ನೋ ಎಂದ ಮೇಲೂ ಆ ರೀತಿ ಮಾಡಬಹುದಾ: ಶ್ರುತಿ ಹರಿಹರನ್

ಬೆಂಗಳೂರು: ‘ಸರ್ಜಾ ಫ್ಯಾನ್ಸ್ ಕ್ಲಬ್ನವರು ಎನ್ನಲಾದ ವ್ಯಕ್ತಿಗಳಿಂದ ಬೆದರಿಕೆ ಕರೆಗಳು ಬರುತ್ತಿವೆ. ಕೆಲವು ಕರೆಗಳನ್ನು ನಾನು ಸ್ವೀಕರಿಸುತ್ತಿಲ್ಲ. ಸಾಮಾಜಿಕ ಜಾಲತಾಣಗಳಲ್ಲೂ ಕೆಟ್ಟದಾಗಿ ಕಾಮೆಂಟ್ಗಳು ಬರುತ್ತಿವೆ’ ಎಂದು ನಟಿ ಶ್ರುತಿ ಹರಿಹರನ್ ಹೇಳಿದರು.

. ಮಲ್ಲೇಶ್ವರದ ರೇಣುಕಾಂಬಾ ಸ್ಟುಡಿಯೊದಲ್ಲಿ ಭಾನುವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಅರ್ಜುನ್ ಸರ್ಜಾ ಹೆಸರು ಹೇಳದೇ ತಮಗಾದ ಕಿರುಕುಳವನ್ನು ವಿವರಿಸಿದರು.

. ‘ತಬ್ಬಿಕೊಂಡ ಘಟನೆ ನಂತರ, ನಾನು ನೋ ಎಂದಿದ್ದೆ. ಅವರ ಅಸಭ್ಯ ವರ್ತನೆ ನನಗಿಷ್ಟವಿಲ್ಲವೆಂಬುದು ಅವರಿಗೂ ಗೊತ್ತಾಗಿತ್ತು. ಅಷ್ಟಾದರೂ ‘ಬರಬಹುದಲ್ವಾ ಡಿನ್ನರ್ಗೆ’ ಎಂದು ಕೇಳಿದರು. ‘ನೋ‘ ಎಂದ ಮೇಲೂ ಆ ರೀತಿ ಮಾಡಬಹುದಾ?’ ಎಂದು ಅವರು ಪ್ರಶ್ನಿಸಿದರು.

. ‘ಚಿತ್ರೀಕರಣದ ವೇಳೆಯಲ್ಲಿ ನನಗಾದ ಅನ್ಯಾಯವನ್ನು, ನನ್ನ ಶಕ್ತಿ ಎಷ್ಟಿದೆಯೋ ಅಷ್ಟು ಖಂಡಿಸಿದ್ದೆ. ನಿರ್ದೇಶಕರ ಬಳಿ ಹೇಳಿಕೊಂಡಿದ್ದೆ. ರಿಹರ್ಸಲ್ಗೆ ಬರುವುದಿಲ್ಲ. ನೇರವಾಗಿ ಟೇಕ್ಗೆ ಬರುತ್ತೇನೆ ಎಂದಿದ್ದೆ. ಆ ವಿಷಯವನ್ನು ಹೊರಗಡೆ ಹೇಳುವ ಧೈರ್ಯ ನನಗಿರಲಿಲ್ಲ. ಹೆದರಿಕೆ ಸಾಕಷ್ಟಿತ್ತು. ಈಗ ಮೀ–ಟೂ ಅಭಿಯಾನ ಪ್ರಾರಂಭವಾದ ಬಳಿಕ ಧೈರ್ಯ ಬಂದಿದೆ’ ಎಂದು ಶ್ರುತಿ ಹೇಳಿದರು.

. ‘ಮುಖಾಮುಖಿ ಮಾತನಾಡಲಿ’ ಎಂದು ಸರ್ಜಾ ಮಾವ ರಾಜೇಶ್ ನೀಡಿರುವ ಹೇಳಿಕೆಗೆ ಪ್ರತಿಕ್ರಿಯಿಸಿದ ಶ್ರುತಿ, ‘ಅವರು, ಹಿರಿಯ ನಟರು. ಅವರು ಬಂದರೆ ಮುಖಾಮುಖಿ ಮಾತನಾಡುತ್ತೇನೆ. ಅದು, ರಾಜಿಗಲ್ಲ’ ಎಂದರು.

. ‘ನನ್ನ ಅನ್ಯಾಯಕ್ಕೆ ತಾರ್ಕಿಕ ಅಂತ್ಯ ಬೇಕು.ಸಾರ್ವಜನಿಕವಾಗಿ ಕ್ಷಮೆ ಕೇಳಿದರೆ, ನನಗೆ ನ್ಯಾಯ ಆಗಬಹುದು. ಯಾವುದೇ ಹೆಣ್ಣಿಗೂ ಪುರುಷನೊಬ್ಬ ಮುಟ್ಟಿದಾಗ, ಅದನ್ನು ಪ್ರತಿಭಟಿಸಿ ದೂರು ನೀಡುವ ಧೈರ್ಯ ಹೆಣ್ಣಿಗೆ ಬರಬೇಕು’ ಎಂದರು.

. ಧ್ರುವ ವಿರುದ್ಧ ಕಿಡಿ: ‘ನನ್ನ ಮಾವ, ಶ್ರುತಿಗಿಂತ ಚೆನ್ನಾಗಿರುವ ನಟಿಯರೊಂದಿಗೆ ನಟಿಸಿದ್ದಾರೆ. ಶ್ರುತಿ ಹಿಂದೆ ಯಾರಾದರೂ ಗಂಡಸರು ಇದ್ದರೆ ಮುಂದೆ ಬರಲಿ. ಕೈ ಕೈ ಮಿಲಾಯಿಸುತ್ತೇನೆ’ ಎನ್ನುವ ಮೂಲಕ ನಟ ಧ್ರುವ ಸರ್ಜಾ ಅಹಂಕಾರದ ಮಾತುಗಳನ್ನಾಡಿದ್ದಾರೆ’ ಎಂದು ಶ್ರುತಿ ಗೆಳೆಯ ಅನಿಲ್ ಶೆಟ್ಟಿ ಕಿಡಿಕಾರಿದರು.

. ಇದನ್ನೂ ಓದಿ: ಶ್ರುತಿ #MeToo ಆರೋಪಕ್ಕೆ ‘ವಿಸ್ಮಯ’ ನಿರ್ದೇಶಕ ಅರುಣ್ ವೈದ್ಯನಾಥನ್ ಹೇಳಿದ್ದೇನು?

. ‘ಒಪ್ಪಂದವಿದ್ದರೆ ಮಾತ್ರ ಕಿಸ್ಸಿಂಗ್ ದೃಶ್ಯ’

. ಸಿನಿಮಾದಲ್ಲಿ ಅಭಿನಯಿಸುವ ಮುನ್ನ ಒಪ್ಪಂದ ಮಾಡಿಕೊಳ್ಳಲಾಗುತ್ತದೆ. ಕಿಸ್ಸಿಂಗ್ ಹಾಗೂ ಅಪ್ಪುಗೆ ದೃಶ್ಯಗಳ ಬಗ್ಗೆ ನಟಿಗೆ ಹೇಳಿಯೇ ಚಿತ್ರೀಕರಣ ಆರಂಭಿಸಲಾಗುತ್ತದೆ. ಚಿತ್ರೀಕರಣದ ಹೊರಗೆ ಆ ರೀತಿ ಮಾಡಿದರೆ ಅದು ಅಸಭ್ಯ ವರ್ತನೆ ಆಗುತ್ತದೆ.ಅದನ್ನು ನಾವೆಲ್ಲರೂ ಖಂಡಿಸುತ್ತೇವೆ’ ಎಂದು ನಿರ್ದೇಶಕಿ ರೂಪಾ ಅಯ್ಯರ್ ಹೇಳಿದರು.

. ಅನ್ಯಾಯವಾದರೆ ದೂರು ಕೊಡಿ

. ಲೈಂಗಿಕ ಕಿರುಕುಳ ಎಂಬುದು ಚಿತ್ರರಂಗದಲ್ಲಿ ಕಾಯಿಲೆಯೇ ಆಗಿದೆ. ಅದರಿಂದ ನೊಂದ ಸಿನಿಮಾ ರಂಗದ ಯಾವುದೇ ಮಹಿಳೆ, ನಮ್ಮ ಸಂಘಟನೆಗೆ ದೂರು ನೀಡಬಹುದು. ನಾವು ಕಾನೂನು ಹೋರಾಟಕ್ಕೆ ಸಹಕಾರ ನೀಡುತ್ತೇವೆ’ ಎಂದು ‘ಫೈರ್’ ಸಂಘಟನೆ ಕಾರ್ಯದರ್ಶಿ ಚೇತನ್ ಹೇಳಿದರು.

. ದೂರವಾಣಿ ಸಂಖ್ಯೆ: 08023462028

. ವನ್ನೂ ಓದಿ:

. ಶ್ರುತಿ ಹರಿಹರನ್ #MeToo ಪತ್ರ: ಸಮಯ ಈಗ ಬಂದಿದೆ!

. ಸ್ಯಾಂಡಲ್ವುಡ್ #MeToo: ಶ್ರುತಿ ಹರಿಹರನ್ಗೆ ಹಲವೆಡೆಯಿಂದ ಬೆಂಬಲ

. ಅರ್ಜುನ್ಕ್ಷಮೆ ಕೇಳುವುದು ದೊಡ್ಡತನ,ನಾನು ಶ್ರುತಿ ಹರಿಹರನ್ ಪರ:ಪ್ರಕಾಶ್ ರೈ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನೋ ಎಂದ ಮೇಲೂ ಆ ರೀತಿ ಮಾಡಬಹುದಾ: ಶ್ರುತಿ ಹರಿಹರನ್

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಹೀನಾಯ ಬ್ಯಾಟಿಂಗ್ ಬಳಿಕ ಪುಟಿದೆದ್ದ ಭಾರತ; ಆತಿಥೇಯ ಆಸಿಸ್‌ಗೆ ವೇಗಿಗಳ ತಿರುಗೇಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ