<p><strong>ಮೈಸೂರು:</strong> ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾಲಯ (ಕೆಎಸ್ಒಯು) ಈಗ ಸಂದೇಶಮಯವಾಗಿದೆ. ಜೀವನ ಪ್ರೀತಿಯನ್ನು ಸಾರುವ ವಿವೇಕಾನಂದರ ಸಂದೇಶಗಳನ್ನು ಹೊತ್ತ ಫಲಕಗಳು ಈಗ ಆವರಣದಲ್ಲಿ ಜ್ಞಾನಕಾಂತಿ ಬೀರುತ್ತಿವೆ.</p>.<p>ಮುಕ್ತ ವಿ.ವಿ.ಯ ವಿವೇಕಾನಂದ ಅಧ್ಯಯನ ಪೀಠದ ವತಿಯಿಂದ ಈ ಕಾರ್ಯವನ್ನು ಮಾಡಲಾಗಿದೆ. ವಿವೇಕಾನಂದರ ಆಶಯವನ್ನು ಹೊತ್ತ ಶಿಕ್ಷಣವನ್ನು ಅಂತರಂಗ– ಬಹಿರಂಗ ಶುದ್ಧವಾಗಿರುವ, ಅಂತಃಕರಣವನ್ನು ಸಾರುವ, ಮಾನವೀಯತೆಯನ್ನು ಹೊರಸೂಸುವ 25ಕ್ಕೂ ಹೆಚ್ಚು ಫಲಕಗಳು ಈಗಾಗಲೇ ಇಲ್ಲಿ ಜೋಡಿತಗೊಂಡಿವೆ.</p>.<p>‘ವಿದ್ಯಾರ್ಥಿಗಳ ಮನಸು ಪ್ರೀತಿಯನ್ನು ತುಂಬಿಕೊಂಡಿರಬೇಕು. ದ್ವೇಷ, ಹೊಟ್ಟೆಕಿಚ್ಚು ಇರಲೇ ಕೂಡದು ಎನ್ನುವುದು ವಿವೇಕಾನಂದರ ಆಶಯವಾಗಿತ್ತು. ಈ ಹಿನ್ನೆಲೆಯಲ್ಲಿ ಈ ಬಗೆಯ ಸಂದೇಶಗಳನ್ನು ಈ ಫಲಕಗಳಲ್ಲಿ ಅಳವಡಿಸಲಾಯಿತು. ವಿ.ವಿ.ಯ ಆವರಣಕ್ಕೆ ಬರುವ ಪ್ರತಿಯೊಬ್ಬ ವಿದ್ಯಾರ್ಥಿಗೂ ಈ ಆಶಯಗಳು ಮುಟ್ಟಬೇಕು. ಈ ಹಿನ್ನೆಲೆಯಲ್ಲಿ ಈ ಕಾರ್ಯವನ್ನು ನಡೆಸಲಾಗಿದೆ’ ಎಂದು ಪೀಠದ ಅಧ್ಯಕ್ಷರಾದ ಡಾ.ಜ್ಯೋತಿ ಶಂಕರ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>ವಿದ್ಯಾರ್ಥಿಯ ಅಂತರಂಗವನ್ನು ಅಧ್ಯಯನ ಮಾಡಬೇಕು ಎನ್ನುವುದು ವಿವೇಕಾನಂದರ ಆಶಯವಾಗಿತ್ತು. ವಿವೇಕಾನಂದರಿಂದ ಪ್ರೇರೇಪಿತರಾಗಿದ್ದ ಕುವೆಂಪು ಅವರೂ ಇದನ್ನೇ ಸಾರಿದ್ದರು. ಈ ಹಿನ್ನೆಲೆಯಲ್ಲಿ ಈ ಸಂದೇಶ ಫಲಕಗಳು ಹೆಚ್ಚು ಪ್ರಸ್ತುತವಾಗಿವೆ. ವಿದ್ಯಾರ್ಥಿಗಳಿಗೆ ಪಠ್ಯವನ್ನು ಕಲಿಸುವುದರ ಜತೆಗೆ ನೈತಿಕ ಶಿಕ್ಷಣವನ್ನೂ ನೀಡಬೇಕು ಎನ್ನುವ ಉದ್ದೇಶದಿಂದ ಈ ಯೋಜನೆಯನ್ನು ಜಾರಿಗೊಳಿಸಲಾಗಿದೆ ಎಂದರು.</p>.<p>ವಿವೇಕಾನಂದರು ಯಾವ ಜಾತಿಗೂ ಸೀಮಿತರಲ್ಲ. ಮನುಷ್ಯತ್ವವೇ ಅವರ ಸಾರ. ಹಾಗಾಗಿ, ವಿದ್ಯಾರ್ಥಿಗಳನ್ನು ಈ ಮೂಲಕ ವಿಶ್ವಮಾನವರನ್ನಾಗಿಸುವ ಪ್ರಯತ್ನ ನಡೆಸಿದೆ ಎಂದು ಡಾ.ಜ್ಯೋತಿ ಹೇಳಿದರು.</p>.<p>ಎಲ್ಲೆಲ್ಲಿ?: ವಿ.ವಿ.ಯ ಹಳೆಯ ಕಾರ್ಯಸೌಧಕ್ಕೆ ಅಂಟಿಕೊಂಡಂತೆ, ವಿಜ್ಞಾನ ಭವನದ ಎದುರಿನಿಂದ ಕಾವೇರಿ ಸಭಾಂಗಣದ ಆಜು ಬಾಜಿನವರೆಗೂ ನಾಮಫಲಕಗಳನ್ನು ಸಾಲಾಗಿ ಅಳವಡಿಸಲಾಗಿದೆ. ಹೆಚ್ಚು ವರ್ಷಗಳು ಬಾಳಿಕೆ ಬರುವಂತೆ ಉಕ್ಕು ಹಾಗೂ ಗ್ರಾನೈಟ್ ಕಲ್ಲನ್ನು ಬಳಸಿಕೊಂಡು ಈ ಫಲಕಗಳನ್ನು ಜೋಡಿಸಲಾಗಿದೆ.</p>.<p>ಮಹಾನ್ ಪುರುಷರ ಸೇರ್ಪಡೆ: ಆರಂಭಿಕವಾಗಿ ವಿವೇಕಾನಂದರ ಸಂದೇಶಗಳನ್ನು ಅಳವಡಿಸಲಾಗಿದೆ. ಮುಂದಿನ ದಿನಗಳಲ್ಲಿ ಕುವೆಂಪು, ಅಂಬೇಡ್ಕರ್, ಅಬ್ದುಲ್ ಕಲಾಂ, ಬುದ್ಧ ಹಾಗೂ ಬಸವಣ್ಣ ಸೇರಿದಂತೆ ಹಲವರ ಸಂದೇಶಗಳುಳ್ಳ ಫಲಕಗಳನ್ನು ಅಳವಡಿಸುವ ಚಿಂತನೆ ಇದೆ ಎಂದು ಕುಲಪತಿ ಪ್ರೊ.ಡಿ.ಶಿವಲಿಂಗಯ್ಯ ತಿಳಿಸಿದರು.</p>.<p>ವಿದ್ಯಾರ್ಥಿಗಳಲ್ಲಿ ಒಳ್ಳೆಯ ವಿಚಾರಗಳನ್ನು ತುಂಬಬೇಕು. ಅದರಿಂದ ಸಮಾಜಕ್ಕೆ ಒಳಿತಾಗುತ್ತದೆ. ಈ ಎಲ್ಲ ಮಹಾಪುರುಷರೂ ವಿದ್ಯಾರ್ಥಿಪ್ರಿಯರೇ. ಹಾಗಾಗಿ, ಈ ಮೂಲಕ ಮುಕ್ತ ವಿ.ವಿ.ಯ ಶೈಕ್ಷಣಿಕ ವ್ಯಾಪ್ತಿಯನ್ನು ಪಠ್ಯಕ್ಕೆ ಸೀಮಿತಗೊಳಿಸದೇ ನೈತಕತೆಯ ಕಡೆಗೂ ಕೊಂಡೊಯ್ಯಲಾಗಿದೆ ಎಂದು ಅವರು ವಿವರಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು:</strong> ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾಲಯ (ಕೆಎಸ್ಒಯು) ಈಗ ಸಂದೇಶಮಯವಾಗಿದೆ. ಜೀವನ ಪ್ರೀತಿಯನ್ನು ಸಾರುವ ವಿವೇಕಾನಂದರ ಸಂದೇಶಗಳನ್ನು ಹೊತ್ತ ಫಲಕಗಳು ಈಗ ಆವರಣದಲ್ಲಿ ಜ್ಞಾನಕಾಂತಿ ಬೀರುತ್ತಿವೆ.</p>.<p>ಮುಕ್ತ ವಿ.ವಿ.ಯ ವಿವೇಕಾನಂದ ಅಧ್ಯಯನ ಪೀಠದ ವತಿಯಿಂದ ಈ ಕಾರ್ಯವನ್ನು ಮಾಡಲಾಗಿದೆ. ವಿವೇಕಾನಂದರ ಆಶಯವನ್ನು ಹೊತ್ತ ಶಿಕ್ಷಣವನ್ನು ಅಂತರಂಗ– ಬಹಿರಂಗ ಶುದ್ಧವಾಗಿರುವ, ಅಂತಃಕರಣವನ್ನು ಸಾರುವ, ಮಾನವೀಯತೆಯನ್ನು ಹೊರಸೂಸುವ 25ಕ್ಕೂ ಹೆಚ್ಚು ಫಲಕಗಳು ಈಗಾಗಲೇ ಇಲ್ಲಿ ಜೋಡಿತಗೊಂಡಿವೆ.</p>.<p>‘ವಿದ್ಯಾರ್ಥಿಗಳ ಮನಸು ಪ್ರೀತಿಯನ್ನು ತುಂಬಿಕೊಂಡಿರಬೇಕು. ದ್ವೇಷ, ಹೊಟ್ಟೆಕಿಚ್ಚು ಇರಲೇ ಕೂಡದು ಎನ್ನುವುದು ವಿವೇಕಾನಂದರ ಆಶಯವಾಗಿತ್ತು. ಈ ಹಿನ್ನೆಲೆಯಲ್ಲಿ ಈ ಬಗೆಯ ಸಂದೇಶಗಳನ್ನು ಈ ಫಲಕಗಳಲ್ಲಿ ಅಳವಡಿಸಲಾಯಿತು. ವಿ.ವಿ.ಯ ಆವರಣಕ್ಕೆ ಬರುವ ಪ್ರತಿಯೊಬ್ಬ ವಿದ್ಯಾರ್ಥಿಗೂ ಈ ಆಶಯಗಳು ಮುಟ್ಟಬೇಕು. ಈ ಹಿನ್ನೆಲೆಯಲ್ಲಿ ಈ ಕಾರ್ಯವನ್ನು ನಡೆಸಲಾಗಿದೆ’ ಎಂದು ಪೀಠದ ಅಧ್ಯಕ್ಷರಾದ ಡಾ.ಜ್ಯೋತಿ ಶಂಕರ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>ವಿದ್ಯಾರ್ಥಿಯ ಅಂತರಂಗವನ್ನು ಅಧ್ಯಯನ ಮಾಡಬೇಕು ಎನ್ನುವುದು ವಿವೇಕಾನಂದರ ಆಶಯವಾಗಿತ್ತು. ವಿವೇಕಾನಂದರಿಂದ ಪ್ರೇರೇಪಿತರಾಗಿದ್ದ ಕುವೆಂಪು ಅವರೂ ಇದನ್ನೇ ಸಾರಿದ್ದರು. ಈ ಹಿನ್ನೆಲೆಯಲ್ಲಿ ಈ ಸಂದೇಶ ಫಲಕಗಳು ಹೆಚ್ಚು ಪ್ರಸ್ತುತವಾಗಿವೆ. ವಿದ್ಯಾರ್ಥಿಗಳಿಗೆ ಪಠ್ಯವನ್ನು ಕಲಿಸುವುದರ ಜತೆಗೆ ನೈತಿಕ ಶಿಕ್ಷಣವನ್ನೂ ನೀಡಬೇಕು ಎನ್ನುವ ಉದ್ದೇಶದಿಂದ ಈ ಯೋಜನೆಯನ್ನು ಜಾರಿಗೊಳಿಸಲಾಗಿದೆ ಎಂದರು.</p>.<p>ವಿವೇಕಾನಂದರು ಯಾವ ಜಾತಿಗೂ ಸೀಮಿತರಲ್ಲ. ಮನುಷ್ಯತ್ವವೇ ಅವರ ಸಾರ. ಹಾಗಾಗಿ, ವಿದ್ಯಾರ್ಥಿಗಳನ್ನು ಈ ಮೂಲಕ ವಿಶ್ವಮಾನವರನ್ನಾಗಿಸುವ ಪ್ರಯತ್ನ ನಡೆಸಿದೆ ಎಂದು ಡಾ.ಜ್ಯೋತಿ ಹೇಳಿದರು.</p>.<p>ಎಲ್ಲೆಲ್ಲಿ?: ವಿ.ವಿ.ಯ ಹಳೆಯ ಕಾರ್ಯಸೌಧಕ್ಕೆ ಅಂಟಿಕೊಂಡಂತೆ, ವಿಜ್ಞಾನ ಭವನದ ಎದುರಿನಿಂದ ಕಾವೇರಿ ಸಭಾಂಗಣದ ಆಜು ಬಾಜಿನವರೆಗೂ ನಾಮಫಲಕಗಳನ್ನು ಸಾಲಾಗಿ ಅಳವಡಿಸಲಾಗಿದೆ. ಹೆಚ್ಚು ವರ್ಷಗಳು ಬಾಳಿಕೆ ಬರುವಂತೆ ಉಕ್ಕು ಹಾಗೂ ಗ್ರಾನೈಟ್ ಕಲ್ಲನ್ನು ಬಳಸಿಕೊಂಡು ಈ ಫಲಕಗಳನ್ನು ಜೋಡಿಸಲಾಗಿದೆ.</p>.<p>ಮಹಾನ್ ಪುರುಷರ ಸೇರ್ಪಡೆ: ಆರಂಭಿಕವಾಗಿ ವಿವೇಕಾನಂದರ ಸಂದೇಶಗಳನ್ನು ಅಳವಡಿಸಲಾಗಿದೆ. ಮುಂದಿನ ದಿನಗಳಲ್ಲಿ ಕುವೆಂಪು, ಅಂಬೇಡ್ಕರ್, ಅಬ್ದುಲ್ ಕಲಾಂ, ಬುದ್ಧ ಹಾಗೂ ಬಸವಣ್ಣ ಸೇರಿದಂತೆ ಹಲವರ ಸಂದೇಶಗಳುಳ್ಳ ಫಲಕಗಳನ್ನು ಅಳವಡಿಸುವ ಚಿಂತನೆ ಇದೆ ಎಂದು ಕುಲಪತಿ ಪ್ರೊ.ಡಿ.ಶಿವಲಿಂಗಯ್ಯ ತಿಳಿಸಿದರು.</p>.<p>ವಿದ್ಯಾರ್ಥಿಗಳಲ್ಲಿ ಒಳ್ಳೆಯ ವಿಚಾರಗಳನ್ನು ತುಂಬಬೇಕು. ಅದರಿಂದ ಸಮಾಜಕ್ಕೆ ಒಳಿತಾಗುತ್ತದೆ. ಈ ಎಲ್ಲ ಮಹಾಪುರುಷರೂ ವಿದ್ಯಾರ್ಥಿಪ್ರಿಯರೇ. ಹಾಗಾಗಿ, ಈ ಮೂಲಕ ಮುಕ್ತ ವಿ.ವಿ.ಯ ಶೈಕ್ಷಣಿಕ ವ್ಯಾಪ್ತಿಯನ್ನು ಪಠ್ಯಕ್ಕೆ ಸೀಮಿತಗೊಳಿಸದೇ ನೈತಕತೆಯ ಕಡೆಗೂ ಕೊಂಡೊಯ್ಯಲಾಗಿದೆ ಎಂದು ಅವರು ವಿವರಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
