ಒಂದಲ್ಲಾ ಎರಡಲ್ಲಾ ಟ್ರೇಲರ್ ಬಂತಲ್ಲಾ

‘ರಾಮಾ ರಾಮಾ ರೇ’ ಚಿತ್ರದಿಂದ ಜನಪ್ರಿಯರಾಗಿದ್ದ ನಿರ್ದೇಶಕ ಡಿ. ಸತ್ಯಪ್ರಕಾಶ್ ತಮ್ಮ ಎರಡನೇ ಚಿತ್ರ ‘ಒಂದಲ್ಲಾ ಎರಡಲ್ಲಾ’ ಮಾಡಿ ಮುಗಿಸಿದ್ದಾರೆ. ಇತ್ತೀಚೆಗೆ ಸಿನಿಮಾದ ಪೋಸ್ಟರ್ ಬಿಡುಗಡೆ ಮಾಡಿದ್ದ ಅವರು ‘ಇದು ಮಗುವಿನ ಮುಗ್ಧತೆ ಮತ್ತು ದೊಡ್ಡವರ ಜಗತ್ತಿನ ಮಾನವೀಯತೆ ಎರಡನ್ನೂ ಸೇರಿಸಿ ಹೆಣೆದ ಚಿತ್ರ’ ಎಂದು ಹೇಳಿದ್ದರು.

. ಇದೀಗ ‘ಒಂದಲ್ಲಾ ಎರಡಲ್ಲಾ’ ಚಿತ್ರತಂಡ ಟ್ರೇಲರ್ ಬಿಡುಗಡೆ ಮಾಡಿದೆ. ಈ ಟ್ರೇಲರ್ನಲ್ಲಿ ಕಾಣೆಯಾಗಿರುವ ಪುಟ್ಟ ಬಾಲಕನ ಸುತ್ತ ಈ ಚಿತ್ರ ಹೆಣೆದಿದೆ, ಆ ಬಾಲಕನ ಹೆಸರು ಸಮೀರ ಎಂಬ ಸುಳಿವನ್ನು ನೀಡಲಾಗಿದೆ.

. ಗಲಭೆಯ ಪ್ರಕ್ಷುಬ್ದ ಚಿತ್ರಿಕೆಗಳು, ಪುಟಾಣಿ ಸಮೀರನ ಓಟದ ಆಟ, ಓಡಿಹೋದ ಭಾನುವಿನ ಕುರಿತ ಆತಂಕ ಹೀಗೆ ಹಲವು ಕುತೂಹಲದ ಬೀಜಗಳನ್ನು ಟ್ರೇಲರ್ ಮೂಲಕ ಬಿತ್ತಿದ್ದಾರೆ. ಜತೆಗೆ ಪುಟಾಣಿ ಹುಡುಗಿಯ ಧ್ವನಿಯಲ್ಲಿ ಬಂದಿರುವ ‘ಒಂದೂರಲ್ಲಿ ಹೀಗೆ ಒಂದೂರ ಕಥೆಯಿದು...’ ಎಂಬ ಹಾಡೂ ಮನಸೆಳೆಯುವಂತಿದೆ. ಈ ಧ್ವನಿಯಲ್ಲಿನ ಮುಗ್ಧತೆಗೆ ಪೂರ್ತಿ ವಿರುದ್ಧವಾದ ಇನ್ನೊಂದು ಧ್ವನಿ ‘ಕಾಡು ನುಂಗಿದ ಕಳ್ಳ ಊರಲಿ ಬಂದು ನಿಂತನು ಸಮೀರ’ ಎಂದು ಹೇಳುವುದೂ ಮುಗ್ಧತೆ ಮತ್ತು ದುರುಳತನದ ಮುಖಾಮುಖಿಯ ಕಥೆ ಇದು ಎಂಬ ಸುಳಿವು ನೀಡುವಂತಿದೆ. ವಿಶೇಷವಾಗಿ ಹಿನ್ನೆಲೆ ಸಂಗೀತ ಗಮನ ಸೆಳೆಯುವಂತಿದೆ.

. ‘ರಾಮಾ ರಾಮಾ ರೇ’ ನಂತರ ಸತ್ಯಪ್ರಕಾಶ್ ಮಾಡಿರುವ ಈ ಚಿತ್ರದ ಕುರಿತು ಸಾಕಷ್ಟು ನಿರೀಕ್ಷೆಗಳಿವೆ. ಆ ನಿರೀಕ್ಷೆಯನ್ನು ತಣಿಸುವ ಲಕ್ಷಣಗಳೂ 2.18 ನಿಮಿಷ ಅವಧಿಯ ಟ್ರೇಲರ್ನಲ್ಲಿಯೇ ಗೋಚರಿಸುತ್ತವೆ. ಹಳ್ಳಿಯ ವಾತಾವರಣ, ಮುಸ್ಲಿಂ ಮಧ್ಯಮವರ್ಗದ ಕುಟುಂಬದ ಕಥೆಯೊಂದನ್ನು ಇಟ್ಟುಕೊಂಡು ಸತ್ಯ ಏನು ಹೇಳಹೊರಟಿದ್ದಾರೆ ಎನ್ನುವುದನ್ನು ತಿಳಿಯಬೇಕು ಎಂದರೆ ಆಗಸ್ಟ್ವರೆಗೆ ಕಾಯಲೇ ಬೇಕು.

. ಲವಿತ್ ಛಾಯಾಗ್ರಹಣ, ವಾಸುಕಿ ವೈಭವ್ ಸಂಗೀತ, ನೋಬಿನ್ ಪೌಲ್ ಧ್ವನಿ ವಿನ್ಯಾಸವಿದೆ. ಬಹುತೇಕ ಹೊಸ ಕಲಾವಿದರೇ ಈ ಚಿತ್ರದಲ್ಲಿ ನಟಿಸಿದ್ದಾರೆ. ಹೆಬ್ಬುಲಿ ಚಿತ್ರದ ನಿರ್ಮಾಪಕ ಉಮಾಪತಿ ಈ ಚಿತ್ರಕ್ಕೆ ಹಣ ಹೂಡಿದ್ದಾರೆ.

. ಒಂದಲ್ಲಾ ಎರಡಲ್ಲಾ ಚಿತ್ರ ಟ್ರೇಲರ್ ಲಿಂಕ್: https://goo.gl/EuMZYS

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಒಂದಲ್ಲಾ ಎರಡಲ್ಲಾ ಟ್ರೇಲರ್ ಬಂತಲ್ಲಾ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ