ಪಡ್ಡೆಹುಲಿ ಸಂಚಾರ ಶುರು!

ನಿರ್ಮಾಪಕ ಕೆ. ಮಂಜು ಅವರ ಪುತ್ರ ಶ್ರೇಯಸ್ ಸಖತ್ ಖುಷಿಯಲ್ಲಿದ್ದರು. ಅವರ ಒಂದು ಪಕ್ಕದಲ್ಲಿ ನಿರ್ದೇಶಕ ಗುರು ದೇಶಪಾಂಡೆ, ಇನ್ನೊಂದು ಪಕ್ಕದಲ್ಲಿ ಹಿರಿಯ ನಟ ರವಿಚಂದ್ರನ್ ಕುಳಿತಿದ್ದರು.

. ಶ್ರೇಯಸ್ ಅವರಲ್ಲಿದ್ದ ಖುಷಿಗೆ ಕಾರಣ, ಅವರ ಅಭಿನಯದ ಮೊದಲ ಸಿನಿಮಾ ‘ಪಡ್ಡೆಹುಲಿ’ ಶುಕ್ರವಾರ ತೆರೆಗೆ ಬರುತ್ತಿರುವುದು. ಚಿತ್ರ ತೆರೆಗೆ ಬರುತ್ತಿದೆ ಎಂಬ ಸುದ್ದಿಯನ್ನು ತಿಳಿಸಲು ಸುದ್ದಿಗೋಷ್ಠಿ ಕರೆಯಲಾಗಿತ್ತು. ಅಲ್ಲಿ ಇಡೀ ಚಿತ್ರತಂಡ ಹಾಜರಿತ್ತು.

. ಮೊದಲು ಮೈಕ್ ಕೈಗೆತ್ತಿಕೊಂಡ ಚಿತ್ರದ ನಿರ್ದೇಶಕ ಗುರು, ‘ಇದು ಶ್ರೇಯಸ್ಗಾಗಿ ಮಾಡಿರುವ ಸಿನಿಮಾ. ಅವರನ್ನು ಸಿನಿಮಾ ರಂಗದಲ್ಲಿ ಲಾಂಚ್ ಮಾಡಬೇಕು ಎಂಬ ಉದ್ದೇಶದಿಂದ ಮಾಡಿರುವ ಸಿನಿಮಾ. ನಮಗೊಬ್ಬ ನಾಯಕ ನಟ ಬೇಕಿತ್ತು. ಶ್ರೇಯಸ್ ಮೂಲಕ ಅಂತಹ ನಟ ಸಿಕ್ಕಿದ್ದಾನೆ’ ಎಂದರು.

. ನಂತರ ಅವರ ಮಾತುಗಳು ಹೊರಳಿದ್ದು, ಈ ಚಿತ್ರದಲ್ಲಿ ರವಿಚಂದ್ರನ್ ಅಭಿನಯಿಸಲು ಒಪ್ಪಿದ್ದು ಹೇಗೆ ಎಂಬುದರ ಬಗ್ಗೆ. ‘ಈ ಚಿತ್ರ ಮಾಡುವ ಮೊದಲು ನಾನು ಬಹಳ ಸಲ ರವಿ ಸರ್ ಮನೆಗೆ ಭೇಟಿ ನೀಡಿದ್ದೇನೆ. ಈ ಚಿತ್ರದಲ್ಲಿ ನಟಿಸುವಂತೆ ರವಿ ಅವರನ್ನು ಒಪ್ಪಿಸಲು ನಾನು ಮಂಜು ಅವರನ್ನೇ ಕಳುಹಿಸಿದ್ದೆ’ ಎಂದರು ಗುರು.

. ಮಾತು ಮುಂದುವರಿಸಿದ ಗುರು, ‘ರವಿ ಸರ್ ನಮ್ಮ ಜೊತೆ ಎಲ್ಲ ಸಿನಿಮಾಗಳಲ್ಲೂ ಇರುವಂತೆ ಆಗಲಿ. ಅವರನ್ನು ನಾವು ಈ ಚಿತ್ರದಲ್ಲಿ ಚೆನ್ನಾಗಿ ಚಿತ್ರಿಸಿದ್ದೇವೆ. ಇದರಲ್ಲಿ ತಂದೆ–ಮಗನ ಭಾವುಕ ಸಂಬಂಧದ ದೃಶ್ಯಗಳು ಬಹಳ ಚೆನ್ನಾಗಿ ಮೂಡಿಬಂದಿವೆ’ ಎಂದರು.

. ಚಿತ್ರದಲ್ಲಿ ಹತ್ತು ಹಾಡುಗಳು ಇವೆಯಂತೆ! ಅಯ್ಯೋ, ಹತ್ತು ಹಾಡುಗಳಾ ಎಂದು ಮೂಗಿನ ಮೇಲೆ ಬೆರಳಿಟ್ಟುಕೊಳ್ಳುವುದು ಬೇಡ. ಹತ್ತರಲ್ಲಿ ಐದು ಹಾಡುಗಳು ಕಮರ್ಷಿಯಲ್ ಸ್ಪರ್ಶ ಹೊಂದಿರುವಂಥವು. ಇನ್ನೈದು ಹಾಡುಗಳು ಸನ್ನಿವೇಶಕ್ಕೆ ತಕ್ಕಂತೆ ಬರುತ್ತವೆ ಎಂದು ಸಿನಿತಂಡ ಹೇಳಿದೆ.

. ‘ರವಿ ಸರ್ಗೆ ನನ್ನ ಬಗ್ಗೆ ಬಹಳ ಪ್ರೀತಿ. ಶ್ರೇಯಸ್ಗೆ ಒಳ್ಳೆಯದಾಗಲಿ ಎಂದು ನಾವು ಅವನಿಗೆ ಸಪೋರ್ಟ್ ಮಾಡಿದ್ದೇವೆ ಎಂದು ರವಿ ಸರ್ ಹೇಳಿದ್ದಾರೆ’ ಎಂದರು ಶ್ರೇಯಸ್.

. ನಾಯಕಿ ನಿಶ್ವಿಕಾ ನಾಯ್ಡು ಅವರದ್ದು ಇದರಲ್ಲಿ ಸಂಗೀತಾ ಎನ್ನುವ ಪಾತ್ರ. ನಾಯಕ ಸಂಗೀತವನ್ನು (ಅಂದರೆ ಮ್ಯೂಸಿಕ್) ಇಷ್ಟಪಡುವವ. ಅಲ್ಲದೆ, ಸಂಗೀತಾಳನ್ನು ಪ್ರೀತಿಸುವವ. ನಾಯಕಿ ಇದರಲ್ಲಿ ನಾಯಕನ ವೃತ್ತಿ ಬದುಕಿಗೆ ಆಸರೆಯಾಗಿ ನಿಲ್ಲುತ್ತಾಳೆ.

. ಕೊನೆಯಲ್ಲಿ ಮಾತನಾಡಿದ ರವಿಚಂದ್ರನ್, ‘ಈ ಚಿತ್ರ ಕೌಟುಂಬಿಕ ಸಂಬಂಧಗಳ ಬಗ್ಗೆ ಮಾತನಾಡುತ್ತದೆ. ಚಿತ್ರ ಪೂರ್ಣಗೊಳ್ಳಲು ಸರಿಸುಮಾರು ಒಂದು ವರ್ಷ ತೆಗೆದುಕೊಂಡಿದೆ’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಡ್ಡೆಹುಲಿ ಸಂಚಾರ ಶುರು!

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ