ಮನಸಿಗೂ ಮುದ ಪೌಷ್ಟಿಕ ಪಾನೀಯ

"" . "" . ಬಿಸಿಲಿನ ಧಗೆ ಹೆಚ್ಚುತ್ತಲೇ ಇದೆ. ಇದರಿಂದ ಬಾಯಾರಿಕೆಯೂ ಜಾಸ್ತಿ. ಅದರಲ್ಲೂ ಈಗ ಲಾಕ್ಡೌನ್ನಿಂದಾಗಿ ಮನೆಯಲ್ಲೇ ಇರುವುದರಿಂದ ಏನಾದರೂ ಕುಡಿಯಬೇಕು, ತಿನ್ನಬೇಕು ಎನಿಸುವುದು ಸಹಜ. ಆದರೆ ಈ ಸಂದರ್ಭದಲ್ಲಿ ಕೇವಲ ತಂಪು ಪಾನೀಯದ ಬದಲು, ಮನೆಯಲ್ಲೇ ಮಾಡಿಕೊಳ್ಳಬಹುದಾದ ಸಾಕಷ್ಟು ಪೌಷ್ಟಿಕಾಂಶವಿರುವ ಪಾನೀಯಗಳನ್ನು ಸೇವಿಸಬಹುದು. ಅಂತಹ ಕೆಲವು ಪೌಷ್ಟಿಕ ಪಾನೀಯಗಳನ್ನು ಮಾಡುವ ವಿಧಾನವನ್ನು ಪರಿಚಯಿಸಿದ್ದಾರೆ ಜಾನಕಿ ಎಸ್.

. ದಾಸವಾಳದ ಜ್ಯೂಸ್

. ಬೇಕಾಗುವ ಸಾಮಗ್ರಿಗಳು: ಕೆಂಪು ದಾಸವಾಳದ ಹೂ – 1, ಸಕ್ಕರೆ – 4 ಚಮಚ, ನಿಂಬೆಹಣ್ಣು – 1/2 ಮತ್ತು ನೀರು –1 ದೊಡ್ಡ ಲೋಟ

. ತಯಾರಿಸುವ ವಿಧಾನ: ನೀರನ್ನು ಒಲೆಯ ಮೇಲೆ ಕುದಿಯಲು ಇಡಿ. ಕುದಿಯುವ ನೀರಿಗೆ ಚೆನ್ನಾಗಿ ತೊಳೆದ ದಾಸವಾಳದ ಹೂ ಹಾಕಿ. ಈ ಬಿಸಿನೀರನ್ನು ಸೋಸಿಕೊಂಡು ತಣಿದ ಮೇಲೆ ನಿಂಬೆರಸ ಮತ್ತು ಸಕ್ಕರೆ ಹಾಕಿ ಚೆನ್ನಾಗಿ ಕುಲುಕಿದಾಗ ಪಾನಕ ರೆಡಿ. ಇದರ ಬಣ್ಣ ಸಹಿತ ಬದಲಾವಣೆ ಆಗಿ ಕೆಂಪಾಗಿರುತ್ತದೆ. ಇನ್ನೂ ತಣಿಸಿ ಕುಡಿದರೆ ದೇಹದ ಉಷ್ಣ ಕಡಿಮೆ ಆಗುತ್ತದೆ.\

. ಪುದಿನ ಪಾನಕ

. ಬೇಕಾಗುವ ಸಾಮಗ್ರಿಗಳು : ಪುದಿನ ಎಲೆ – 5ರಿಂದ 6, ಶುಂಠಿ –ಸ್ವಲ್ಪ, ಕಾಳುಮೆಣಸಿನ ಪುಡಿ – ಚಿಟಿಕೆ, ಬೆಲ್ಲ – 3 ಚಮಚ, ನಿಂಬೆರಸ – 1/2 ಚಮಚ, ನೀರು – ಒಂದು ಲೋಟ.

. ತಯಾರಿಸುವ ವಿಧಾನ: ಪುದಿನ, ಶುಂಠಿ, ಕಾಳುಮೆಣಸಿನ ಪುಡಿ ಇವುಗಳನ್ನು ಕುಟ್ಟಾಣಿಯಲ್ಲಿ ಹಾಕಿ ಚೆನ್ನಾಗಿ ಅರೆದು ನೀರಿಗೆ ಸೇರಿಸಿ, ಬೆಲ್ಲ ಹಾಕಿ. ಈ ಮಿಶ್ರಣಕ್ಕೆ ನಿಂಬೆರಸ ಹಾಕಿ ಕದಡಿದಾಗ ಪಾನಕ ಸಿದ್ಧ. ಇದನ್ನು ಕುಡಿದರೆ ಬಿಸಿಲಿನಿಂದ ಉಂಟಾದ ದಣಿವು ಇಂಗುತ್ತದೆ. ಹಾಗೆ ಈ ಮಿಶ್ರಣವನ್ನು ತಿಳಿ ಮಜ್ಜಿಗೆಯೊಂದಿಗೆ ಸೇರಿಸಿ ಕುಡಿಯಬಹುದು. ಬೆಲ್ಲ ಹಾಕಬಾರದು. ಸಾಸಿವೆ ಕಾಳಿನ ಒಗ್ಗರಣೆ ಕೊಟ್ಟರೆ ಅನ್ನಕ್ಕೆ ಕಲೆಸಿ ಉಣ್ಣಬಹುದು.

. ಬೂದುಗುಂಬಳಕಾಯಿ ತಂಬುಳಿ

. ಬೇಕಾಗುವ ಸಾಮಗ್ರಿಗಳು: ಬೂದುಗುಂಬಳಕಾಯಿ ಹೋಳು – 1 ಸಣ್ಣ ಕಪ್, ಮಜ್ಜಿಗೆ – 1 ಕಪ್, ತೆಂಗಿನ ತುರಿ – 1 ಟೀ ಚಮಚ, ಕಾಳುಮೆಣಸು – 2 , ಎಳ್ಳು – 1/4 ಟೀ ಚಮಚ, ಹಸಿಮೆಣಸು – ಸಣ್ಣ ತುಂಡು, ಜೀರಿಗೆ, ಸಾಸಿವೆ ಸ್ವಲ್ಪ, ಉಪ್ಪು – 3/4 ಚಮಚ, ಎಣ್ಣೆ 1 ಚಮಚ.

. ತಯಾರಿಸುವ ವಿಧಾನ: ಎಳ್ಳು, ಕಾಳುಮೆಣಸು, ಹಸಿಮೆಣಸು ಸ್ವಲ್ಪ ಹುರಿದುಕೊಳ್ಳಬೇಕು. ಸಿಪ್ಪೆ ತೆಗೆದು ಹೆಚ್ಚಿದ ಕುಂಬಳಕಾಯಿ ಹೋಳು, ಹುರಿದ ಸಾಮಾನು, ತೆಂಗಿನತುರಿ ಸೇರಿಸಿ ಮಿಕ್ಸಿಯಲ್ಲಿ ರುಬ್ಬಬೇಕು. ನಯವಾಗಿರುವ ಮಿಶ್ರಣಕ್ಕೆ ಮಜ್ಜಿಗೆ ಸೇರಿಸಿದರೆ ತಂಬುಳಿ ಸಿದ್ದವಾಗುತ್ತದೆ. ಎಣ್ಣೆ, ಸಾಸಿವೆ, ಜೀರಿಗೆ ಒಗ್ಗರಣೆ ಮಾಡಿ ತಂಬುಳಿಗೆ ಹಾಕಬೇಕು. ತೆಳುವಾಗಿರುವ ಈ ಪದಾರ್ಥ ಅನ್ನದೊಂದಿಗೆ ಕಲಸಿ ಉಣ್ಣಲು, ಬೇಸಿಗೆಯಲ್ಲಿ ತುಂಬಾ ಆರಾಮ ಅನಿಸುತ್ತದೆ. ಕುಂಬಳ ಹೋಳು, ಹುರಿದ ಎಳ್ಳು, ಮೆಣಸಿನಕಾಳು, ಜೀರಿಗೆ ಸೇರಿಸಿ ರುಬ್ಬಿ ಮಜ್ಜಿಗೆ ಸೇರಿಸಿ ಜ್ಯೂಸ್ ತರಹ ಕುಡಿಯಬಹುದು.

. ಕಲ್ಲಂಗಡಿ ಬೀಜದ ಮಿಲ್ಕ್ ಶೇಕ್

. ಬೇಕಾಗುವ ಸಾಮಗ್ರಿಗಳು: ಬಾದಾಮಿ – 5 - 6, ಗೋಡಂಬಿ – 4, ಕಲ್ಲಂಗಡಿ ಬೀಜ – ಒಂದೂವರೆ ಟೀ ಚಮಚ, ಸಕ್ಕರೆ – 4 ಟೀ ಚಮಚ, ಹಾಲು – ಒಂದು ದೊಡ್ಡ ಲೋಟ, ನೀರು – ಅರ್ಧ ಲೋಟ, ಏಲಕ್ಕಿ –1/2

. ತಯಾರಿಸುವ ವಿಧಾನ: ಗೋಡಂಬಿ, ಬಾದಾಮಿ, ಕಲ್ಲಂಗಡಿ ಬೀಜ ಇವುಗಳನ್ನು ತೊಳೆದು, ಸ್ವಲ್ಪ ಬಿಸಿ ನೀರಿನಲ್ಲಿ ಒಂದು ತಾಸು ನೆನೆಸಿಡಬೇಕು. ನಂತರ ಬಾದಾಮಿ ಸಿಪ್ಪೆ ಸುಲಿದು (ಸುಲಭವಾಗಿ ಸಿಪ್ಪೆ ತೆಗೆಯಬಹುದು), ಈ ಮೂರರ ಜೊತೆಗೆ ಏಲಕ್ಕಿ ಸೇರಿಸಿ ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಬೇಕು. ಈ ಪೇಸ್ಟ್ಗೆ ನೀರು, ಸಕ್ಕರೆ ಹಾಕಿ ಒಲೆ ಮೇಲೆ ಇಟ್ಟು, ಒಂದು ಕುದಿ ಬರುವವರೆಗೆ ಕಾಯಿಸಿದರೆ ಸಾಕು. ಕಾಸಿದ ಹಾಲು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿದರೆ ಖೀರು ಸಿದ್ಧ. ಬಿಸಿಯಾಗಿದ್ದಾಗ ಕುಡಿಯಲು ಚೆನ್ನಾಗಿರುತ್ತದೆ. ಇದನ್ನ ಆರಿಸಿ ಫ್ರಿಜ್ನಲ್ಲಿ ಇಟ್ಟು ಅಥವಾ ತಣ್ಣನೆ ಹಾಲು ಸೇರಿಸಿದರೆ ಮಿಲ್ಕ್ ಶೇಕ್ರೆಡಿ. ಈ ಪಾನೀಯ ತುಂಬಾ ಪೌಷ್ಟಿಕವಾಗಿರುತ್ತದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮನಸಿಗೂ ಮುದ ಪೌಷ್ಟಿಕ ಪಾನೀಯ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ