ಯಾದಗಿರಿ: ಮಿನಿ ಸಮರಕ್ಕೆ ‘ಮುಹೂರ್ತ’ ನಿಗದಿ

ಜಿಲ್ಲೆಯಲ್ಲಿ ಈಗಾಗಲೇ ಶಕ್ತಿ ಕೇಂದ್ರದಲ್ಲಿ ಮೂವರು ಮಹಿಳಾ ಅಧಿಕಾರಿಗಳು ಕಾರುಬಾರು ಮಾಡುತ್ತಿದ್ದಾರೆ. ಇದರ ಜತೆಗೆ ಈಗ ಸ್ಥಳೀಯ ಸಂಸ್ಥೆಗಳಲ್ಲಿ ಮೀಸಲಾತಿ ನೆರವಿನಿಂದ ಅಧ್ಯಕ್ಷ ಉಪಾಧ್ಯಕ್ಷ ಸ್ಥಾನ ಮಹಿಳೆಯರಿಗೆ ಲಭಿಸಿದ್ದು ಮಹಿಳಾ ಮಣಿಗಳ ಅಧಿಕಾರ ಚಲಾವಣೆ ನಡೆಯಲಿದೆ.

ಜಿಲ್ಲೆಯ ಸ್ಥಳೀಯ ಸಂಸ್ಥೆಗಳಿಗೆ ಈಗ ನಡೆಯಲಿರುವುದು 10ನೇ ಅವಧಿಯಾಗಿದೆ. ಜಿಲ್ಲೆಯ ನಗರಸಭೆ ಪುರಸಭೆ ಹಾಗೂ ಪಟ್ಟಣ ಪಂಚಾಯಿತಿಗೆ 10 ಅವಧಿಗೆ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷರ ಚುನಾವಣೆ  ನಡೆಯಲಿದೆ. ಚುನಾವಣಾ ಅಧಿಕಾರಿಗಳ ನೇಮಕ ಜಿಲ್ಲೆಯ ಮೂರು ನಗರಸಭೆ ಮೂರು ಪುರಸಭೆ ಒಂದು ಪಟ್ಟಣ ಪಂಚಾಯಿತಿಗೆ ಜಿಲ್ಲಾಧಿಕಾರಿ ಡಾ. ಸುಶೀಲಾ ಬಿ ಅವರು ಚುನಾವಣೆ ಅಧಿಕಾರಿಗಳನ್ನು ನೇಮಿಸಿ ಆದೇಶ ಹೊರಡಿಸಿದ್ದಾರೆ. ಯಾದಗಿರಿ ಶಹಾಪುರ ಸುರಪುರ ನಗರಸಭೆಗಳಿಗೆ ಉಪವಿಭಾಗಾಧಿಕಾರಿ ಚುನಾವಣೆ ಅಧಿಕಾರಿ. ಕಕ್ಕೇರಾ ಕೆಂಭಾವಿ ಪುರಸಭೆಗೆ ಸುರಪುರ ತಹಶೀಲ್ದಾರ್ ಗುರುಮಠಕಲ್ ಪುರಸಭೆಗೆ ಗುರುಮಠಕಲ್ ತಹಶೀಲ್ದಾರ್ ಹುಣಸಗಿ ಪಟ್ಟಣ ಪಂಚಾಯಿತಿಗೆ ಹುಣಸಗಿ ತಹಶೀಲ್ದಾರ್ ಅವರನ್ನು ಚುನಾವಣೆ ಅಧಿಕಾರಿಗಳಾನ್ನಾಗಿ ನೇಮಿಸಲಾಗಿದೆ.