ಸಿನಿಮಾ ವಿಮರ್ಶೆ | ಪ್ರೀತಿಯ ಆಳಕ್ಕೆ ‘ಕಿಸ್‌’ ಮುದ್ರೆ

ಚಿತ್ರ: ಕಿಸ್

. ನಿರ್ದೇಶನ ಮತ್ತು ನಿರ್ಮಾಣ: ಎ.ಪಿ. ಅರ್ಜುನ್

. ತಾರಾಗಣ: ವಿರಾಟ್, ಶ್ರೀಲೀಲಾ, ಅವಿನಾಶ್, ಚಿಕ್ಕಣ್ಣ, ಸಾಧುಕೋಕಿಲ, ದತ್ತಣ್ಣ, ಸುಂದರ್

. ‘ಕಿಸ್’ ಚಿತ್ರದಲ್ಲಿ ಪ್ರೀತಿಯ ಮಹತ್ವ ಹೇಳಲು ಪ್ರಯತ್ನಿಸಿದ್ದಾರೆ ನಿರ್ದೇಶಕ ಎ.ಪಿ. ಅರ್ಜುನ್.

. ಪ್ರೀತಿ ಎಂದರೆ ಶುದ್ಧ ಮನಸುಗಳಲ್ಲಿ ಹುಟ್ಟುವ (ಅ)ವ್ಯಕ್ತ ಭಾವನೆ. ಪ್ರೀತಿಗೆ ಮತ್ತೇರಿಸುವ‘ಕಿಸ್’ ಮಂತ್ರವನ್ನು ಹೊಸಬರಾದ ವಿರಾಟ್ ಮತ್ತು ಶ್ರೀಲೀಲಾ ಅವರ ಮೂಲಕ ಯುವ ಮನಸುಗಳ ಮೇಲೆ ಪ್ರಯೋಗಿಸಿದ್ದಾರೆ.

. ವಿರಾಟ್ ಮತ್ತು ಶ್ರೀಲೀಲಾ ಹೊಸಬರಾದರೂಇಬ್ಬರೂ ಮನೋಜ್ಞವಾಗಿ ಅಭಿನಯಿಸಿದ್ದಾರೆ. ತೆರೆ ಮೇಲೂ ಈ ಜೋಡಿ ಅಷ್ಟೇ ಕ್ಯೂಟಾಗಿ ಕಾಣಿಸಿದೆ. ಚಿತ್ರ ನೋಡುವಾಗ ಓಘ ಲಯ ತಪ್ಪಿದೆ ಅನಿಸುವ ಭಾವನೆ ಮಾತ್ರ ಪ್ರೇಕ್ಷಕನನ್ನು ತೀವ್ರವಾಗಿ ಕಾಡುತ್ತದೆ.ಕಾಡುವ ಆ ಭಾವನೆ ಚಿತ್ರದಲ್ಲಿನ ಗಟ್ಟಿತನದ ಕಂಟೆಂಟ್ನ ಕೊರತೆಯತ್ತ ಬೊಟ್ಟು ಮಾಡುತ್ತದೆ.

. ಒಂದು ಪ್ರೇಮಕಥೆಯನ್ನು ನವಿರಾಗಿ ಹೇಳುವ ಜಾಡಿನಲ್ಲಿ ನಿರೂಪಣೆ ಶೈಲಿ ಹಗ್ಗಜಗ್ಗಿದಂತೆಭಾಸವಾಗುತ್ತದೆ. ನಿರೂಪಣೆಯಲ್ಲಿ ನವಿರುತನ ಉಳಿಸಿಕೊಳ್ಳದೆ,ಫ್ಯಾಮಿಲಿ ಸೆಂಟಿಮೆಂಟು ಟಚ್ಚನ್ನೂ ಕಾಯ್ದುಕೊಳ್ಳದೆ ಎಲ್ಲ ವರ್ಗದ ಪ್ರೇಕ್ಷಕರಿಗೆ ರಸಗವಳ ನೀಡಬಹುದಾಗಿದ್ದ ಅವಕಾಶವನ್ನು ನಿರ್ದೇಶಕರೇ ಕೈಚೆಲ್ಲಿದಂತೆ ಕಾಣಿಸುತ್ತದೆ. ಒಳ್ಳೆಯ ಅಡುಗೆ ಮಾಡಿಟ್ಟು, ಬಡಿಸುವ ಕ್ರಮದಲ್ಲಿ ನಿರ್ದೇಶಕರು ಎಡವಿದ್ದಾರೆ.

. ಸಂಕಲನವನ್ನು ಕುಸುರಿಯಂತೆ ಮಾಡಿದ್ದರೆ ಪ್ರೇಕ್ಷಕ 2 ಗಂಟೆ 44 ನಿಮಿಷದವರೆಗೂ ಕೂರುವಾಗ ಅಲ್ಲಲ್ಲಿ ಕಾಣಿಸುವ ಬ್ಯಾಸರಿಕೆಯನ್ನಾದರೂ ತಪ್ಪಿಸಬಹುದಿತ್ತು.

. ಕಾಲೇಜಿಗೆ ಹೋಗುವ ತುಂಟ ಹುಡುಗಿ ನಾಯಕಿ. ಬಿಂದಾಸ್ ಬದುಕು ನಡೆಸುವಶ್ರೀಮಂತ ಯುವಕ ನಾಯಕ. ತನ್ನನ್ನು ತರಗತಿಯಿಂದ ಹೊರಹಾಕಿದ ಸಿಟ್ಟಿಗೆ, ರಸ್ತೆಬದಿ ಹಾಕಿದ್ದ ಲೆಕ್ಚರರ್ ಭಾವಚಿತ್ರದ ಹೋರ್ಡಿಂಗ್ಸ್ಗೆ ಕಲ್ಲು ಹೊಡೆಯುತ್ತಿರುತ್ತಾಳೆ ನಾಯಕಿ. ಆ ಕಲ್ಲು ನಾಯಕನ ದುಬಾರಿ ಕಾರಿಗೆ ಬಿದ್ದು, ಡ್ಯಾಮೇಜ್ ಆಗುತ್ತದೆ. ರಿಪೇರಿ ವೆಚ್ಚ ₹ 4 ಲಕ್ಷ ಕೊಡುವಂತೆ ನಾಯಕ ಕೇಳುತ್ತಾನೆ. ನಾಯಕಿ ಹಣ ತೀರುವವರೆಗೆ ನಾಯಕನ ಬಳಿ ಅಸಿಸ್ಟೆಂಟ್ ಆಗಿ ಕೆಲಸಕ್ಕೆ ಸೇರುತ್ತಾಳೆ. ಆ ನಂತರ ಇಬ್ಬರ ಬಾಳಿನಲ್ಲಿ ಏನಾಗುತ್ತದೆ ಎನ್ನುವುದು ‘ಕಿಸ್’ ಚಿತ್ರದ ತಿರುಳು. ಸಿನಿಮಾದ ಶೀರ್ಷಿಕೆ ಮತ್ತು ಕಥೆಯ ಜೀವಾಳವೂ ಅದೇ. ಕ್ಲೈಮ್ಯಾಕ್ಸ್ಕುತೂಹಲ ಉಳಿಸಿಕೊಂಡಿದೆ.

. ಚಿತ್ರೀಕರಣಕ್ಕೆ ಆಯ್ದುಕೊಂಡಿರುವಸುಂದರ ತಾಣಗಳು, ಹಾಡುಗಳ ಸಾಹಿತ್ಯ, ಸಂಭಾಷಣೆಯಲ್ಲಿನ ತಿಳಿಹಾಸ್ಯ, ಸಾನಿಯಾ ಕಾಸ್ಟ್ಯೂಮ್ ಡಿಸೈನ್ಚಿತ್ರಕ್ಕೆ ಅದ್ದೂರಿತನ ತಂದುಕೊಟ್ಟಿವೆ. ‘ನೀನೆ ಮೊದಲು ನೀನೆ ಕೊನೆ’ ಹಾಡಂತೂ ಚಿತ್ರಮಂದಿರದಿಂದ ಹೊರಬಂದ ಮೇಲೂತುಟಿಯಂಚಿನಲ್ಲಿ ಗುನುಗುವಂತೆ ಮಾಡುವಾಗ ವಿ. ಹರಿಕೃಷ್ಣ ಸಂಗೀತವೂ ಗೆದ್ದಿದೆ ಎನಿಸುತ್ತದೆ.

. ನಟನೆ, ಬಾಡಿ ಲಾಂಗ್ವೇಜ್ನಿಂದಮೊದಲ ಪ್ರಯತ್ನದಲ್ಲೇ ಗಮನ ಸೆಳೆಯುವ ವಿರಾಟ್, ಶ್ರೀಲೀಲಾನೃತ್ಯದಲ್ಲೂ ಇಷ್ಟವಾಗುತ್ತಾರೆ. ಚಿತ್ರದ ಪ್ರತಿ ಪ್ರೇಮು ಕಣ್ಮನದಲ್ಲಿ ಅಚ್ಚೊತ್ತುವಂತೆ ಅರ್ಜುನ್ ಶೆಟ್ಟಿ ಛಾಯಾಗ್ರಹಣ ಮೊಗೆದಿಟ್ಟಿದೆ.

. ಚಿಕ್ಕಣ್ಣ, ಶಿವರಾಜ್ ಕೆ.ಆರ್. ಪೇಟೆ, ಸಾಧು ಸಿಕ್ಕಿದ ಅವಕಾಶದಲ್ಲಿ ಪ್ರೇಕ್ಷಕರನ್ನು ನಗಿಸಲು ಹಿಂದೆ ಬಿದ್ದಿಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಿನಿಮಾ ವಿಮರ್ಶೆ | ಪ್ರೀತಿಯ ಆಳಕ್ಕೆ ‘ಕಿಸ್‌’ ಮುದ್ರೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ರಾಹುಲ್ ವೈಫಲ್ಯ; ಭಾರತ 'ಎ' ತಂಡ 161ಕ್ಕೆ ಆಲೌಟ್

ಕೆಎಂಎಫ್‌ನಿಂದ ಮೆಕ್ಕೆಜೋಳ ಖರೀದಿ; ಪ್ರತಿ ಕ್ವಿಂಟಲ್‌ಗೆ ₹2,400 ದರ ನಿಗದಿ

ಚಾಂಪಿಯನ್ಸ್ ಟ್ರೋಫಿ: ಹೈಬ್ರಿಡ್‌ ಮಾದರಿಗೆ ಪಾಕ್ ಸಿದ್ಧ?

ಪ್ರೊ ಕಬಡ್ಡಿ ಲೀಗ್‌: ದಬಾಂಗ್‌ಗೆ ಮಣಿದ ವಾರಿಯರ್ಸ್‌

ರಣಜಿ ಟ್ರೋಫಿ ಕ್ರಿಕೆಟ್: ಆತಂಕದಲ್ಲಿರುವ ಆತಿಥೇಯರಿಗೆ ಅಭಿನವ್ ಆಸರೆ

ಇಂಡಿಯನ್‌ ಸೂಪರ್‌ ಲೀಗ್‌: ಬಿಎಫ್‌ಸಿಗೆ ನಾರ್ತ್ ಈಸ್ಟ್‌ ಸವಾಲು ಇಂದು

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ರಾಹುಲ್ ವೈಫಲ್ಯ; ಭಾರತ 'ಎ' ತಂಡ 161ಕ್ಕೆ ಆಲೌಟ್

ಕೆಎಂಎಫ್‌ನಿಂದ ಮೆಕ್ಕೆಜೋಳ ಖರೀದಿ; ಪ್ರತಿ ಕ್ವಿಂಟಲ್‌ಗೆ ₹2,400 ದರ ನಿಗದಿ