ಸ್ತ್ರೀ ಸೌಂದರ್ಯದ ಮಾನದಂಡ ಅತ್ಯಂತ ಅವಾಸ್ತವಿಕ: ಚೇತನಾ ರಾಜ್ ಸಾವಿಗೆ ರಮ್ಯಾ ಸಂತಾಪ

ಬೆಂಗಳೂರು: ಚಿತ್ರೋದ್ಯಮವು ಸ್ತ್ರೀಯರ ಸೌಂದರ್ಯಕ್ಕೆ ಸಂಬಂಧಿಸಿ ಅತ್ಯಂತ ಅವಾಸ್ತವಿಕ ಮಾನದಂಡ ನಿಗದಿಪಡಿಸುತ್ತಿದೆ. ಇದರಿಂದಾಗಿ ನಿರ್ದಿಷ್ಟ ರೀತಿಯಲ್ಲಿಯೇ ಕಾಣಬೇಕು ಎಂಬ ಒತ್ತಡ ನಟಿಯರ ಮೇಲಾಗುತ್ತಿದೆ ಎಂದು ನಟಿ ರಮ್ಯಾ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.

. ಕಾಸ್ಮೆಟಿಕ್ ಸರ್ಜರಿಗೆ ಒಳಗಾಗಿದ್ದ ಕಿರುತೆರೆ ನಟಿ ಚೇತನಾ ರಾಜ್ (22) ನಿಧನಕ್ಕೆ ತೀವ್ರ ಸಂತಾಪ ಸೂಚಿಸಿ ಟ್ವೀಟ್ ಮಾಡಿರುವ ಅವರು, ಚಿತ್ರೋದ್ಯಮದಲ್ಲಿ ಕಂಡುಬರುವ ತಾರತಮ್ಯದ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಇದಕ್ಕೆ ಸಂಬಂಧಿಸಿದ ಬರಹವೊಂದನ್ನೂ ಪೋಸ್ಟ್ ಮಾಡಿದ್ದಾರೆ.

. ರಮ್ಯಾ ಬರೆದಿರುವುದು ಹೀಗಿದೆ;

. ‘ಪ್ಲಾಸ್ಟಿಕ್ ಸರ್ಜರಿ ಬಳಿಕ ನಟಿ ನಿಧನರಾದ ಸುದ್ದಿ ಓದಿದೆ. ಚಿತ್ರೋದ್ಯಮವು ಸ್ತ್ರೀಯರ ಸೌಂದರ್ಯಕ್ಕೆ ಸಂಬಂಧಿಸಿ ಅತ್ಯಂತ ಅವಾಸ್ತವಿಕ ಮಾನದಂಡ ನಿಗದಿಪಡಿಸುತ್ತಿದೆ. ಇದರಿಂದಾಗಿ ನಿರ್ದಿಷ್ಟ ರೀತಿಯಲ್ಲಿಯೇ ಕಾಣಬೇಕು ಎಂಬ ಒತ್ತಡ ನಟಿಯರ ಮೇಲಾಗುತ್ತಿದೆ.

. 2018ರಲ್ಲಿ ನನ್ನ ಕಾಲಿನಿಂದ ಗಡ್ಡೆಯನ್ನು ತೆಗೆದುಹಾಕಲಾಗಿತ್ತು. ಆ ಬಳಿಕ ನಾನೂ ಸಹ ನನ್ನದೇ ಸಮಯದ ಮಿತಿಯಲ್ಲಿ ತೂಕ ಕಳೆದುಕೊಳ್ಳಲು ಒದ್ದಾಡಿದ್ದೆ.

. ಇದನ್ನೂ ಓದಿ: ಕಾಸ್ಮೆಟಿಕ್ ಸರ್ಜರಿ: ‘ದೊರೆಸಾನಿ‘ ಖ್ಯಾತಿಯಕಿರುತೆರೆ ನಟಿ ಚೇತನಾ ರಾಜ್ ನಿಧನ

. ತ್ವರಿತವಾಗಿ ತೂಕ ಕಳೆದುಕೊಳ್ಳಬೇಕು ಎಂಬ ಪ್ರಲೋಭನೆಗೆ ಒಳಗಾಗುವ ಹಲವು ನಿದರ್ಶನಗಳಿವೆ. ಜೀವ ಕಳೆದುಕೊಂಡಿರುವ ನಟಿಯ ಬಗ್ಗೆ ಸಹಾನುಭೂತಿ ಇದೆ.

. ಈ ಮಾನದಂಡವು ಪುರುಷರಿಗೆ ಅನ್ವಯವಾಗುವುದಿಲ್ಲ (ಯಾರಿಗೂ ಈ ರೀತಿ ಮಾನದಂಡ ನಿಗದಿಪಡಿಸಬೇಕು ಎಂದು ನಾನು ಬಯಸುವುದಿಲ್ಲ).

. ಹೀರೋ ಆದವನು ಡೊಳ್ಳುಹೊಟ್ಟೆಯವನಾದರೂ ಆಗಬಹುದು, ಕೂದಲಿಲ್ಲದವನಾದರೂ ಆಗಿರಬಹುದು. 65 ವರ್ಷ ವಯಸ್ಸಾದರೂ ಹೀರೋ ಎಂದು ಪರಿಗಣಿಸಲಾಗುತ್ತಿದೆ. ಆದರೆ, ಸ್ತ್ರೀಯರ ಸ್ಥಿತಿ ಹೀಗಿಲ್ಲ. ಆಕೆಯ ತೂಕ ಸ್ವಲ್ಪ ಹೆಚ್ಚಾದರೂ ಸಾಕು; ಆಂಟಿ, ಬುಡ್ಡಿ, ಅಜ್ಜಿ ಇತ್ಯಾದಿ ಹಣೆಪಟ್ಟಿ ಕಟ್ಟಿಟ್ರೋಲ್ ಮಾಡಲಾಗುತ್ತದೆ.

. ಇದನ್ನೂ ಓದಿ: ಫ್ಯಾಟ್ ಸರ್ಜರಿ ಅಡ್ಡ ಪರಿಣಾಮ: ನಿಧನರಾದ ನಟ, ನಟಿಯರು ಇವರು...

. ಮಹಿಳೆಯರು ಇದನ್ನು ಅರಿತುಕೊಳ್ಳಬೇಕು. ಹಾಗಿರಲು ಸಾಧ್ಯವಿಲ್ಲ, ನೀವು ನೀವಾಗಿಯೇ ಇರಬೇಕು. ನೀವು ಹೇಗಿರಬೇಕು ಎಂಬುದನ್ನು ಜಗತ್ತು ನಿಮಗೆ ಹೇಳಬೇಕಾಗಿಲ್ಲ. ಉದ್ಯಮವು ಮಹಿಳೆಯರಿಗೂ ಸರಿಯಾದ ಪಾತ್ರಗಳನ್ನು ನೀಡಬೇಕು. ಇದು ನಿಯಮ ಬದಲಾಗಬೇಕಾದ ಸಮಯ.

. ಅದು ವೇತನ ಇರಬಹುದು, ಪಾತ್ರ ಇರಬಹುದು, ಸೌಂದರ್ಯ ಇರಬಹುದು ಅಥವಾ ಬೇರಾವುದೇ ತಾರತಮ್ಯ ಇರಬಹುದು, ಈ ಧೋರಣೆ ವಿರುದ್ಧ ಮಹಿಳೆ ಹಾಗೂ ಪುರುಷರು ಒಟ್ಟಾಗಿ ಹೋರಾಡಬೇಕು’ ಎಂದು ರಮ್ಯಾ ಪತ್ರದಲ್ಲಿ ಕರೆ ನೀಡಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸ್ತ್ರೀ ಸೌಂದರ್ಯದ ಮಾನದಂಡ ಅತ್ಯಂತ ಅವಾಸ್ತವಿಕ: ಚೇತನಾ ರಾಜ್ ಸಾವಿಗೆ ರಮ್ಯಾ ಸಂತಾಪ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

Perth Test:ಆಸ್ಟ್ರೇಲಿಯಾಕ್ಕೆ ಬೂಮ್ರಾ ಪಡೆ ತಿರುಗೇಟು;ಮೊದಲ ದಿನ 17 ವಿಕೆಟ್‌ ಪತನ

IND vs AUS Perth Test: ರಾಹುಲ್ ನಾಟೌಟ್..ಔಟ್!

ಸೈಯದ್ ಮುಷ್ತಾಕ್ ಅಲಿ ಟಿ20 ಕ್ರಿಕೆಟ್ ಟೂರ್ನಿ ಇಂದಿನಿಂದ: ತಾರಾ ಆಟಗಾರರ ರಂಗು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು