’ಡರ್ಟಿ ಪಿಕ್ಚರ್’ ಒಪ್ಪಿಕೊಂಡಾಗ ಜನ ನನ್ನನ್ನು ಹುಚ್ಚಿ ಎಂದಿದ್ದರು: ವಿದ್ಯಾ ಬಾಲನ್

‘ನಾನು ‘ಡರ್ಟಿ ಪಿಕ್ಟರ್’ ಸಿನಿಮಾಗೆ ಸಹಿ ಮಾಡಿದ್ದು ತಿಳಿದಾಗ ಜನ ನನ್ನನ್ನು ಹುಚ್ಚಿ ಎಂದು ಕರೆದಿದ್ದರು. ಅಲ್ಲದೇ ಆ ಸಿನಿಮಾದಲ್ಲಿ ನಾನು ನಟಿಸಬಾರದು. ಅದು ನನ್ನ ಇಮೇಜ್ಗೆ ಧಕ್ಕೆ ತರುತ್ತದೆ ಎಂದೆಲ್ಲಾ ಮಾತನಾಡಿಕೊಂಡಿದ್ದರು. ಆದರೆ ನನ್ನ ತಂದೆ–ತಾಯಿ ನನಗೆ ಪ್ರೋತ್ಸಾಹ ನೀಡಿದ್ದರು. ನಿನ್ನ ಗುರಿಯನ್ನು ನೀನು ಮುಟ್ಟು ಎಂದು ಹುರಿದುಂಬಿಸಿದ್ದರು’ ಎಂದು ಅಂದಿನ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ ನಟಿ ವಿದ್ಯಾ ಬಾಲನ್.

. ಆಂಗ್ಲ ಮಾಧ್ಯಮ(ಇಂಡಿಯಾ ಟುಡೆ)ವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಈ ರೀತಿ ಹೇಳಿಕೊಂಡಿದ್ದಾರೆ ವಿದ್ಯಾ.

. ‘ನಾನು ಮಿಲನ್ ಲೂಥ್ರಿಯಾ ಅವರನ್ನು ಭೇಟಿ ಮಾಡಿ ಮಾಡಿದಾಗ ಅವರು ನನ್ನ ಮೇಲಿನ ನಂಬಿಕೆಯನ್ನು ವ್ಯಕ್ತಪಡಿಸಿದ್ದರು. ಈ ಸಿನಿಮಾದಲ್ಲಿ ಕೆಲವೊಂದು ಸೌಂದರ್ಯಮಿಮಾಂಸೆಯ ದೃಶಗಳು ಇವೆ ಎಂಬುದು ನನಗೆ ತಿಳಿದಿತ್ತು. ಆದರೆ ಅದು ನಿಷ್ಕೃಷ್ಟ ಅಲ್ಲ ಎಂದು ನನಗೆ ಅನ್ನಿಸಿತ್ತು. ಅಲ್ಲದೇ ಈ ಸಿನಿಮಾಕ್ಕೆ ಏಕ್ತಾ ಕಪೂರ್ ನಿರ್ಮಾಪಕಿಯಾಗಿದ್ದರು. ಅವರು ಕೂಡ ಒಂದು ಹೆಣ್ಣು. ಅವರು ನನಗೆ ಮೊದಲೇ ಪರಿಚಯ. ನಾನು ನನ್ನ ವೃತ್ತಿ ಬದುಕನ್ನು ಆರಂಭಿಸಿದ್ದು ಅವರೊಂದಿಗೆ. ಆ ಕಾರಣಕ್ಕೆ ನಾನು ಸುರಕ್ಷಿತ ಎಂಬ ಭಾವನೆ ಮೂಡಿತ್ತು. ಆದರೆ ಕೆಲವು ಜನರು ನನಗೆ ‘‘ನೀನು ಹುಚ್ಚಿ, ಮಾರ್ಯದೆ ಇಲ್ಲದವಳು, ನೀನು ಈ ರೀತಿಯ ಸಿನಿಮಾ ಒಪ್ಪಿಕೊಳ್ಳಬಾರದಿತ್ತು’’ ಎಂದೆಲ್ಲಾ ಜರಿದಿದ್ದರು’ ಎಂದು ನೆನಪಿಸಿಕೊಂಡಿದ್ದಾರೆ.

. ‘ನನಗಿನ್ನೂ ನೆನಪಿದೆ. ಆಗ ನನ್ನ ಪೋಷಕರ ಬಳಿ ನಾನು ಈ ಸಿನಿಮಾವನ್ನು ಮಾಡಲೇ? ಎಂದು ಕೇಳಿದ್ದೆ. ಆಗ ಅವರು ನಿನಗೆ ಏನು ಸರಿ ಎನ್ನಿಸುತ್ತದೆ ಅದನ್ನು ಮಾಡು ಎಂದಿದ್ದರು. ನನ್ನ ಪೋಷಕರಿಗೆ ಸಿನಿಮಾ ಹಿನ್ನೆಲೆಯಿಲ್ಲ. ಆದರೂ ಅವರು ಎಂದೂ ನನಗೆ ಯಾವುದಕ್ಕೂ ಅಡ್ಡಿಪಡಿಸಿಲ್ಲ’ ಎಂದಿದ್ದಾರೆ ವಿದ್ಯಾ.

. ‘ಡರ್ಟಿ ಪಿಕ್ಚರ್’ ಚಿತ್ರವು ನಟಿ ಸಿಲ್ಕ್ ಸ್ಮಿತಾ ಅವರ ಅರೆ–ಜೀವನಾಧಾರಿತ ಚಿತ್ರವಾಗಿತ್ತು. ಇದರಲ್ಲಿ ಹಳ್ಳಿಯಿಂದ ಚೆನ್ನೈ ಪಟ್ಟಣಕ್ಕೆ ಬಂದು ಸಿನಿಮಾಗಳ ಮೂಲಕ ತನ್ನ ಅದೃಷ್ಟ ಪರೀಕ್ಷೆಗೆ ಇಳಿಯುವ ಹುಡುಗಿಯ ಪಾತ್ರಕ್ಕೆ ಜೀವ ತುಂಬಿದ್ದರು ಶಕುಂತಲಾ ದೇವಿ ಖ್ಯಾತಿಯ ನಟಿ.

. ‘ನಾನು ಚಿಕ್ಕವಳಿದ್ದಾಗ ನನ್ನ ಅಮ್ಮ ನನಗೆ ಶಾರ್ಟ್ಸ್ ತೊಡಿಸುತ್ತಿದ್ದರು. ನಾನು ದಪ್ಪಗಿದ್ದ ಕಾರಣಕ್ಕೆ ಎಲ್ಲರೂ ನನ್ನನ್ನು ಆಡಿಕೊಳ್ಳುತ್ತಿದ್ದರು. ಅಲ್ಲಿಂದ ಮುಂದೆ ನಾನು ನನ್ನ ಜೀವನದಲ್ಲಿ ಎಂದಿಗೂ ಶಾರ್ಟ್ಸ್ ಧರಿಸಿರಲಿಲ್ಲ. ಆದರೆ ಈ ಸಿನಿಮಾದ ಮೊದಲ ಕಾಸ್ಟ್ಯೂಮ್ ಟ್ರಯಲ್ನಲ್ಲಿ ನಿಹಾರಿಕಾ ಸಿಂಗ್ ನನಗೆ ಒಂದು ಜೊತೆ ಶಾರ್ಟ್ಸ್ ನೀಡಿದ್ದರು. ನಾನು ಹಿಂದಿನ ಭಾವನೆಯಿಂದ ಹೊರ ಬಂದು ಶಾರ್ಟ್ ಧರಿಸಿದ್ದೆ. ಅಲ್ಲದೇ ಅದು ತಪ್ಪು ಎಂದೂ ನನಗೆ ಅನ್ನಿಸಲಿಲ್ಲ’ ಎಂದಿದ್ದಾರೆ.

. ಡರ್ಟಿ ಪಿಕ್ಚರ್ ಸಿನಿಮಾ 2011ರಲ್ಲಿ ಬಿಡುಗಡೆಯಾಗಿತ್ತು. ಇದರಲ್ಲಿ ಇಮ್ರಾನ್ ಹಶ್ಮಿ, ತುಷಾರ್ ಕಪೂರ್ ಹಾಗೂ ನಾಸಿರುದ್ದಿನ್ ಶಾ ನಟಿಸಿದ್ದರು. ಈ ಚಿತ್ರದ ಅಭಿನಯಕ್ಕೆ ವಿದ್ಯಾ ಅತ್ಯುತ್ತಮ ನಟಿ ರಾಷ್ಟ್ರಪ್ರಶಸ್ತಿ ಪಡೆದಿದ್ದರು. ಇದು ಬಾಕ್ಸ್ ಆಫೀಸ್ನಲ್ಲಿ ಹಿಟ್ ಆಗಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

’ಡರ್ಟಿ ಪಿಕ್ಚರ್’ ಒಪ್ಪಿಕೊಂಡಾಗ ಜನ ನನ್ನನ್ನು ಹುಚ್ಚಿ ಎಂದಿದ್ದರು: ವಿದ್ಯಾ ಬಾಲನ್

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!