ಸಿನಿಮಾ ನೋಡಿ: ನೋಡಲೇಬೇಕಾದ ದಿಲೀಪ್‌ ಕುಮಾರ್‌ ಟಾಪ್‌ 10 ಸಿನಿಮಾಗಳು

ಬಾಲಿವುಡ್ನಲ್ಲಿ ನಟನಾಗಿ, ನಿರ್ಮಾಪಕನಾಗಿ ಗುರುತಿಸಿಕೊಂಡಿದ್ದ ನಟ ದಿಲೀಪ್ ಕುಮಾರ್ ಫಸ್ಟ್ ಖಾನ್ ಹಾಗೂ ಟ್ರ್ಯಾಜಿಡಿ ಕಿಂಗ್ ಎಂದೇ ಖ್ಯಾತರಾಗಿದ್ದರು. 6 ದಶಕಗಳ ಕಾಲ ಬಾಲಿವುಡ್ಗೆ ವೈವಿದ್ಯಮಯ ಚಿತ್ರಗಳನ್ನು ನೀಡಿದ ಹೆಗ್ಗಳಿಕೆ ಅವರದ್ದು. 65ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿರುವ ದಿಲೀಪ್ ಕುಮಾರ್ ಮರೆಯಲಾಗದ ಹಲವಾರು ಸಿನಿಮಾಗಳನ್ನು ನೀಡಿದ್ದಾರೆ.

. ದಿಲೀಪ್ ಕುಮಾರ್ ಅವರಿಗೆ ಖ್ಯಾತಿ ತಂದುಕೊಟ್ಟಿದ್ದ ಹಾಗೂ ಸಿನಿಪ್ರಿಯರು ನೋಡಲೇಬೇಕಾದ ಟಾಪ್ 10 ಚಿತ್ರಗಳ ಪಟ್ಟಿ ಇಲ್ಲಿದೆ.

. 1) ಶಬನಮ್

. ವಲಸೆ ಕಾರ್ಮಿಕರ ಕುರಿತಾದ ಸಿನಿಮಾ ಶಬನಮ್. 1949ರಲ್ಲಿ ತೆರೆಕಂಡ ಈ ಚಿತ್ರಬರ್ಮಾದಿಂದ ವಲಸೆ ಬಂದ ಪ್ರೇಮಿಗಳು ಒಂದಾಗುವುದಕ್ಕೆ ನಡೆಸುವ ಕಸರತ್ತೇ ಸಿನಿಮಾದ ಮುಖ್ಯ ತಿರುಳು. ವಿಭೂತಿ ಮಿತ್ರಾ ನಿರ್ದೇಶನದ ಈ ಸಿನಿಮಾದಲ್ಲಿ ದಿಲೀಪ್ ಕುಮಾರ್ಗೆ ಜೋಡಿಯಾಗಿ ಕಾಮಿನಿ ಕೌಶಲ್ ನಟಿಸಿದ್ದಾರೆ.

. 2) ದೀದಾರ್

. ಕಪ್ಪು–ಬಿಳುಪಿನ ದೀದಾರ್ ಸಿನಿಮಾ ತೆರೆಕಂಡಿದ್ದು 1951ರಲ್ಲಿ. ದಿಲೀಪ್ ಕುಮಾರ್ ಹಾಗೂ ಅಶೋಕ್ ಕುಮಾರ್ ಮುಖ್ಯ ಭೂಮಿಕೆಯಲ್ಲಿರುವ ಈ ಚಿತ್ರವನ್ನು ನಿತಿನ್ ಬೋಸ್ ನಿರ್ದೇಶಿಸಿದ್ದರು. ನರ್ಗಿಸ್ ಹಾಗೂ ನಿಮ್ಮಿ ಈ ಚಿತ್ರದ ನಾಯಕಿಯರು. ದುರಂತ ಪ್ರೇಮ ಕಥೆಯ ಈ ಸಿನಿಮಾ ಆ ಕಾಲಘಟ್ಟದಲ್ಲಿ ಸೂಪರ್ ಹಿಟ್ಆಗಿತ್ತು.

. 3) ದೇವದಾಸ್

. ಬಾಲಿವುಡ್ನಲ್ಲಿ ದಿಲೀಪ್ ಕುಮಾರ್ ಎಂದರೆ ನೆನಪಾಗುವ ಸಿನಿಮಾ ದೇವದಾಸ್. ದುರಂತ ನಾಯಕನ ಪಾತ್ರದಲ್ಲಿ ನಟಿಸಿದ್ದ ದೀಲಿಪ್ ಕುಮಾರ್ ಅವರಿಗೆ ಬ್ರೇಕ್ ಕೊಟ್ಟ ಸಿನಿಮಾ ದೇವದಾಸ್. ಈ ಸಿನಿಮಾದ ಮೂಲಕ ದಿಲೀಪ್ ಕುಮಾರ್ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿಕೊಂಡರು.

. ವೈಜಯಂತಿ ಮಾಲಾ, ಸುಚಿತ್ರ ಸೇನ್ ಮುಖ್ಯ ಪಾತ್ರವರ್ಗದಲ್ಲಿರುವ ಈ ಸಿನಿಮಾವನ್ನು ಭೀಮಲ್ ರಾಯ್ ನಿರ್ದೇಶನ ಮಾಡಿದ್ದರು.

. 4) ಉಡನ್ ಖಟೋಲಾ

. 1955ರಲ್ಲಿ ತೆರೆಕಂಡಿದ್ದ ಉಡನ್ ಖಟೋಲಾ ಸಿನಿಮಾ ಕ್ಲಾಸಿಕಲ್ ಹಿಟ್ ಆಗಿತ್ತು. ಎಸ್.ಯು ಸನ್ನಿ ನಿರ್ದೇಶನದ ಈ ಚಿತ್ರಕ್ಕೆ ನೌಷಾದ್ ಸಂಗೀತ ಸಂಯೋಜನೆ ಮಾಡಿದ್ದರು. ದಿಲೀಪ್ ಕುಮಾರ್ ಅವರಿಗೆ ನಾಯಕಿಯಾಗಿ ನಿಮ್ಮಿ ನಟಿಸಿದ್ದರು.

. 5) ನಯಾ ದೌರ್

. ಪ್ರೇಮ ಕಥೆಗಳ ಸಾಲಿನಿಂದ ಹೊರಬಂದು ನಟಿಸಿದ ಸಿನಿಮಾ ನಯಾ ದೌರ್. 1957ರಲ್ಲಿ ತೆರೆಕಂಡ ಈ ಸಿನಿಮಾ ಹಳ್ಳಿ ಜೀವನ ಹಾಗೂ ಕಾರ್ಮಿಕರ ಬದುಕಿನ ಚಿತ್ರಣವನ್ನು ಕಟ್ಟಿಕೊಡುವ ಚಿತ್ರ ಇದು. ದಿಲೀಪ್ ಕುಮಾರ್, ವೈಜಯಂತಿ ಮಾಲಾ, ಜೀವನ್, ಅಜಿತ್ ಈ ಚಿತ್ರದಲ್ಲಿ ನಟಿಸಿದ್ದಾರೆ.

. ಕಪ್ಪು–ಬಿಳುಪಿನ ಈ ಚಿತ್ರವನ್ನು 2007ರಲ್ಲಿ ವರ್ಣಲೇಪನ (ಕಲರ್) ಮಾಡಿ ಮರು ಬಿಡುಗಡೆ ಮಾಡಲಾಗಿತ್ತು.

. 6) ಮಧುಮತಿ

. ದಿಲೀಪ್ ಕುಮಾರ್ ಹಾಗೂ ವೈಜಯಂತಿ ಮಾಲಾ ಅವರ ಕಾಂಬಿನೇಶನ್ನಲ್ಲಿ ಮೂಡಿಬಂದ ಮತ್ತೊಂದು ಸಿನಿಮಾ ಮಧುಮತಿ. ದೇವದಾಸ್ ನಿರ್ದೇಶನ ಮಾಡಿದ್ದ ಭೀಮಲ್ ರಾಯ್ ಅವರೇ ಈ ಸಿನಿಮಾವನ್ನು ನಿರ್ದೇಶನ ಮಾಡಿದ್ದರು. ಸಲೀಲ್ ಚೌಧರಿ ಈ ಚಿತ್ರಕ್ಕೆ ರಾಗ ಸಂಯೋಜನೆ ಮಾಡಿದ್ದರು. ಈ ಸಿನಿಮಾ 1958ರಲ್ಲಿ ತೆರೆಕಂಡಿತ್ತು.

. 7) ಮೋಘಲ್ –ಎ–ಅಝಂ

. ಐತಿಹಾಸಿಕ ಸಿನಿಮಾಮೋಘಲ್ –ಎ–ಅಝಂ ದಿಲೀಪ್ ಕುಮಾರ್ ಅವರಿಗೆ ಯಶಸ್ವಿ ನಾಯಕನ ಪಟ್ಟ ತಂದುಕೊಟ್ಟ ಸಿನಿಮಾ. ಕೆ ಆಸೀಪ್ ನಿರ್ದೇಶನದ ಈ ಚಿತ್ರದಲ್ಲಿ ಪೃಥ್ವಿರಾಜ್ ಕಪೂರ್ ಹಾಗೂ ಮಧುಬಾಲ ಸಹ ನಟಿಸಿದ್ದಾರೆ.

. 8) ಗಂಗಾ–ಜಮುನಾ

. ದಿಲೀಪ್ ಕುಮಾರ್–ವೈಜಯಂತಿ ಮಾಲಾ ಜೋಡಿಯ ಮತ್ತೊಂದು ಹಿಟ್ ಸಿನಿಮಾ ಗಂಗಾ–ಜಮುನಾ. 1961ರಲ್ಲಿ ತೆರೆಕಂಡ ಈ ಸಿನಿಮಾವನ್ನು ದಿಲೀಪ್ ಕುಮಾರ್ ಅವರೇ ನಿರ್ಮಾಣ ಮಾಡಿದ್ದರು. ನಿತಿನ್ ಬೋಸ್ ಅವರ ನಿರ್ದೇಶನ ಈ ಚಿತ್ರಕ್ಕಿತ್ತು. ಡಕಾಯಿತರ ಕಥಾ ಹಂದರ ಇರುವ ಈ ಸಿನಿಮಾದಲ್ಲಿ ದಿಲೀಪ್ ಕುಮಾರ್ಆ್ಯಕ್ಷನ್ ಪ್ರೇಕ್ಷಕರಿಗೆ ಇಷ್ಟವಾಗಿತ್ತು.

. 9) ಕ್ರಾಂತಿ

. 1981ರಲ್ಲಿ ತೆರೆಕಂಡ ಕ್ರಾಂತಿ ಚಿತ್ರ ದಿಲೀಪ್ ಕುಮಾರ್ ಅವರ ಹಿಟ್ ಚಿತ್ರ. ಈ ಚಿತ್ರದಲ್ಲಿ ಹೇಮಮಾಲಿನಿ ಹಾಗೂ ಶಶಿ ಕಪೂರ್ ಕೂಡ ನಟಿಸಿದ್ದಾರೆ. ಮನೋಜ್ ಕುಮಾರ್ ನಿರ್ದೇಶನ ಮಾಡಿದ್ದ ಈ ಸಿನಿಮಾ ಶತದಿನೋತ್ಸವ ಕಂಡಿತ್ತು.

. 10) ರಾಮ್ ಔರ್ ಶ್ಯಾಮ್

. 60ರ ದಶಕದಲ್ಲಿನ ದೀಲಿಪ್ ಕುಮಾರ್ ಅವರ ಹಿಟ್ ಚಿತ್ರವೆಂದರೆ ರಾಮ್ ಔರ್ ಶ್ಯಾಮ್. ತಾಪಿ ಚಾಣಕ್ಯ ನಿರ್ದೇಶನದ ಈ ಸಿನಿಮಾ ಸೂಪರ್ ಡೂಪರ್ ಹಿಟ್ ಆಗಿತ್ತು. ದಿಲೀಪ್ ಕುಮಾರ್ ಮತ್ತು ಪ್ರಾಣ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರಕ್ಕೆ ನೌಷಾದ್ ಸಂಗೀತ ನಿರ್ದೇಶನ ಮಾಡಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಿನಿಮಾ ನೋಡಿ: ನೋಡಲೇಬೇಕಾದ ದಿಲೀಪ್‌ ಕುಮಾರ್‌ ಟಾಪ್‌ 10 ಸಿನಿಮಾಗಳು

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

IND vs SA | ಸಂಜು ಸ್ಫೋಟಕ ಶತಕ: ಭಾರತಕ್ಕೆ ಜಯ, ಆತಿಥೇಯ ದ. ಆಫ್ರಿಕಾಕ್ಕೆ ನಿರಾಸೆ

ಚೆಸ್‌ ಟೂರ್ನಿ: ಅರ್ಜುನ್‌ಗೆ ಮತ್ತೊಂದು ಜಯ

ಡಿ.6ರಿಂದ ಬೆಂಗಳೂರಿನಲ್ಲಿ ರಾಷ್ಟ್ರೀಯ ಕುಸ್ತಿ: ಅಮನ್ ಹಲವು ಕುಸ್ತಿ ತಾರೆಗಳು ಭಾಗಿ

SA vs IND T20: ಕಿಂಗ್ಸ್‌ಮೀಡ್‌ನಲ್ಲಿ ಟಾಸ್ ಸೋತ ಭಾರತ ಬ್ಯಾಟಿಂಗ್

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024