತ್ನಿ ಬಸವಂತೆಮ್ಮ ಶರಣಪ್ಪ ಕಂಚ್ಯಾಣಿ. ಐವರು ಗಂಡು ಮಕ್ಕಳು, ಮೂವರು ಹೆಣ್ಣು ಮಕ್ಕಳು, 27 ಮೊಮ್ಮಕ್ಕಳು, 33 ಮರಿಮಕ್ಕಳ ತುಂಬು ಸಂಸಾರ.</p>.<p>ಪ್ರಾಥಮಿಕ ಶಾಲೆಯ ನಿವೃತ್ತ ಶಿಕ್ಷಕರು.ಮಕ್ಕಳು ಪದವಿ ಪಡೆದ ನಂತರ ದೂರ ಶಿಕ್ಷಣ ಅಧ್ಯಯನದಲ್ಲಿ ಸ್ನಾತಕೋತ್ತರ ಪದವಿ ಪಡೆದರು.ಮಕ್ಕಳ ಕವನ, ಕಥೆ ಪುಸ್ತಕ ಪ್ರಕಟಗೊಂಡ ಬಳಿಕ ಶರಣಪ್ಪ ಅವರ ಪುಸ್ತಕಗಳು ಪ್ರಕಟವಾದವು.</p>.<p>ಪ್ರೊ.ರೋಹಡೆಕರ್ ಶ್ಯಾಮರಾಯರು ಹಾಗೂ ಹೆಣ್ಣು ಮಕ್ಕಳ ಜೋಗುಳ, ಲಾವಣಿ, ಆಟದ ಹಾಡುಗಳಿಂದ ಮಕ್ಕಳ ಸಾಹಿತ್ಯಕ್ಕೆ ಪ್ರೇರೇಪಣೆ. ಸಹೋದ್ಯೋಗಿ ಶಿ.ಶು.ಸಂಗಮೇಶ ಪ್ರಭಾವ, ಸಹಪಾಠಿ ಶಂ.ಗು.ಬಿರಾದಾರ ಒಡನಾಟದಿಂದ ಮಕ್ಕಳ ಸಾಹಿತ್ಯದಲ್ಲೇ ಕೃಷಿ ಮಾಡಿದರು.</p>.<p>ಮಕ್ಕಳ ಪ್ರಪಂಚಕ್ಕೆ ಬದುಕನ್ನು ಮುಡಿಪಾಗಿಟ್ಟು.88ರ ಹರೆಯದಲ್ಲೂ ಬತ್ತದ ಉತ್ಸಾಹದಲ್ಲಿಮಕ್ಕಳ ಸಾಹಿತ್ಯ ರಚಿಸುತ್ತಿದ್ದಾರೆ.</p>.<p>ಅಂಗನವಾಡಿ, ಶಿಶುವಿಹಾರ, ಬಾಲವಾಡಿಗಳಲ್ಲಿ ಮಕ್ಕಳಿಗಾಗಿ ಬೇಕಾದ ಸಾಹಿತ್ಯದ ಕೊರತೆಯಿದೆ ಎಂಬ ಚಡಪಡಿಕೆ ಕಂಚ್ಯಾಣಿಯಜ್ಜನದಾಗಿದೆ. ಇದೂವರೆಗೂ ಕಂಚ್ಯಾಣಿ ಶರಣಪ್ಪ ಕಾವ್ಯನಾಮಾಂಕಿತದಲ್ಲಿ 22 ಸಾಹಿತ್ಯ ಕೃತಿ ಪ್ರಕಟವಾಗಿವೆ. ಕೇಂದ್ರ ಸಾಹಿತ್ಯ ಅಕಾಡೆಮಿಯ ಬಾಲ ಸಾಹಿತ್ಯ ಪುರಸ್ಕಾರ ಸೇರಿದಂತೆ 26 ವಿವಿಧ ಪ್ರಶಸ್ತಿ, ಪುರಸ್ಕಾರ ಇವರಿಗೆ ಸಂದಿವೆ.</p>.<p>ಮಕ್ಕಳ ಸಾಹಿತ್ಯ ಪರಿಪೂರ್ಣ. ಎಲ್ಲ ಸಾಹಿತ್ಯದ ಭದ್ರ ಬುನಾದಿ. ಈ ಸಾಹಿತ್ಯದಿಂದಲೇ ಉಳಿದ ಸಾಹಿತ್ಯ ಅಭಿವೃದ್ಧಿಯಾಗಿದೆ ಎಂದರೇ ತಪ್ಪಾಗಲಾರದು<br />– <strong>ಶರಣಪ್ಪ ಕಂಚ್ಯಾಣಿ, ಮಕ್ಕಳ ಸಾಹಿತಿ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
