ಸುರಪುರ: ಸೋತರೂ ಗಮನಸೆಳೆದ ಉಮೇದುವಾರರು

ಕುರುಬ ಸಮಾಜದ ಮುಖಂಡರಾಗಿದ್ದ ಶಿವಣ್ಣ ಮಂಗಿಹಾಳ ಅವರು 1978ರಲ್ಲಿ ರೆಡ್ಡಿ ಕಾಂಗ್ರೆಸ್‍ನಿಂದ 1985 ಮತ್ತು 1989ರಲ್ಲಿ ಜನತಾ ಪಕ್ಷದಿಂದ 1994ರಲ್ಲಿ ಜನತಾ ದಳದಿಂದ 1999ರಲ್ಲಿ ಪಕ್ಷೇತರರಾಗಿ 2004ರಲ್ಲಿ ಜೆಡಿಎಸ್‍ನಿಂದ ಸ್ಪರ್ಧಿಸಿದ್ದರು. ಎದುರಾಳಿಗಳಾಗುತ್ತಿದ್ದ ನಾಯಕ ಜನಾಂಗದ ಹುರಿಯಾಳುಗಳಿಗೆ ತೀವ್ರ ಪೈಪೋಟಿ ನೀಡಿ ಅವರ ನಿದ್ದೆ ಗೆಡಿಸುತ್ತಿದ್ದರು. ಎಲ್ಲ ಚುನಾವಣೆಗಳಲ್ಲಿ ಅಧಿಕ ಮತ ಪಡೆಯುತ್ತಿದ್ದರು. 1985ರಲ್ಲಿ ಇನ್ನೇನು ಗೆದ್ದೇ ಬಿಟ್ಟರು ಎನ್ನುವಷ್ಟರಲ್ಲಿ ಕೊನೆಯ ಸುತ್ತಿನ ಮತ ಏಣಿಕೆಯಲ್ಲಿ ಕೇವಲ 1173 ಮತಗಳಿಂದ ಶಿವಣ್ಣ ಮಂಗಿಹಾಳ ಸೋಲೊಪ್ಪಿಕೊಳ್ಳಬೇಕಾಯಿತು.