ಚೆಸ್‌ ಟೂರ್ನಿ: ಅರ್ಜುನ್‌ಗೆ ಮತ್ತೊಂದು ಜಯ

ಚೆನ್ನೈ : ವಿಶ್ವದ ಎರಡನೇ ಕ್ರಮಾಂಕದ ಆಟಗಾರ ಅರ್ಜುನ್ ಇರಿಗೇಶಿ, ಚೆನ್ನೈ ಗ್ರ್ಯಾಂಡ್ಮಾಸ್ಟರ್ಸ್ ಚೆಸ್ ಟೂರ್ನಿಯ ನಾಲ್ಕನೇ ಸುತ್ತಿನಲ್ಲಿ ಶುಕ್ರವಾರ ಇರಾನ್ನ ಅಮಿನ್ ತಬಾತಬೇಯಿ ಅವರನ್ನು ಸೋಲಿಸಿ ಒಂಟಿಯಾಗಿ ಅಗ್ರಸ್ಥಾನಕ್ಕೇರಿದರು.

. ಅಜೇಯರಾಗಿರುವ ಅರ್ಜುನ್ 3.5 ಪಾಯಿಂಟ್ಸ್ ಕಲೆಹಾಕಿದ್ದಾರೆ. ಎಂಟು ಆಟಗಾರರ ಮಾಸ್ಟರ್ಸ್ ವಿಭಾಗದಲ್ಲಿ ಇತರ ಮೂರು ಪಂದ್ಯಗಳು ಡ್ರಾ ಆದವು. ವಿದಿತ್ ಗುಜರಾತಿ ಮತ್ತು ಅರವಿಂದ ಚಿದಂಬರಂ ಅವರು ಕ್ರಮವಾಗಿ ಮ್ಯಾಕ್ಸಿಂ ವೇಷಿಯರ್ ಲಗ್ರಾವ್ ಮತ್ತು ಲೆವೊನ್ ಅರೋನಿಯನ್ ಜೊತೆ ಡ್ರಾ ಮಾಡಿಕೊಂಡರು.

. ಪರ್ಹಾಮ್ ಮಘಸೂಡ್ಲೂ ಮತ್ತು ಸರ್ಬಿಯಾದ ಅಲೆಕ್ಸಿ ಸರನ ನಡುವಣ ಪಂದ್ಯವೂ ಡ್ರಾ ಮೂಲಕ ಕೊನೆಗೊಂಡಿತು.

. ಪ್ರಣವ್ ಮಿಂಚು:

. ಪ್ರಬಲ ಕಣವಿರುವ ಚಾಲೆಂಜರ್ ವಿಭಾಗದಲ್ಲಿ ವಿ. ಪ್ರಣವ್, ವೈಶಾಲಿ ಆರ್. ವಿರುದ್ಧ ಜಯಗಳಿಸುವ ಮೂಲಕ ಸತತ ನಾಲ್ಕನೇ ಗೆಲುವನ್ನು ದಾಖಲಿಸಿದರು. ಕಾರ್ತಿಕೇಯ ಮುರಳಿ ಸಹ ಉತ್ತಮ ಪ್ರದರ್ಶನ ನೀಡಿ ದ್ರೋಣವಲ್ಲಿ ಹಾರಿಕಾ ಅವರನ್ನು ಸೋಲಿಸಿದರು.

. ರೌನಕ್ ಸಾಧ್ವಾನಿ ಮತ್ತು ಪ್ರಾಣೇಶ್ ಎಂ. ನಡುವಣ ಹೋರಾಟದ ಪಂದ್ಯ ಡ್ರಾ ಆಯಿತು. ಲಿಯೊನ್ ಮೆಂಡೊನ್ಕಾ ಮತ್ತು ಅಭಿಮನ್ಯು ಪುರಾಣಿಕ್ ಕೂಡ ಪಾಯಿಂಟ್ಸ್ ಹಂಚಿಕೊಂಡರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚೆಸ್‌ ಟೂರ್ನಿ: ಅರ್ಜುನ್‌ಗೆ ಮತ್ತೊಂದು ಜಯ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಜಮ್ಮು-ಕಾಶ್ಮೀರ: ಸತತ 3ನೇ ದಿನವೂ ಕಲಾಪದಲ್ಲಿ ಗದ್ದಲ, ಎಳೆದಾಟ

IND vs SA: ಸಂಜು ಸ್ಫೋಟಕ ಶತಕ, 10 ಸಿಕ್ಸರ್; ಭಾರತ 202/8