'ಶಕುಂತಲಾ ದೇವಿ' | ಲೆಕ್ಕ ಪ್ರತಿಭೆಯ ಸಿಕ್ಕುಗಳ ಸಡಿಲ ದರ್ಶನ

ಚಿತ್ರ: ಶಕುಂತಲಾ ದೇವಿ (ಹಿಂದಿ),ನಿರ್ಮಾಣ: ಸೋನಿ ಪಿಕ್ಚರ್ಸ್ ನೆಟ್ವರ್ಕ್ ಇಂಡಿಯಾ,ನಿರ್ದೇಶನ: ಅನು ಮೆನನ್, ತಾರಾಗಣ: ವಿದ್ಯಾ ಬಾಲನ್, ಸಾನ್ಯಾ ಮಲ್ಹೋತ್ರ, ಜಿಶು ಸೆನ್ಗುಪ್ತ, ಪ್ರಕಾಶ್ ಬೆಳವಾಡಿ, ಅಮಿತ್

. ಶಕುಂತಲಾ ದೇವಿ ಬಹುತೇಕರಿಗೆ ‘ಮಾನವ ಕಂಪ್ಯೂಟರ್’ ಎಂದೇ ಪರಿಚಿತರು. ಅವರ ವೈಯಕ್ತಿಕ ಬದುಕಿನ ಸಂಕೀರ್ಣ ಅಧ್ಯಾಯ ಅಪರಿಚಿತ. ಅವರ ಮಗಳಾದ ಅನುಪಮಾ ಬ್ಯಾನರ್ಜಿಯ ಬರಹಗಳನ್ನಾಧರಿಸಿ ಅಂತಹ ವಿವರಗಳನ್ನು ಕಟ್ಟಿಕೊಡುವ ಪ್ರಯತ್ನವನ್ನು ‘ಶಕುಂತಲಾ ದೇವಿ’ ಸಿನಿಮಾ ಮೂಲಕ ನಿರ್ದೇಶಕಿ ಅನು ಮೆನನ್ ಮಾಡಿದ್ದಾರೆ.

. ‘ಸತ್ಯ ಘಟನೆಗಳನ್ನು ಆಧರಿಸಿದ ಈ ಸಿನಿಮಾ ಸಾಕ್ಷ್ಯಚಿತ್ರವಾಗಲೀ, ಜೀವನಚಿತ್ರವಾಗಲೀ ಅಲ್ಲ’ ಎಂಬ ಒಂದು ಸಾಲಿನ ಒಕ್ಕಣೆ ಸಿನಿಮಾ ಶುರುವಾದಾಗ ಕಾಣುತ್ತದೆ. ಪಾತ್ರ ಪೋಷಣೆಯಲ್ಲಿ ಸ್ಪಷ್ಟ ನಿಲುವಿಗೆ ಬರಲು ನಿರ್ದೇಶಕಿಗೆ ಆಗಿಲ್ಲ ಎನ್ನುವುದಕ್ಕೆ ಇದೇ ಸಾಕ್ಷಿ.

. ಶಾಲೆಯಲ್ಲಿ ಕಲಿಯದ ಶಕುಂತಲಾ ದೇವಿ ಸ್ವಯಂ ಗಣಿತ ಪ್ರತಿಭೆ. ಎಂಥ ಅಂಕಿಗಳ ಆಟ ಕೊಟ್ಟರೂ ಥಟ್ಟನೆ ಪರಿಹರಿಸಬಲ್ಲ ಚತುರಮತಿ. ಇದನ್ನೇ ಅವರ ಅಪ್ಪ ಬಂಡವಾಳ ಮಾಡಿಕೊಳ್ಳುತ್ತಾನೆ. ಗಣಿತದ ಸಮಸ್ಯೆ ಬಗೆಹರಿಸುವ ಶೋಗಳನ್ನು ಆಯೋಜಿಸಿ ಹಣ ಮಾಡುತ್ತಾನೆ.

. ಬಾಲ್ಯದಿಂದಲೂ ನಿರ್ಭಿಡೆಯಿಂದ ತನ್ನದೇ ಲೋಕದಲ್ಲಿ ವಿಹರಿಸಲು ಬಯಸುವ ಶಕುಂತಲಾ, ಕುಟುಂಬದವರ ಬಂಧನದಿಂದ ಕಳಚಿಕೊಳ್ಳುತ್ತಾಳೆ. ವಿದೇಶಗಳಲ್ಲಿ ಸದ್ದು ಮಾಡುತ್ತಾಳೆ. ಹಣವನ್ನೂ ಸಂಪಾದಿಸುತ್ತಾಳೆ. ಪುರುಷರ ಸಾಂಪ್ರದಾಯಿಕ ಮನಸ್ಥಿತಿಗೆ ಒಗ್ಗಿಕೊಳ್ಳಲಾಗದ್ದನ್ನೂ ಧೈರ್ಯವಾಗಿಯೇ ಹೇಳಿಬಿಡುವ ಜಾಯಮಾನ ಅವಳದು. ಎಂಥ ಲೆಕ್ಕ ಕೊಟ್ಟರೂ ಉತ್ತರ ಹೇಳಿ, ‘ಆ್ಯಮ್ ಐ ರೈಟ್?’ ಎಂದು ಕೇಳುವ ಆಕೆ ಮಗಳ ವಿಷಯದಲ್ಲಿ ಮಾಡಿದ್ದು ಸರಿಯೋ, ತಪ್ಪೋ ಎಂಬ ಜಿಜ್ಞಾಸೆಯನ್ನು ತೆರೆಮೇಲೆ ತರುವ ತ್ರಾಸದಾಯಕ ಕೆಲಸಕ್ಕೆ ನಿರ್ದೇಶಕಿ ಕೈಹಾಕಿದ್ದಾರೆ.

. ಶಕುಂತಲಾ ದೇವಿ ಅವರ ಗಣಿತದ ಜಾಣತನವನ್ನು ತೋರಿಸುವ ಸನ್ನಿವೇಶಗಳಲ್ಲಿ ಗ್ರಾಫಿಕ್ಸ್ ಮೊರೆ ಹೋಗಿರುವ ಕ್ರಮ ದೃಶ್ಯವತ್ತಾಗಿ ಅವಶ್ಯಕವೇನೋ ಹೌದು. ಆದರೆ, ಅದು ಒಂದು ಹಂತದ ನಂತರ ಪುನರಾವರ್ತನೆ ಎನಿಸುತ್ತದೆ. ಶಕುಂತಲಾ ದೇವಿಯ ಬಾಲ್ಯದಿಂದ ಯೌವನದವರೆಗಿನ ಪಯಣದ ದೃಶ್ಯಗಳೆಲ್ಲ ನಾಟಕವನ್ನು ನೋಡಿದಂತೆ ಕಾಣುತ್ತವೆ.

. ಕೇಂದ್ರ ಪಾತ್ರದಲ್ಲಿ ವಿದ್ಯಾ ಬಾಲನ್ ಹಲವು ಭಾವಗಳನ್ನು ತುಳುಕಿಸುತ್ತಾ ಹಿಡಿದಿಟ್ಟುಕೊಳ್ಳುತ್ತಾರೆ. ಆದರೆ, ಅವರ ಪಾತ್ರ ಪೋಷಣೆಯಲ್ಲಿನ ಗೋಜಲುಗಳೇ ಕೊನೆ ಕೊನೆಗೆ ಮಿತಿಗಳೂ ಆಗಿವೆ. ಸಾನ್ಯಾ, ಪ್ರಕಾಶ್ ಬೆಳವಾಡಿ, ಜಿಶು ಸೆನ್ಗುಪ್ತ ಅಭಿನಯ ಔಚಿತ್ಯಪೂರ್ಣ.

. ಶಕುಂತಲಾ ದೇವಿಯವರ ವೈಯಕ್ತಿಕ ಬದುಕಿನ ಪುಟಗಳ ಅನಾವರಣದ ಕುತೂಹಲಕಾರಿ ಅಂಶಗಳ ನಿರೂಪಣೆಯಲ್ಲಿ ಗಟ್ಟಿಬಂಧವಿಲ್ಲ. ಕೆಲವು ವ್ಯಕ್ತಿಚಿತ್ರಗಳನ್ನು ಸಿನಿಮಾ ಆಗಿಸುವುದು ಎಷ್ಟು ಕಷ್ಟ ಎಂದು ಇದರಿಂದಲೇ ತಿಳಿಯುತ್ತದೆ. ‘ಸೂಪರ್ 30’ ಹಿಂದಿ ಸಿನಿಮಾದಲ್ಲಿನ ಭಾವತೀವ್ರತೆ ಇದರಲ್ಲಿ ಇಲ್ಲ ಎನಿಸಿದರೆ ಅದೂ ಸಹಜವೇ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

'ಶಕುಂತಲಾ ದೇವಿ' | ಲೆಕ್ಕ ಪ್ರತಿಭೆಯ ಸಿಕ್ಕುಗಳ ಸಡಿಲ ದರ್ಶನ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

IND vs SA | ಸಂಜು ಸ್ಫೋಟಕ ಶತಕ: ಭಾರತಕ್ಕೆ ಜಯ, ಆತಿಥೇಯ ದ. ಆಫ್ರಿಕಾಕ್ಕೆ ನಿರಾಸೆ

ಚೆಸ್‌ ಟೂರ್ನಿ: ಅರ್ಜುನ್‌ಗೆ ಮತ್ತೊಂದು ಜಯ

ಡಿ.6ರಿಂದ ಬೆಂಗಳೂರಿನಲ್ಲಿ ರಾಷ್ಟ್ರೀಯ ಕುಸ್ತಿ: ಅಮನ್ ಹಲವು ಕುಸ್ತಿ ತಾರೆಗಳು ಭಾಗಿ

SA vs IND T20: ಕಿಂಗ್ಸ್‌ಮೀಡ್‌ನಲ್ಲಿ ಟಾಸ್ ಸೋತ ಭಾರತ ಬ್ಯಾಟಿಂಗ್

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024