<p>ಕಮಲ ಹಾಸನ್ ಅವರ ಮುಂದಿನ ಚಿತ್ರ ‘ತಲೈವಾ ಇರುಕ್ಕಿರನ್’ನಲ್ಲಿ ನಟ ವಿಜಯ್ ಸೇತುಪತಿ ಮುಖ್ಯ ಪಾತ್ರಕ್ಕೆ ಬಣ್ಣ ಹಚ್ಚಲಿದ್ದಾರೆ.</p>.<p>ಈ ಹೊಸ ಚಿತ್ರವು 1992ರಲ್ಲಿ ಬಿಡುಗಡೆಗೊಂಡ, ಬ್ಲಾಕ್ಬಸ್ಟರ್ ಹಿಟ್ ಚಿತ್ರ ‘ದೇವರ್ ಮಗನ್’ ಸಿನಿಮಾದ ಸೀಕ್ವೆಲ್ ಆಗಿದ್ದು, ಸಿನಿಮಾದಲ್ಲಿ ವಿಜಯ್ ಸೇತುಪತಿ ನಟ ನಾಸರ್ ಅವರ ಪುತ್ರನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.</p>.<p>ಐದು ವರ್ಷಗಳ ಹಿಂದೆಯೇ ಈ ಚಿತ್ರದ ಬಗ್ಗೆ ಕಮಲ ಹಾಸನ್ ಘೋಷಿಸಿದ್ದರು. ಈ ಸೀಕ್ವೆಲ್ ಚಿತ್ರಕ್ಕೆ ‘ತಲೈವಾ ಇರುಕ್ಕಿರನ್’ ಎಂದು ಟೈಟಲ್ ಇಟ್ಟಿರುವುದಾಗಿಯೂ ತಿಳಿಸಿದ್ದರು. ಆದರೆ ಅನೇಕ ಕಾರಣಗಳಿಂದ ಈ ಚಿತ್ರ ಸೆಟ್ಟೇರಲಿಲ್ಲ. ಕಮಲಹಾಸನ್ ಕೂಡ ಬೇರೆ ಬೇರೆ ಚಿತ್ರ, ರಾಜಕಾರಣದಲ್ಲಿ ಬ್ಯುಸಿಯಾಗಿದ್ದರಿಂದ ಈ ಚಿತ್ರದ ಕೆಲಸಗಳು ಮುಂದುವರಿಯಲಿಲ್ಲ.</p>.<p>ಕಮಲಹಾಸನ್ ಹಾಗೂ ವಿಜಯ್ ಸೇತುಪತಿ ಉತ್ತಮ ಸ್ನೇಹ ಬಾಂಧವ್ಯ ಹೊಂದಿದ್ದು, ಈ ಚಿತ್ರದಲ್ಲಿ ನಟಿಸಲು ವಿಜಯ್ ಸೇತುಪತಿ ಆಸಕ್ತಿ ತೋರಿಸಿದ್ದಾರೆ. ‘ದೇವರ್ ಮಗನ್’ ಚಿತ್ರದಲ್ಲಿ ವಿಲನ್ ಆಗಿ ನಟಿಸಿದ್ದ ನಾಸರ್ನ ಮಗನಾಗಿ ’ತಲೈವಾ ಇರುಕ್ಕಿರನ್’ ಚಿತ್ರದಲ್ಲಿ ವಿಜಯ್ ನಟಿಸಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.</p>.<p>ಇತ್ತೀಚೆಗೆ ‘ತಲೈವಾ ಇರುಕ್ಕಿರನ್’ ಚಿತ್ರದಲ್ಲಿ ತಾನೂ ನಟಿಸುತ್ತಿರುವುದಾಗಿ ನಟ ವಡಿವೇಲು ಸಹ ಹೇಳಿಕೊಂಡಿದ್ದಾರೆ. ಕಮಲಹಾಸನ್, ವಿಜಯ್ ಸೇತುಪತಿ, ವಡಿವೇಲು ಹೊರತುಪಡಿಸಿ ಸಿನಿಮಾ ಪಾತ್ರವರ್ಗದ ಬಗ್ಗೆ ಚಿತ್ರತಂಡ ಏನೂ ಮಾಹಿತಿ ಬಹಿರಂಗಪಡಿಸಿಲ್ಲ.</p>.<p>ಈ ಚಿತ್ರಕ್ಕೆ ಲೈಕಾ ಪ್ರೊಡಕ್ಷನ್ಸ್ ಹಾಗೂ ರಾಜ್ಕಮಲ್ ಫಿಲ್ಮ್ಸ್ ಇಂಟರ್ನ್ಯಾಷನಲ್ ಬಂಡವಾಳ ಹೂಡಲಿದೆ. ಈ ಸಿನಿಮಾವು ಬಿಗ್ ಬಜೆಟ್ ಸಿನಿಮಾವಾಗಿದ್ದು, ಜಾತಿ, ಶಿಕ್ಷಣ ವ್ಯವಸ್ಥೆ, ಆರ್ಥಿಕತೆ, ರಾಜಕೀಯ ಅಸ್ಥಿರತೆ ಬಗ್ಗೆ ಚಿತ್ರಕತೆ ಇರಲಿದೆ.</p>.<p>ಕಮಲಹಾಸನ್ ನಾಯಕನಾಗಿ ನಟಿಸಿದ್ದ ‘ದೇವರ್ ಮಗನ್’ ಚಿತ್ರವನ್ನು ಭರತನ್ ನಿರ್ದೇಶನ ಮಾಡಿದ್ದರು. ಇದರಲ್ಲಿ ಶಿವಾಜಿ ಗಣೇಶನ್, ಗೌತಮಿ, ನಾಸರ್, ರೇವತಿ, ವಡಿವೇಲು ಮೊದಲಾದವರು ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕಮಲ ಹಾಸನ್ ಅವರ ಮುಂದಿನ ಚಿತ್ರ ‘ತಲೈವಾ ಇರುಕ್ಕಿರನ್’ನಲ್ಲಿ ನಟ ವಿಜಯ್ ಸೇತುಪತಿ ಮುಖ್ಯ ಪಾತ್ರಕ್ಕೆ ಬಣ್ಣ ಹಚ್ಚಲಿದ್ದಾರೆ.</p>.<p>ಈ ಹೊಸ ಚಿತ್ರವು 1992ರಲ್ಲಿ ಬಿಡುಗಡೆಗೊಂಡ, ಬ್ಲಾಕ್ಬಸ್ಟರ್ ಹಿಟ್ ಚಿತ್ರ ‘ದೇವರ್ ಮಗನ್’ ಸಿನಿಮಾದ ಸೀಕ್ವೆಲ್ ಆಗಿದ್ದು, ಸಿನಿಮಾದಲ್ಲಿ ವಿಜಯ್ ಸೇತುಪತಿ ನಟ ನಾಸರ್ ಅವರ ಪುತ್ರನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.</p>.<p>ಐದು ವರ್ಷಗಳ ಹಿಂದೆಯೇ ಈ ಚಿತ್ರದ ಬಗ್ಗೆ ಕಮಲ ಹಾಸನ್ ಘೋಷಿಸಿದ್ದರು. ಈ ಸೀಕ್ವೆಲ್ ಚಿತ್ರಕ್ಕೆ ‘ತಲೈವಾ ಇರುಕ್ಕಿರನ್’ ಎಂದು ಟೈಟಲ್ ಇಟ್ಟಿರುವುದಾಗಿಯೂ ತಿಳಿಸಿದ್ದರು. ಆದರೆ ಅನೇಕ ಕಾರಣಗಳಿಂದ ಈ ಚಿತ್ರ ಸೆಟ್ಟೇರಲಿಲ್ಲ. ಕಮಲಹಾಸನ್ ಕೂಡ ಬೇರೆ ಬೇರೆ ಚಿತ್ರ, ರಾಜಕಾರಣದಲ್ಲಿ ಬ್ಯುಸಿಯಾಗಿದ್ದರಿಂದ ಈ ಚಿತ್ರದ ಕೆಲಸಗಳು ಮುಂದುವರಿಯಲಿಲ್ಲ.</p>.<p>ಕಮಲಹಾಸನ್ ಹಾಗೂ ವಿಜಯ್ ಸೇತುಪತಿ ಉತ್ತಮ ಸ್ನೇಹ ಬಾಂಧವ್ಯ ಹೊಂದಿದ್ದು, ಈ ಚಿತ್ರದಲ್ಲಿ ನಟಿಸಲು ವಿಜಯ್ ಸೇತುಪತಿ ಆಸಕ್ತಿ ತೋರಿಸಿದ್ದಾರೆ. ‘ದೇವರ್ ಮಗನ್’ ಚಿತ್ರದಲ್ಲಿ ವಿಲನ್ ಆಗಿ ನಟಿಸಿದ್ದ ನಾಸರ್ನ ಮಗನಾಗಿ ’ತಲೈವಾ ಇರುಕ್ಕಿರನ್’ ಚಿತ್ರದಲ್ಲಿ ವಿಜಯ್ ನಟಿಸಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.</p>.<p>ಇತ್ತೀಚೆಗೆ ‘ತಲೈವಾ ಇರುಕ್ಕಿರನ್’ ಚಿತ್ರದಲ್ಲಿ ತಾನೂ ನಟಿಸುತ್ತಿರುವುದಾಗಿ ನಟ ವಡಿವೇಲು ಸಹ ಹೇಳಿಕೊಂಡಿದ್ದಾರೆ. ಕಮಲಹಾಸನ್, ವಿಜಯ್ ಸೇತುಪತಿ, ವಡಿವೇಲು ಹೊರತುಪಡಿಸಿ ಸಿನಿಮಾ ಪಾತ್ರವರ್ಗದ ಬಗ್ಗೆ ಚಿತ್ರತಂಡ ಏನೂ ಮಾಹಿತಿ ಬಹಿರಂಗಪಡಿಸಿಲ್ಲ.</p>.<p>ಈ ಚಿತ್ರಕ್ಕೆ ಲೈಕಾ ಪ್ರೊಡಕ್ಷನ್ಸ್ ಹಾಗೂ ರಾಜ್ಕಮಲ್ ಫಿಲ್ಮ್ಸ್ ಇಂಟರ್ನ್ಯಾಷನಲ್ ಬಂಡವಾಳ ಹೂಡಲಿದೆ. ಈ ಸಿನಿಮಾವು ಬಿಗ್ ಬಜೆಟ್ ಸಿನಿಮಾವಾಗಿದ್ದು, ಜಾತಿ, ಶಿಕ್ಷಣ ವ್ಯವಸ್ಥೆ, ಆರ್ಥಿಕತೆ, ರಾಜಕೀಯ ಅಸ್ಥಿರತೆ ಬಗ್ಗೆ ಚಿತ್ರಕತೆ ಇರಲಿದೆ.</p>.<p>ಕಮಲಹಾಸನ್ ನಾಯಕನಾಗಿ ನಟಿಸಿದ್ದ ‘ದೇವರ್ ಮಗನ್’ ಚಿತ್ರವನ್ನು ಭರತನ್ ನಿರ್ದೇಶನ ಮಾಡಿದ್ದರು. ಇದರಲ್ಲಿ ಶಿವಾಜಿ ಗಣೇಶನ್, ಗೌತಮಿ, ನಾಸರ್, ರೇವತಿ, ವಡಿವೇಲು ಮೊದಲಾದವರು ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
