<p>ಗಂಭೀರ ನಡೆಯೊಂದಿಗೆ ವೇದಿಕೆಯ ಮೇಲೆ ಬಂದರು. ಸಭಿಕರಿಂದ ಸಣ್ಣ ಮಕ್ಕಳು ಪ್ರೀತಿಯಿಂದ ಕೂಗು ಹಾಕಿದರು ’ಡಾಲಿ.. ಡಾಲಿ‘ ಆ ಕಡೆ ಸಣ್ಣದೊಂದು ನೋಟ ಬೀರಿದರು. ಕೈಬೀಸಬೇಕೆಂಬ ಆಸೆಯನ್ನು ಅದುಮಿಟ್ಟು, ಸಭಾ ಮರ್ಯಾದೆಯತ್ತ ಹೆಚ್ಚು ಗಮನಕೊಟ್ಟರು.</p>.<p>ಸಂಭ್ರಮ ಮತ್ತು ಸಂಘರ್ಷಗಳ ನಡುವೆ ಬಂದಂತೆ ಬಂದವರೇ ಗಂಭೀರವಾಗಿ ಪ್ರಜಾವಾಣಿ ಸಿನಿ ಸಮ್ಮಾನ ಗೌರವವನ್ನು ಸ್ವೀಕರಿಸಿದರು. ಕರುನಾಡ ಕರ್ನಾಟಕ ಸುಂದರಿಯು ಹೊಂಬಣ್ಣದ ಹೂಬಳ್ಳಿಯನ್ನು ಹೊತ್ತಿರುವ ಪ್ರಶಸ್ತಿಯನ್ನು ಹಿಡಿಯುವುದೇ ಖುಷಿ ಎಂಬಂತೆ ಸ್ವೀಕರಿಸಿದರು.</p>.<p>ಅನುಶ್ರೀ ಅವರು ‘ಮೌನವಾಗಿಯೇ ಉಳಿದು ಬಿಟ್ಟೆ’ ಸಾಲುಗಳ ಬಗ್ಗೆ ನೆನಪಿಸಿದರು. ಕನ್ನಡದ ಕಾರು, ಆಟೊಗಳ ಮೇಲೆಯೂ ರಾರಾಜಿಸಿರುವ ಈ ಸಾಲುಗಳನ್ನು ಒಮ್ಮೆ ಹೇಳುವಿರಾ ಎಂದು ಕೇಳಿದಾಗ.. ಒಂದರೆ ಗಳಿಗೆ ಆ ಸಾಲುಗಳನ್ನು ನೆನಪಿಸಿಕೊಂಡರು.</p>.<p>'ಓ ಬದುಕೇ ನೀನು ಮೌನವಾಗಿಯೇ ಉಳಿದುಬಿಟ್ಟೆ....!! ಎಂತೆಂಥ ಪ್ರಶ್ನೆಗಳನ್ನಿಟ್ಟೆ? ಎಂತೆಂಥ ಪೋಷಾಕು ತೊಟ್ಟೆ? ಉದ್ದಗಲಕ್ಕೂ ಮಿತಿಗಳನ್ನೇ ಇಟ್ಟು ಮಿತಿಮೀರಲು ಒಮ್ಮೊಮ್ಮೆ ಅನುಭವಿಸು ಎಂದು ಮೌನವಾಗಿಯೇ ಉಳಿದಬಿಟ್ಟೆ... </p>.<p>ಹೇಳುತ್ತಲೇ ಒಂದೆರಡು ಸೆಕೆಂಡುಗಳ ಬ್ರೇಕು ಪಡೆದು, ಸಾಲುಗಳು ನೆನಪಾಗ್ತಿಲ್ವಲ್ಲ ಅಂದವರೇ ಮುಂದಿನ ಸಾಲಿಗೆ ನಡೆದರು.. ’ಏನೇನೆಲ್ಲಾ ಗಳಿಸಿಕೊಟ್ಟೆ. ಏನೇನೆಲ್ಲಾ ಕಳೆದುಬಿಟ್ಟೆ. ಏನೇನೆಲ್ಲಾ ಕಲಿಸಿ. ಏನೇನೆಲ್ಲಾ ಮರೆಸಿ ಸುಖ ದುಖ ನಿನ್ನದು ಎಂದು ನೀನು ಮೌನವಾಗಿಬಿಟ್ಟೆ. ಓ ಬದುಕೇ ನೀನು ಮೌನವಾಗಿಯೇ ಉಳಿದುಬಿಟ್ಟೆ..!‘</p>.<p> ಬದುಕು ಮೌನವಾದ ಕುರಿತು, ಮೈಯೆಲ್ಲ ಕಿವಿಯಾಗಿಸಿಕೊಂಡಿದ್ದ ಸಭಿಕರ ಉಸಿರಾಟ ಬಿಟ್ಟರೆ ಏನೂ ಕೇಳುತ್ತಿರಲಿಲ್ಲ. ಇದ್ದಕ್ಕಿದ್ದಂತೆ ಎಚ್ಚೆತ್ತುಕೊಂಡವರೆಲ್ಲ ಕರತಾಡನ ಮಾಡಿ, ಮೆಚ್ಚುಗೆ ಸ್ವೀಕರಿಸಿದರು. </p>.<p>ಸಂಭ್ರಮದಿಂದಲೇ ಧನಂಜಯ ಪ್ರೀತಿಯಿಂದ ‘ವರ್ಷದ ಅತ್ಯುತ್ತಮ ಸಾಧನೆ’ ಗೌರವವನ್ನು ಎದೆಗಾನಿಕೊಂಡು ವೇದಿಕೆಯಿಂದ ಇಳಿದರು. ಇಳಿದಾಗಲೂ ಅದೇ ಪ್ರೀತಿಯ ಕರೆ ’ಡಾಲಿ... ಡಾಲಿ..‘ ಅನುರಣಿಸುತ್ತಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಗಂಭೀರ ನಡೆಯೊಂದಿಗೆ ವೇದಿಕೆಯ ಮೇಲೆ ಬಂದರು. ಸಭಿಕರಿಂದ ಸಣ್ಣ ಮಕ್ಕಳು ಪ್ರೀತಿಯಿಂದ ಕೂಗು ಹಾಕಿದರು ’ಡಾಲಿ.. ಡಾಲಿ‘ ಆ ಕಡೆ ಸಣ್ಣದೊಂದು ನೋಟ ಬೀರಿದರು. ಕೈಬೀಸಬೇಕೆಂಬ ಆಸೆಯನ್ನು ಅದುಮಿಟ್ಟು, ಸಭಾ ಮರ್ಯಾದೆಯತ್ತ ಹೆಚ್ಚು ಗಮನಕೊಟ್ಟರು.</p>.<p>ಸಂಭ್ರಮ ಮತ್ತು ಸಂಘರ್ಷಗಳ ನಡುವೆ ಬಂದಂತೆ ಬಂದವರೇ ಗಂಭೀರವಾಗಿ ಪ್ರಜಾವಾಣಿ ಸಿನಿ ಸಮ್ಮಾನ ಗೌರವವನ್ನು ಸ್ವೀಕರಿಸಿದರು. ಕರುನಾಡ ಕರ್ನಾಟಕ ಸುಂದರಿಯು ಹೊಂಬಣ್ಣದ ಹೂಬಳ್ಳಿಯನ್ನು ಹೊತ್ತಿರುವ ಪ್ರಶಸ್ತಿಯನ್ನು ಹಿಡಿಯುವುದೇ ಖುಷಿ ಎಂಬಂತೆ ಸ್ವೀಕರಿಸಿದರು.</p>.<p>ಅನುಶ್ರೀ ಅವರು ‘ಮೌನವಾಗಿಯೇ ಉಳಿದು ಬಿಟ್ಟೆ’ ಸಾಲುಗಳ ಬಗ್ಗೆ ನೆನಪಿಸಿದರು. ಕನ್ನಡದ ಕಾರು, ಆಟೊಗಳ ಮೇಲೆಯೂ ರಾರಾಜಿಸಿರುವ ಈ ಸಾಲುಗಳನ್ನು ಒಮ್ಮೆ ಹೇಳುವಿರಾ ಎಂದು ಕೇಳಿದಾಗ.. ಒಂದರೆ ಗಳಿಗೆ ಆ ಸಾಲುಗಳನ್ನು ನೆನಪಿಸಿಕೊಂಡರು.</p>.<p>'ಓ ಬದುಕೇ ನೀನು ಮೌನವಾಗಿಯೇ ಉಳಿದುಬಿಟ್ಟೆ....!! ಎಂತೆಂಥ ಪ್ರಶ್ನೆಗಳನ್ನಿಟ್ಟೆ? ಎಂತೆಂಥ ಪೋಷಾಕು ತೊಟ್ಟೆ? ಉದ್ದಗಲಕ್ಕೂ ಮಿತಿಗಳನ್ನೇ ಇಟ್ಟು ಮಿತಿಮೀರಲು ಒಮ್ಮೊಮ್ಮೆ ಅನುಭವಿಸು ಎಂದು ಮೌನವಾಗಿಯೇ ಉಳಿದಬಿಟ್ಟೆ... </p>.<p>ಹೇಳುತ್ತಲೇ ಒಂದೆರಡು ಸೆಕೆಂಡುಗಳ ಬ್ರೇಕು ಪಡೆದು, ಸಾಲುಗಳು ನೆನಪಾಗ್ತಿಲ್ವಲ್ಲ ಅಂದವರೇ ಮುಂದಿನ ಸಾಲಿಗೆ ನಡೆದರು.. ’ಏನೇನೆಲ್ಲಾ ಗಳಿಸಿಕೊಟ್ಟೆ. ಏನೇನೆಲ್ಲಾ ಕಳೆದುಬಿಟ್ಟೆ. ಏನೇನೆಲ್ಲಾ ಕಲಿಸಿ. ಏನೇನೆಲ್ಲಾ ಮರೆಸಿ ಸುಖ ದುಖ ನಿನ್ನದು ಎಂದು ನೀನು ಮೌನವಾಗಿಬಿಟ್ಟೆ. ಓ ಬದುಕೇ ನೀನು ಮೌನವಾಗಿಯೇ ಉಳಿದುಬಿಟ್ಟೆ..!‘</p>.<p> ಬದುಕು ಮೌನವಾದ ಕುರಿತು, ಮೈಯೆಲ್ಲ ಕಿವಿಯಾಗಿಸಿಕೊಂಡಿದ್ದ ಸಭಿಕರ ಉಸಿರಾಟ ಬಿಟ್ಟರೆ ಏನೂ ಕೇಳುತ್ತಿರಲಿಲ್ಲ. ಇದ್ದಕ್ಕಿದ್ದಂತೆ ಎಚ್ಚೆತ್ತುಕೊಂಡವರೆಲ್ಲ ಕರತಾಡನ ಮಾಡಿ, ಮೆಚ್ಚುಗೆ ಸ್ವೀಕರಿಸಿದರು. </p>.<p>ಸಂಭ್ರಮದಿಂದಲೇ ಧನಂಜಯ ಪ್ರೀತಿಯಿಂದ ‘ವರ್ಷದ ಅತ್ಯುತ್ತಮ ಸಾಧನೆ’ ಗೌರವವನ್ನು ಎದೆಗಾನಿಕೊಂಡು ವೇದಿಕೆಯಿಂದ ಇಳಿದರು. ಇಳಿದಾಗಲೂ ಅದೇ ಪ್ರೀತಿಯ ಕರೆ ’ಡಾಲಿ... ಡಾಲಿ..‘ ಅನುರಣಿಸುತ್ತಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
